Динамо Загреб сака во зимскиот преоден рок да го ангажира капитенот на фудбалската репрезентација на Македонија, Енис Барди (29) пишува локалниот портал „Пологу“. Барди ена кои нема да смета во вториот дел од сезоната. Межу нив е и Барди.

Договорот на Барди со Трабзонспор истекува на крајот од оваа сезона, што на Динамо би му ја олеснило уште повеќе работата, а „Пологу“ тврди дека Турците веќе се подготвени да го пуштат без обештетување. Барди во еден дел од кариерата, токму во Трабзон соработувал со актуелниот тренер на Динамо, Ненад Бјелица.

Истиот извор тврди и дека најсериозен интерес за Барди досега покажал Хатајспор, но се очекува да се интензивираат преговорите за Барди на почетокот на јануари да се пресели во Загреб и да им се приклучи на поранешните репрезентативни соиграчи Стефан Ристовски и Аријан Адеми.

Барди ја започна својата кариера во шведскиот четвртолигаш Преспа Бирлик, од кој се пресели во унгарскиот клуб Ујпешт. Динамо наводно го посакувал во 2017 година, но тогаш бил прескап за нив, па Барди замина во Леванте. Во овој клуб мина пет сезони, а во еден момент достигнал вредност од 20 милиони евра според „Трансфермаркт“.

Во Трабзонспор е од 2022 година, минатата сезона имаше седум гола и четири асистенции во турскиот шампионат. Тој е познат и како многу добар изведувач на слободни удари, во кариерата има постигнато 14 голови директно од слободни удари.

За репрезентацијата на Македонија одигра 70 натпревари и постигна 18 голови.

Тренерот, Хулен Лопетеги изјави дека голманот на Вест Хем, Лукаш Фабијански бил свесен и разговарал со него, откако бил однесен на носилки во првото полувреме од натпреварот со Саутемптон. Фабијански имал жесток судар со противнички фудбалер.

Дефанзивецот на „светците“, Нејтан Вуд налета на полскиот голман откако овој веќе расчисти една нафрлена топка пред неговиот гол во 29. минута.

Вуд доби жолт картон поради невнимателниот потег, а Фабијански откако седум минути му се укажуваше помош беше изнесен од теренот на носилки, а на лицето имал маска за кислород.

Лопетеги потврди дека голманот не бил хоспитализиран, туку останал на стадионот каде Вест Хем дојде до победата со голот на Џерод Бовен во 59. минута.

„Доби силен удар во главата, во вратот и не беше многу свесен за своите постапки. За среќа, тој зборува, буден е и свесен“, изјави Лопетеги.

Лука Дончиќ (25) на Божиќ го напушти натпреварот Далас Маверикс-Минесота Тимбервулвс поради повреда со која се здоби на две ипол минути до крајот на втората четвртина.

Далас објави колку е сериозна повредата на Дончиќ. Далас еден месец ќе биде без најдобриот играч, поради истегнување на мускулот на потколеницата на левата нога.

Luka Doncic went back to the locker room after an apparent injury on this play. pic.twitter.com/R8xlcLdeHQ

— NBA on ESPN (@ESPNNBA) December 25, 2024

Ова е најтешката повреда во НБА кариерата на Дончиќ. Никогаш досега не се случило да не игра еден месец. Далас ќе одигра 17 натпревари во тој месец, што значи дека Дончиќ за првпат во кариерата ќе биде под 65 одиграни натпревари во една сезона (не сметајќи ја сезоната 2019/20, која беше скратена поради коронавирусот).

Поради ова, тој нема да се натпреварува за индивидуални награди како што е МВП или за вклучување во Ол-НБА тимот.

Словенецот на 22 одиграни натпревари сезонава има просек од 28,1 поен, 8,3 скока и 7,8 асистенции. Далас е на четвртото место во Западната конференција со 19 победи и 11 порази.