Контакт

Македонија

Иницијатива за парк во Тетово под слоганот „Град е со градски“

Објавено пред

Под слоганот „Град е со градски“, над 60 истакнати граѓани, универзитетски професори, архитекти, лекари, правници, културни работници, денеска до општина Тетово доставија предлог со кој се бара формирање на парк во Тетово.

dobivaj vesti na viber

На денешната прес-конференција, претставници на иницијативата „Тетово сака парк“ го претставија граѓанскиот предлог, осврнувајќи се на повеќе аспекти кои се клучни во однос на формирањето и поврзувањето на зелените површини.

„Денес ние група од 60-тина етаблирани интелектуалци од градот Тетово сакајќи да дадеме конструктивен придонес кон развојот на нашиот град, повикувајќи се на јавно декларираната отвореност на локалните власти да ги слушнат предлозите и потребите на граѓаните, како и врз основ на нашите со Устав и закон загарантирани права за хуман јавен простор и здрава животна средина поднесовме рационален, издржан и аргументиран предлог до Општина Тетово, Совет на општина Тетово, со кој бараме во согласност со законските надлежности да донесе соодветни одлуки за формирање на прв вистински градски парк во Тетово, преку утврдување на урбанистичка намена Д во Генералниот и деталните урбанистички планови за модули од урбаните блокови 27, 29, 31 и 57, како прва најзначајна појдовна точка до целосна реализација“, изјави Даријан Сотировски, магистер по право.

„Сè се сведува на тоа за кого е овој град, за граѓаните, за сите нас или за капиталот. Вака веќе не може! Тетово е светски рекордер по загаденост на амбиенталниот воздух, огромна изграденост, провев нема, ниту елементарни услови за квалитетен живот, хуман јавен простор и здрава животна средина. Генерации и генерации го жртвуваа своето здравје и сегашност, за капиталот да овозможи своја иднина. Но, вака веќе не може“, истакна Сотировски.

На претставувањето се обрати и Соња Трифуновска, истакнат просветен работник.

„Секој град треба да има парк, на нашиот град тоа многу му недостасува. Тетово последниве години доживува градежна експанзија и зградите и другите изградени објекти ја спречуваат циркулацијата на воздухот. Асфалт има насекаде. Од друга страна големиот сообраќаен метеж многу го загадува воздухот и луѓето избегнуваат да се шетаат по улиците. Нашето секојдневие наложува често седење пред мобилен телефон, компјутер или лаптоп наместо практикување на прошетки и дружби со семејството и пријателите. Тоа е и поради тоа што Тетово нема простор каде би се одело на прошетки во природа за да се побара одмор и релаксација од динамичното и стресно секојдневие“.

Во излагањето, Трифуновска потсети и на пример од работата со ученици.

„Колку е важен паркот посебно за децата ќе ви кажам од еден пример: кога на училиште имавме час за да ја разберат функцијата на претседателот на општината, им дадов за задача да бидат во улога на кандидат за градоначалник и да направат своја програма. Преку програмите што ги направија учениците се гледаше како тие сакаат да изгледа градот и какви потреби имаат. Сите ученици во програмата имаа напишано дека ќе изградат парк за да може децата да играат и да одат на прошетки со семејството на чист воздух“, изјави Трифуновска.

Предлогот детално го претстави Благоја Ристовски, магистер инженер архитект и дел од иницијативата.

„Во Тетово нема ниту еден парк. Во Тетово, како јавен простор се користат шест зелени површини позиционирани на: ‘Два бреста’, стара библиотека, Шарена џамија, „Ајдучко Маало“, „Жена борец“, населбата близу тениските игралишта. Сите се помали од 1ha. Според закон за урбано зеленило, парк е зелена површина со големина над 1ha, која се користи за одмор, шетање, разонода и игра.Тетово има 0,2m² парковска површина по жител. СЗО препорачува 9m² градско зеленило по жител. Предложената површина ќе овозможи голем исчекор во приближувањето до стандардите за градска зелена површина по жител, со можни 16,4ha површина целосно дефинирана како градски парк.Површината предложена за градски парк е последното слободно, неизградено градско ткиво од толкав обем, со капацитет да биде интегрално дефинирано како парк, која инаку е 74% државно земјиште“, изјави Ристовски.

Тој посочи дека станува збор за специфично градско подрачје, во коешто градот завршува а на исток продолжува некакво неградско ткаење. Со тоа, рече Ристовски, имаме место коешто е совршено за одмор и рекреација, а е достапно до градот.

„Површината е речиси симетрично поставена на оската – булеварот што води до градскиот плоштад. Ова е можност да се создаде еден јасно дефиниран урбанистички гест зелена источна капија, кога западната зелена капија е Шар Планина, воедно се создава тампон зона кон индустриската зона на исток“, посочи Ристовски.

