Спорт
„Конте-бол“ е лекот за тактиките на Пеп Гвардиола!
Тотенхем во саботата малку ја виде топката при 3:2 победата над шампионот Манчестер сити на „Етихад“, но тактиката на Пеп Гвардиола беше задушена од фантастичниот план за контра фудбал на Антонио Конте, објаснува порталот Goal.com во анализата на тактиката која може да им донесе крај на доминацијата на „граѓаните“.
Саутемптон покрај Тотенхем успеа да му откине поени на тимот на Гвардиола со едноставна тактика – опкружи го Родри за да спречиш Сити да гради акции во последната третина од теренот, но планот на Антонио Конте беше поинаков и некои може да научат од него.
ТЕСНА ТАКТИКА 5-4-1 ЗА ЗАТВОРАЊЕ НА ПРОСТОРОТ
Кога Спарс ја немаше топката, стратегијата беше едноставна. Со формација 5-4-1, Конте беше задоволен да има 28 отсто од поседот на топката и да седи длабоко и тесно на својата половина за фрустрација на Сити. Сметајќи дека играта на Сити ќе биде забавена, поседот на топката далеку од пеналтикот не зачи многу. Покрај тоа, неговите играчи беа ретко пошироко од шестнаесетникот, со што немаше простор меѓу централиот бек и фул-бекот, каде што Гвардиола бара простор од своите играчи беа пополнети.
Имаше моменти, особено во првото полувреме, кога Сити беше опасен на левата страна, особено бидејќи таму беше само Родриго Бентанкур со пресинг, но и бидејќи Кулушевски и Емерсон Ројал се најслабите дефанзивци на тимот.
Проблемот на Сити беше ист како против Саутемптон – без централен напаѓач да истрча во шестнаеетикот немаше кој да ја добие топката. Кевин де Брујне стоеше од десната страна опкружен со дефанзивци на Спарс, а Фил Фоден беше безопасен во нападот.

КОНТРАНАПАДИТЕ СО ЦЕЛ РОДРИ
Дека Сити е најдобро да се нападне со контранапади за да се дојде зад високата задна линија, е добро познато, но малкумина успеваат во тоа бидејќи Сити игра пресинг кога ќе ја загубат топката и шансата бргу исчезнува.
Тотенхем, сепак, беше постојана закана поради прецизноста на движењата на три точки (кои, како што Хери Кејн призна, биле вежбани на тренинг). Затоа тие додаваа пред Сити да направи пресинг. Родри, како единствен во основата на средиот ред, Конте им порача на своите играчи да одат околу Шпанецот.

Кејн беше постојана цел за топките од своите соиграчи, а Кулушевски и Хеунг-Мин Сон трчаа одзади предизвикувајќи враќање назад на Сити, дестабилизација на формата на игра и шаси за Тотенхем. Ова беше повторувано во текот на целиот натпревар и Гвардиола немаше одговор.

