Спорт
Еланга пак „џокер“ за Јунајтед кај Атлетико, Бенфика извлече реми со Ајакс
Атлетико Мадрид даде рано гол, и потоа успеа да ја „задуши“ играта на безидејниот Манчестер јунајтед до 80. минута, пред Ентони Еланга повторно да се покаже како „супер-замена“ за 1:1 реми во првиот меч од осминафиналето на Лигата на шампионите, додека Бенфика и Ајакс во интересен натпревар одиграа 2:2 во Лисабон, за интересен реванш во Амстердам.
„Рохибланкос“ дојдоа во водство уште во 7. минута од мечот, кога Ренан Лоди упати фантастична топка кон шестнаесетникот, а Жоао Феликс ја искористи лошата реакција на Хери Мегваер и Рафаел Варан да постигне фантастичен гол со глава.
По водството, тимот на Диего Симеоне немаше проблем да му го остави поседот на топката на противникот, и да чека своја шанса, но „ѓаволите“ беа безидејни во нападот и имаа само два удари (надвор од рамката на голот) во првото полувреме. „Рохибланкос“ можат да жалат што во финишот на полувремето ја погодија само пречката.
Слична игра имаше и во второто полувреме, пред во 75. минута, Ралф Рангник да го стави во игра својот миленик, Ентони Еланга, кој одговори со убав гол само пет минути подоцна по брзата акција на Бруно Фернандеш. Во 87. минута, Антоан Гризман, кој влезе од клупата имаше совршена шанса да го врати водството на Атлетико, но ја погоди само пречката.
Во Лисабон, Ајакс дојде до рано водство со голот на капитенот Душан Тадиќ во 18. минута, по што на сцена стапи Себастиен Але. Французинот прво си постигна автогол во 26. минута, за само три минути подоцна да ги врати „копјаниците“ во водство со својот 11. гол во ЛШ во само седум меча оваа сезона.
Сепак, Бенфика успеа да стигне до израмнување во 72. минута, кога нововлезениот Украинец Роман Јаремчук го совлада Ремко Пасвер за 2:2.
ЛИГА НА ШАМПИОНИ, ОСМИНАФИНАЛЕ, 1.МЕЧ
Атлетико Мадрид – Манчестер јунајтед 1:1
Бенфика – Ајакс 2:2
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баерн наредната недела ќе реши кој ќе биде наследникот на Тухел
Почесниот претседател на Баерн Минхен, Ули Хенес изјави дека очекува клубот да донесе одлука за нов тренер во рок од една недела.
Баерн во февруари објави дека тренерот Томас Тухел ќе го напушти клубот на крајот на сезоната, една година пред истекот на неговиот договор, поради незадоволителни резултати.
„Мислам дека ќе донесеме одлука за една недела“, изјави Хенес за „Франкфуртер алгемајне цајтунг“.
Откако беше објавено дека 50-годишниот тренер ќе го напушти клубот, Баерн се обиде да ги доведе тренерот на Баер Леверкузен Чаби Алонсо и селекторот на Германија, Јулијан Нагелсман, кои одлучија да останат со своите тимови.
Се шпекулира дека Баерн преговара со селекторот на Австрија, Ралф Рангник.
Баерн оваа сезона не успеа да ја одбрани шампионската титула во Бундеслигата, но ќе има можност да се бори за трофејот во Лигата на шампионите, противник во полуфиналњто ќе му биде Реал Мадрид.
Спорт
Лестер се враќа во Премиер лигата
Фудбалерите на Лестер се вратија во Премиер лига. „Лисиците“ во елитата ги врати поразот на нивниот конкурент Лидс кај Квинс Парк Ренџерс (0:4).
Лестер со 94 бода и до крајот треба да одигра уште два натпревари, додека Лидс има 90 бода и уште еден натпревар до крајот на сезоната. Ма третото место се наоѓа Ипсвиќ со 89 поени и до крајот на сезоната треба да одигра уште ри натпревари.
За Лестер е најважно што обезбеди едно од првите две места кои обезбедуваа директно место во Премиер лигата.
По поразот од Квинс Парк Ренџерс, второто место, кое гарантира директен влез во Премиер лигата, опасно му виси на Лидс, бидејќи му се заканува третопласираниот Ипсвич, кој има 89 бодови и натпревар помалку.
Минатата сезона Лестер испадна од елитната дивизија, а во 2016 година сензационално беше шампион на Англија.
Спорт
(Видео) Дончиќ на натпреварот дојде во спектакуларен автомобил
Лука Дончиќ го предводеше Далас до победата над ЛА Клиперс 101-90, а вниманитетот го привлече пред натпреварот со розово-виолетовиот Шевролет.
Дончиќ мечот со Клиперс го заврши со 22 поени, десет скока и девет асистенции.
Шевролетот е дел од кампањата за патики „Luka 3“, под покровителство на најдобриот кошаркар во историјата Мајкл. Јордан.
Luka Doncic arrived in a “Midnight Racer” wrapped ’68 Camaro — inspired by the next colorway of his Jordan Luka 3s pic.twitter.com/E5CaGZHAEV
— Nick DePaula (@NickDePaula) April 26, 2024