Регион
Вучиќ: Целосна поддршка за територијалниот интегритет на Украина, oва не е време за санкции кон Русија
Србија нуди целосна поддршка на територијалниот интегритет на Украина и смета дека нејзиното нарушување е погрешно, изјави денеска српскиот претседател Александар Вучиќ презентирајќи ги заклучоците на Советот за национална безбедност за Украина, пренесуваат српските медиуми.
„По повод санкциите кон Русија, Србија ќе се води според заштитата на своите интереси“, изјавил Вучиќ и оценил дека за Србија не е од витално значење да воведува санкции кон никого.
Тој уште на почетокот изјави дека ова се особено тешки денови за Србија поради многу причини.
„Претходните денови се обидовме и успеавме да заземеме единствен став во врска со прашањето за кризата во Украина и нашите постапки и реакции, како и сите дејства и потези што треба да ги спроведат нашите државни органи. Бевме соочени со проблеми и притисоци , речиси нескриено“, изјави Вучиќ.
Тој нагласи дека има многу лаги и дезинформации во медиумите во Србија и регионот за положбата на државата.
„Во еден момент се запрашав зошто некој сака да гледа во српскиот двор.
Претседателот потоа ја прочита одлуката на Србија.
„Советот за национална безбедност на седницата заклучи: 1. Србија искрено жали за настаните во Источна Европа. Русите и Украинците се наши братски народи. 2. Србија е посветена на територијалниот интегритет и на политичката независност на државите 3. Србија е посветена на зачувување на нејзиниот територијален интегритет, а со тоа и на интегритетот на другите земји. 4. Поради нејзината доследност со почитувањето на меѓународното право, не може да ѝ се приговори на Србија. 5. Србија дава целосна поддршка на територијалниот интегритет на Украина. 6. Србија смета дека е погрешно нарушувањето на територијалниот интегритет на која било земја, вклучително и Украина. 7. Србија е посветена на зачувување на мирот во регионот, што е од клучно значење за економскиот развој на нашата земја. Зачувувањето на мирот е витален интерес на српскиот народ. 8. Србија ќе се води исклучиво од сопствените интереси кога ќе ја разгледа потребата од воведување санкции, вклучително и кон Русија. Србија ги почувствува санкциите и смета дека не е во нејзин интерес да воведе санкции за која било земја. 9. Поаѓајќи од принципот на нашата воена неутралност, неопходно е веднаш да се прекинат сите активности на Армијата и МВР со странските партнери. 10. Србија ќе ги преземе сите мерки за да ги зачува своите граѓани во Украина. 11. Нашите граѓани да се воздржат од мешање во конфликтите во Источна Европа. 12. Србија ќе обезбеди хуманитарна помош за народот на Украина. 13. Надлежните органи ги преземаат сите мерки за обезбедување енергија, гас, нафта, храна и неопходни прехранбени производи. 14. Србија ќе ги информира своите конзули за овие заклучоци“, потенцира тој.
Тој исто така рече дека Србија учествувала во многу војни и нагласи дека мирот е многу потребен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Србите објавија детали за дочекот на кинескиот претседател во Белград: „Вучиќ ќе му служи српски вина“
Претседателот на Кина, утре пристигнува во дводневна посета на Белград, а во тек се последните подготовки за неговото пристигнување.
Тој ќе биде придружуван од делегација од 400 луѓе, а ќе го обезбедуваат 3.400 полицајци.
„Блиц“ го објави планот за неговиот пречек.
Кси на аеродромот ќе биде пречекан со свечена церемонија и фолклор. Покрај патот во Белград ќе бидат поставени кинеско-српски знамиња, а на надвозниците ќе бидат испишани пораки.
Свечен дочек ќе биде организиран и пред Палатата Србија. Српскиот и кинескиот претседател ќе потпишат триесетина договори.
За време на ручекот ќе се служат српски јадења и вина, а претседателот Вучиќ лично ќе служи Џинпинг со српски вина, од пенливи до десертни вина, од кои повеќето се автохтони српски сорти.
Девојка од Србија ќе ја отпее песната „Татковино и јас“ на кинески, додека хорот „Чаролије“ ќе ја изведе песната „Прекрасен јасмин цвет“, исто така на кинески. .
Програмата ќе заврши со песната „Ова е Србија“, објави српскиот портал.
Регион
(Видео) Вo Шпанија уапсен еден од најбараните наркобосови во Србија
Шпанската полиција разби српска организирана криминална група осомничена дека го нападнала домот на ривалскиот клан од Србија минатиот јануари. Во акцијата беа уапсени 11 лица, меѓу кои и лидерот, по кого Србија распиша потерница уште во 2021 година.
Во провинциите Малага, Мадрид и Барселона се извршени апсења поради вмешаност во криминални дејствија – киднапирање, грабеж со насилство, недозволено поседување оружје, телесни повреди, фалсификување документи, трговија со дрога и членство во криминална организација.
Во акцијата на шпанската полиција одземени се три парчиња огнено оружјо. На некои им беа избришани сериските броеви. Запленети се и сто парчиња муниција, седум лажни лични документи, дрон и 16.000 евра во кеш.
Извршени се и седум претреси, од кои пет во Естепона.
Меѓу уапсените е и водачот на криминална група по која Србија распишала потерница во 2021 година. Тој е еден од најбараните луѓе во Србија.
Регион
300 милиони луѓе го гледале интервјуто на Вучиќ за кинеската телевизија
300 милиони луѓе го гледале интервјуто на српскиот претседател Александар Вучиќ за кинески CCTV.
Вучиќ во интервјуто посочи дека Србија може и треба да научи, како што наведе, „илјада работи од своите кинески пријатели“.
– Правиме големи подготовки за ЕКСПО. Кога управувате со земја имате високи цели. Секогаш мора да ги ставате новите цели на прво место. Ако сакаме да го постигнеме тоа, најдобар можен партнер за тоа отсекогаш била, и секогаш ќе биде, Народна Република Кина. Тука е и претседателот Кси, бидејќи тој секогаш го држи зборот. Го гледам како обичен, скромен човек, кога ќе вети нешто, го исполнува. Не можам да ви кажам дали имаме големи работи во железничкиот сектор, целокупната инфраструктура или индустрискиот сектор, економијата, туризмот, културата, но секако има илјадници работи што можеме и мораме да ги научиме од нашите кинески пријатели – рече Вучиќ во интервјуто за кинеската телевизија.