Бразилските власти потврдија дека донеле одлука да приведат четири аргентински фудбалерки во понеделникот по нивната наводна вмешаност во расистички инцидент што се случи на Лејдис купот во Сао Паоло минатата недела.

Кандела Дијаз, Камила Дуарте, Хуана Кангаро и Милагрос Дијаз беа уапсени по мечот меѓу нивниот Ривер Плејт и бразилски Гремио. Од бразилскиот клуб тврдеа дека фудбалерките испраѓале расиситички навреди и правеле расистички гестови за време на натпреварот.

Како што соопшти Одделот за државна безбедност на Сао Паоло, судот одлучил да ги задржи во притвор за да ги спречи да го напуштат Бразил.

#Razzismo Le calciatrici del River Plate Candela Díaz, Camila Duarte, Juana Cangaro e Milagros Díaz sono state arrestate in Brasile per gesti razzisti in campo, durante la gara di ieri contro il Grêmio nella Brasil Ladies Cup.

👇pic.twitter.com/1KB9rhf3fk

— Pallonate in Faccia (@pallonatefaccia) December 22, 2024

Во видеото објавено од официјалниот канал GOAT на социјалните мрежи, Кандела Дијаз може да се види како „имитира мајмун“ и дека тоа му е упатено на некого зад камерата.

Практично дојде до тепачка, бидејќи фудбалерките на Гремио реагираа многу бурно на навредите, а без одговор не останаа ниту аргентинските фудбалерки.

Во соопштението на Гремио се наведува дека фудбалерките застанале во одбрана на едно момче кое собира топки и кое било расно малтретирано од фудбалерките на Ривер Плата.

⏩️ O duelo entre as Gurias Gremistas e o time feminino do River Plate foi paralisado por uma acusação de injúria racial por parte de Candela Díaz, jogadora da equipe argentina, a um dos gandulas.

O time do Grêmio deixou o gramado rumo ao vestiário. pic.twitter.com/LLIRGC0IWi

— Blog do Pávulo (@Blogdopavulo) December 21, 2024

Организаторите на Лејдис купот, кој обично е многу пријателски турнир што се организира за промовирање на женскиот фудбал, објавија дека Ривер Плејт е исфрлен од турнирот и автоматски суспендиран од него во следните две години повод и го осуди однесувањето на фудбалерките.

Ривер Плата наведе дека клубот покренал дисциплинска постапка против фудбалерките играчи и ќе продолжи да работи напорно на „искоренување на ваквото однесување“.

Манчестер сити и Арсенал ја следат драмата во Барселона околу регистрацијата на шпанскиот репрезентативец Дани Олмо. Доколку Барселона не успее да го пријави за вториот дел од сезоната, англиските клубови ќе стапат во акција, со надеж дека ќе успеат да го убедат 26-годишникот да се пресели кај нив.

Ова го пишуваат англиските и шпанските медиуми кои најавуваат можен договор, неочекуван поради проблемите на Барселона. Да потсетиме, Олмо летово се врати во Барселона, која има проблем со регистрацијата за вториот дел од сезоната поради прекршување на прописите за финансиски фер-плеј. Тој потпиша договор до летото 2030 година, но во договорот постои клаузула дека може без обесштетување да замине доколку клубот не го регистрира за вториот дел од сезоната.

Судската одлука за регистрацијата на Олмо треба да биде донесена на 27 декември. Барса се надева дека одлуката ќе биде донесена во нивна полза бидејќи судијата кој одлучил за тоа во сличен случај му дозволил на Гави да игра за Барса.

Во овој случај, клубот, како и во случајот со Гави, бара Олмо да добие едно од неговите основни човекови права, а тоа е правото на работа.

Шпанските медиуми неодамна објавија дека претседателот на Барселона, Џоан Лапорта открил дека ќе се обиде да го регистрира Дани Олмо за вториот дел од сезоната. Поранешниот фудбалер на Динамо беше пријавен за воведниот дел од сезоната, но дури од третото коло, откако Барселона го искористи правилото кое на клубовите им дозволува да ангажираат нов фудбалер, доколку некој до пријаените се здобил со повреда која го оддалечува од тимот најмалку шест месеци.

Во случајот на Олмо, клубот искористи 80 отсто од издвоената сума за платите на повредените Роналд Араухо и Андреас Кристенсен. Бидејќи ист играч не може да биде регистриран за ист клуб двапати во една сезона, на Олмо му се заканува да не игра во втората половина од сезоната поради правилата во Ла Лига.

„Поставивме некои барања, но без да бидеме саркастични, бидејќи сакаме да ги покриеме сите опции. Се повикуваме на фактот дека маржата за плата што ни ја остава Тер Штеген ќе биде искористена за Дани и Пау ( Виктор)“, откри Лапорта.

Да потсетиме, Тер Штеген заработи тешка повреда на коленото на крајот на септември, поради која нема да игра до крајот на првенствот.

Доколку разликата во платата на Тер Штеген не е доволна за да се регистрира Олмо, Лапорта наведува дека има и можноста за потпишување на нов профитабилен договор со „Најки“ кој би овозможил финансиските книги на Барселона да биде во согласност со финансискиот фер-плеј. Проблем е што овој профитабилен договор со компанијата „Најки“, Лапорта го најавува неколку месеци, а тој се уште не е потпишан.

Олмо минатото лето пристигна во Барселона од Лајпциг во трансфер вреден 55 милиони евра. Во договорот вметнал клаузула која гарантира раскинување на договорот доколку има проблеми со регистрацијата. За Барса досега одигра 15 натпревари, постигна пет голови.

Поранешниот спортски директор на Јувентус, Фабио Паратичи ја отслужува забрана за работа во фудбалот до јуни 2025 година. Како директор на клубот од Торино, тој беше посочен како виновник, заедно со Андреа Ањели и Павел Недвед, за финансиските прекршувања на црно-белите. За ова доби 30-месечна забрана за работа.

Во времето кога беше казнет, тој беше директор на Тотенхем, кој веднаш го отпушти. Сега италијанските медиуми пренесуваат дека тој е блиску до нов ангажман.

Имено, како што пишуваат „Ла Стампа“ и „Ла република“, сопственивците на Милан сакаат Паратичаи да го замени Габриел Монкада на функциите спортски директор на клубот и шеф на техничкиот оддел.

Милан има големи проблеми на тој дел откако си замина Паоло Малдини, а навивачите се незадоволни од тоа како изгледа тимот и резултатите што ги бележи.

Планот е тој да потпише договор кога ќе му истече суспензијата во текот на летото, но не е исклучено и порано да му се приклучи на клубот, бидејќи во условите на суспензијата стои дека може да извршува некои функции од пониско ниво во фудбалот додека трае казната.

Паратичи беше во Јувентус од 2010 до 2021 година, а претходно шест години беше главен скаут во Сампдорија.