Русија објави во вторникот вечерта видео снимка за нападнатиот хуманитарен конвој на Обединетите нации во Сирија за кој Западот и од него подржаните бунтовници ги обвинуваат Дамаск и Москва, на кои се гледа како покрај конвојот на територија под контрола на бунтовниците минува пикап со монтиран минофрлач од голем калибар, како што појасни портпаролот на руското министерство за добрана, Игор Конашенков.

Снимката направена од руското беспилотно летало коешто го следело хуманитарниот конвој кој минувал во понеделникот низ територијата којашто ја контролираат сириските бунтовнички групи, беше прикажана и на телевизијата Россия-1.

„Анализата на видео записот од беспилотното летало од вчерашното движење на хуманитарниот конвој низ територијата којашто ја контролираат бунтовниците во северната сириска покраина Алепо овозможи да се откријат нови детали. На снимката многу добро се гледа како покрај конвојот терористите минуваат со пикап со прицврстен минофрлач со голем калибар“, рече генерал-мајорот Конашенков.

„Не е јасно, навистина, кој кого ’прикрива’ – минофрлачот конвојот со волонтерите на ’Белите шлемови’ или е обратно? И, најглавното, каде исчезнува минофрлачот во близина на крајната дестинација на рутата на конвојот и по кого отворил оган за време на нејзиното стоење и растоварување?“, додаде портпаролот на руското министерство за одбрана.

Ноќта кон вторникот заедничкиот конвој на Црвениот крст и хуманитарните агенции на ОН беше погоден во областа на Урум ал-Кубра, во западниот дел на Алепо. Нападот се случил во близина на магацинот на Сириската арапска Црвена полумесечина. Во нападот загинале повеќе од 20 луѓе, а уништени се 18 од 31 камион од конвојот.

„Внимателно ги проучивме видео записите од таканаречените активисти од местото на настанот и не утврдивме никакви знаци коишто би укажувале дека конвојот е погоден од муниција. Нема оштетувања на каросеријата или на конструкцијата од експлозивен бран од авионски проектил. Сé она што може да се види на видео снимката е директна последица од фактот дека товарот се запалил, којашто се совпаѓа со почетокот големата офанзива на бунтовниците во Алепо“, изјави претходно во вторникот Конашенков.

Конашенков прецизираше дека околу пладне по локално време хуманитарниот товар бил безбедно доставен, по што, Центарот за помирување престанал со мониторингот на конвојот. Според него сите информации за локацијата на конвојот биле достапни само на бунтовниците коишто ја контролираат таа област и потсети дека во оваа област во понеделникот вечерта борците на Џебхат ан-Нусра, сириското крило на Ал Каеда, започна голема офанзива.

Според него, одговорот на прашањето кој е одговорен за пожарот „можат да го дадат само оние коишто како и секогаш ’случајно’ се наоѓаат во вистинско време и на вистинско место со видеокамери лица блиски на организацијата ’Бели шлемови’ блиска на Џебхат ан-Нусра“.

Сириската опозиција и САД за нападот и обвинија владата во Дамаск и Русија, велејќи дека во покраината се активни само нивните авијации. И Дамаск и Москва категорично негираа дека нивните авиони дејствувале врз конвојот. Нападите за наводниот воздушен удар врз хуманитарниот конвој во Алепо, портпаролот на Крем, Дмитриј Песков, исто така ги отфрли како „неосновани“.

Според официјалниот претставник на генералниот секретар на ОН, Стефан Дужарик, во светската организација не можат да ги утврдат околностите на нападот врз конвојот, но „различни извори“ потврдиле дека во градот во понеделникот бил отворен оган од артилериско оружје.

Од друга страна, претставници на американската администрација изјавија дека хуманитарниот конвој бил подложен на воздушни удари, истакнувајќи дека меѓународната антитерористичка коалиција предводена од САД не била вклучена во нападот./крај/мф/сн

Извор: Макфакс