Македонија

Со јапонски искуства ќе се трансформира системот за управување со кризи и заштита и спасување, Ангелов ја заврши посетата на Јапонија

Објавено пред

Директорот на Центарот за управување со кризи (ЦУК), Стојанче Ангелов, заедно со раководителот на Секторот за аналитика во ЦУК, Стевко Стефаноски (носител на соработката) ја завршија исклучително успешната и корисна еднонеделна работна посета на Јапонија што ќе ја продлабочи понатамошната соработка меѓу ЦУК и Агенцијата за меѓународна соработка на Јапонија (JICA), соопшти Центарот за упрвување со кризи.

dobivaj vesti na viber

„Стекнатите искуства и знаења ќе бидат добредојдени во процесот на трансформација на системот за управување со кризи и заштита и спасување (СУК)“, информираат од ЦУК.

Директорот Стојанче Ангелов, изрази голема благодарност до Агенцијата за меѓународна соработка на Јапонија којашто ја овозможи оваа работна посета покривајќи ги сите трошоци, вклучително и авионските билетите и хотелското сместување во Јапонија.

Од ЦУК додаваат дека за повеќето информации од конкретни активности во Јапонија, јавноста ќе биде информирана во наредниот период.

Прикажи повеќе...

Македонија

Обвинителството незадоволно од одлуката за куќен притвор за Нино Васев и Нехат Нухи за Онкологија, поднесе жалба

Објавено пред

Скопското обвинителство вложи жалба на решението со кое Основниот кривичен суд Скопје определи мерка куќен притвор на поранешниот директор на Клиниката за онкологија Нино Васев и на организациски директор Нехат Нухи, во предметот „Онкологија”.

dobivaj vesti na viber

Јавниот обвинител е незадоволен од одлуката и бара од Апелацискиот суд да ја преиначи во ефективен притвор, бидејќи цени дека со поблага мерка не може да се гарантира непречено водење на кривичната постапка .

„Имајќи предвид дека со двете поднесени обвиненија на обвинетите им се ставаат на товар повеќе тешки кривични дела за кои се запретени високи затворски казни, како и другите околности кои укажуваат на опасност од бегство, мерката куќен притвор не претставува доволно ефикасна заштита“, велат од Обвинителството.

Државниот јавен обвинител Љупчо Коцевски, основниот јавен обвинител на ОЈО Скопје Гаврил Бубевски и обвинителката Ана Гоговска Јакимовска претходно на прес-конференција информираа дека се поднесени две обвиненија за предметот „Онкологија“ со кои се опфатени двајцата поранешни директори на Клиниката и четворица доктори онколози. Според обвинението, 29 пациенти примиле несоодветна, а 16 непотребна терапија.

Прикажи повеќе...

Македонија

(Видео) Манасков: ВМРО-ДПМНЕ ги изневери просветните работници

Објавено пред

ВМРО-ДПМНЕ ги изневери просветните работници и учениците, ништо од ветеното не исполни, изјави на прес-конференција, Јованче Манасков, претседател на Комисијата за образование и наука на СДСМ.

dobivaj vesti na viber

Од партијата по повод 24 Мај – Денот на сесловенските просветители изразија благодарност до просветните работници и до сите оние кои секојдневно вложуваат целосна посветеност во воспитно-образовниот процес и во создавањето на идни професионалци во различните области на општественото живеење.

Тој рече дека Владата на СДСМ работела на создавање на соверемен и инклузивен образовен систем достапен за сите, па зборуваше за зголемувањето н аплатите за 56 отсто во основното и средното образование, вклучително и воведување на регрес за годишен одмор првпат по 20 години. Го спомена укинувањето на екстерното тестирање и казните за наставниците, и воведувањето на дуалното образование.

Според СДСМ, денес има уназадување на образовниот процес и статусот на наставниот кадар, а ВМРО-ДПМНЕ нема ниту волја ниту слух за зголемување на платите на вработените во образованието иако потрошувачката кошничка секојдневно расте.

Прикажи повеќе...

Најново

Македонија55 минути

Со јапонски искуства ќе се трансформира системот за управување со кризи и заштита и спасување, Ангелов ја заврши посетата на Јапонија

Директорот на Центарот за управување со кризи (ЦУК), Стојанче Ангелов, заедно со раководителот на Секторот за аналитика во ЦУК, Стевко...

Македонија1 час

Обвинителството незадоволно од одлуката за куќен притвор за Нино Васев и Нехат Нухи за Онкологија, поднесе жалба

Скопското обвинителство вложи жалба на решението со кое Основниот кривичен суд Скопје определи мерка куќен притвор на поранешниот директор на Клиниката...

Топ1 час

Во претреси во повеќе градови најдени оружје и муниција, има приведени

Полицијата изврши претреси во битолско, прилепско, крушевско и во Македонски Брод, пришто пронајдени се оружје и муниција, а приведени четири...