КОЈ МОЖЕ ДА ГО ПОВТОРИ ОВА?
Иако тактиката е едноставна во теорија, малку тимови имаат дефанзивно тренирање како Конте и напаѓач како Кејн. Манчестер јунајтед со Џејдон Санчо и Маркус Рашфорд и, секако, Кристијано Роналдо, може да го копира системот, но и Вулверхемптон со фантастичната одбрана и Раул Хименез и Даниел Поденс напред. Исто така, Вест хем, кој има напаѓачи што може да создадат проблеми, како Мајкл Антонио и Џерод Боуен, може да бидат цврст орев за Гвардиола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Среде сезона Рафа Силва реши да се пензионира
Португалскиот репрезентативец, играч на бешикташ, Рафа Силва, реши среде сезоната да стави крај на кариерата. Одлуката на 32-годишникот ги шокира сите во клубот.
„Имам голема почит кон тренерот, но донесов одлука и таа нема да се промени“, додаде Португалецот откако главниот координатор на Бешикташ, Серкан Рехбер, и тренерот Серген Јалчин, побараа средба со него.
Рафа Силва има договор со Бешикташ до 2027 година. Клубот не се откажува од него, апоред турските медиуми го очекува состанок и со претседателот на Бешикташ, Сердал Адали.
Клупските челници соочени со можноста Силва да го напушти фудбалот, ја спомена клаузулата дека „доколку не се врати на теренот, мора да плати отштета“ во случај на еднострано да го раскине договорот.
Рафа Силва постигна 23 гола и забележа 16 асистенции во 65 настапи за „Црните орли“, претходно играше за Бенфика и Брага.
Спорт
Два клуба сериозно се заинтересирани за Левандовски
Полскиот напаѓач Роберт Левандовски (37) изјави дека не брза да го продолжи договорот со Барселона, кој истекува во јуни 2026 година. По оваа изјава, веднаш започнаа шпекулациите околу неговата иднина.
Два клуба веќе се издвоија како потенцијални нови дестинации, Фенербахче и Милан, пишуваат шпанските медиуми.
Според информациите на новинарот Серџан Хамзаоглу, турскиот гигант, засега, индиректно прашува за условите под кои Левандовски би можел да пристигне во Истанбул. Тие наводно размислуваат за продажба на Јусеф Ен-Несири, кој сонува да оди во Саудиска Арабија, за да ослободат простор и средства.
Извори блиски до клубот тврдат дека Фенербахче би можел да му понуди 18-месечен договор, почнувајќи уште од овој јануари и завршувајќи во јуни 2027 година. Сè уште не се преземени официјални чекори за да не се наруши мирот во тимот на клубот кој беше 28 пати шампион на Турција.
Од друга страна, новинарот Саша Таволиери за „Скај Спорт Италија“ носи сторија за интересот на Милан. Италијанскиот клуб размислува за Левандовски како засилување за следната сезона, кога би пристигнал како слободен играч по завршувањето на договорот со Барселона.
Таволиери наведува и конкретни чекори. Спортскиот директор на Милан, Игли Таре, наскоро треба да се сретне со агентот на полскиот напаѓач Пини Захави за да разговараат за финансиските услови на договорот.
Минатата сезона, Левандовски постигна 42 гола на 52 натпревари, а во својата кариера повеќе од 700 од нив играјќи за полската репрезентација (87 гола), Баерн (344), Борусија Дортмунд (103), Барселона (105)… Во девет лигашки натпревари оваа сезона, тој постигна седум гола.
Спорт
Вулверхемптон назначи нов тренер
Вулверхемптон го назначи Роб Едвардс за менаџер на првиот тим.
Поранешниот тренер на Мидлсбро, кој го замени Витор Переира како главен тренер на Вулверхемптон, потпиша договор од три и пол години со последнопласираниот тим во Премиер лигата.
„Роб и неговиот тим покажаа и претходно дека можат да бидат навистина добри во менувањето на културата, брзо всадувајќи доверба кај играчите и градејќи основа за позитивна иднина. Тој сака да биде на теренот и да го менува тимот, усвојувајќи тактики во различни ситуации. Мораме да ја пренесеме енергијата што ја носи од тренерот на теренот. Мораме брзо да ја всадиме таа доверба кај играчите и мислам дека Роб ќе биде одличен целиот клуб“, рече раководителот на професионалниот развој на фудбалот на Вулверхемптон, Мет Џексон.
Едвардс во минатото работел во Вулверхемптон како помошник тренер на сениорскиот тим, тренер на младинските тимови и вршител на должноста шеф на тренерскиот штаб на првиот тим.
Подоцна, тој ги водеше и тимовите на Телфорд Јунајтед, Форест Грин, Вотфорд, Лутон и Мидлсбро, а беше и селектор на репрезентацијата на Англија до 16 години. За време на неговата играчка кариера, тој играше за Вулверхемптон од 2004 до 2008 година.
На Едвардс во Вулверхемптон ќе му се придружи Хари Вотлинг, кој ќе биде прв асистент.
Вулверхемптон не победи на ниту еден од 11-те натпревари што ги одигра досега оваа сезона во Премиер лигата, во која се наоѓаат на последното, 20-то место на табелата со два бода.