Македонија2 часа

Сиљановска-Давкова: Кирил и Методиј ни ја подарија не само глаголицата, туку со неа изградија силен сесловенски културен и цивилизациски темел

Претседателката Гордана Сиљановска-Давкова упати честитка по повод 24 Мај, Денот на сесловенските просветители светите браќа Кирил и Методиј. „Дозволете ми...

Македонија2 часа

СДСМ: Вистината излезе на виделина за Онкологија, ВМРО-ДПМНЕ да се извини за лагите за Филипче

Вистината излезе на виделина за Онкологија, а грозната лага на Мизрахи и ДПМНЕ, кои сакаа со криење документи да го...

Македонија3 часа

Сослушување на семејствата на загинатите во Кочани, ќе бидат повикани и да се приклучат кон кривичниот прогон

Јавните обвинители кои постапуваат во истрагата во врска со пожарот во кочанската дискотека „Пулс” почнуваат да сослушуваат претставници на семејствата...

Македонија3 часа

Зошто Филипче е изземен од случајот Онкологија, прашува ВМРО-ДПМНЕ

Судиите и обвинителите се клиентелисти на СДСМ кои ги штитат политичките криминалци, велат од ВМРО-ДПМНЕ утрово преку соопштение, прашувајќи зошто...

Македонија4 часа

Мицкоски: На достоинствен начин продолжуваме да го негуваме животот и делото на светите браќа Кирил и Методиј

На достоинствен начин продолжуваме да го негуваме животот и делото на светите браќа Кирил и Методиј, нивната благородна мисија обединува...

Европа16 часа

(Видео) Жена избоде седумнаесет луѓе на железничка станица во Хамбург

Напад со нож се случил вечерва на главната железничка станица во Хамбург, објави „Билд“. Најмалку седумнаесет лица беа повредени, а...

Регион16 часа

(Видео) Силни врнежи од дожд и град во Белград, поплавени улици и дел од автопатот

Ветер, град и пороен дожд го погодија Белград. Улици и автопат беа поплавени откако невреме го погоди српскиот главен град....

Топ17 часа

Двајца загинати во тешка сообраќајна несреќа во Скопје: мотоцикл излетал од коловозот и удрил во бетонски столб

Во тешка сообраќајна несреќа што се случи денеска на крстосницата меѓу булеварите „8 Септември“ и „Никола Карев“ во Скопје две...

Македонија18 часа

(Фото) Република Македонија во Рим го одбележува денот на Свети Кирил и Методиј

Министерот за култура и туризам, Зоран Љутков, денеска и утре престојува во Рим, Италија, како член на државно-црковната делегација предводена...

Свет18 часа

Реакции на заканата од Трамп: Американските производители на виски, француската козметика и германската хемиска индустрија повикуваат на ублажување на тензиите

Откако Доналд Трамп повторно се закани дека ќе ја ескалира трговската војна и препорача воведување царина од 50 проценти за...

Македонија19 часа

Временска прогноза за викендов: дожд, грмежи, засилен ветер и пониски температури

Времето утре ќе биде променливо облачно и нестабилно со повремени врнежи од дожд, проследени со грмежи и засилен ветер. Пообилни...

Македонија19 часа

Силно одбранбено партнерство и целосна усогласеност со заедничката надворешна и безбедносна политика, Мисајловски и Калас ги посетија Балканските медицински наменски сили

Министерот Владо Мисајловски и високата претставничка на Европската Унија за надворешни работи и безбедносна политика, Каја Калас денеска (23 мај)...

Македонија20 часа

Прв Дијалог за безбедност и одбрана меѓу Европската Унија и Северна Македонија

Денеска, во рамки на официјалната посета на високата претставничка на ЕУ за надворешни работи и безбедносна политика, Каја Калас, во...

Македонија21 час

Собрани околу 2,5 милиони евра за настраданите во Кочани, од Црвениот крст велат во неколку наврати вршеле исплата

Во рамките на апелот на Црвениот крст за поддршка на настраданите од катастрофалниот пожар во Кочани од 16 март, досега...

Македонија22 часа

Мицкоски: Прифативме билатерална средба со Бугарија на маргините на НАТО, со присуство на претставници од ЕУ и САД

Премиерот Христијан Мицкоски откри дека прифатиле да седнат на маса со Бугарија на маргините на НАТО самитот со присуство на...

Македонија23 часа

Мицкоски повика на фер третман: Уморни сме од постојаните блокади поради билатерални прашања

Премиерот Христијан Мицкоски и високата претставничка на ЕУ за надворешна политика и безбедност, Каја Калас имале отворен разговор за македонските...

Македонија23 часа

Сè уште се надеваме дека планот А ќе функционира, рече Калас прашана зошто за Украина има, а за Македонија нема план Б

Високата претставничка на ЕУ за надворешни работи и безбедносна политика, Каја Калас, вели дека во случајот со Северна Македонија сè...