Норвашката репрезентација оствари рекордна победа од 11:1 над Молдавија во квалификациите за Светското првенство во 2026 година. Норвежаните продолжија со совршениот настап во првите пет кола и сега имаат 15 бода со гол разлика од +21.

Натпреварот го одбележа феноменалниот Ерлинг Браут Халанд, кој постигна дури пет гола и додаде уште две асистенции, додека Мартин Одегард постигна еден гол со две асистенции. Блескаше и Тело Асгард, кој влезе во игра во 64-та минута и постигна четири гола до крајот на натпреварот. Еден гол постигна и Феликс Хорн Михре.

Интересно и голот за Молдавија го постигна репрезентативец на Норвешка, Лео Остигард си постигна автогол во 71.минута.

Со вечервашниот настап, Норвешка се приближи до европскиот рекорд, кога станува збор за квалификации за Светското првенство. Рекордер е Германија во 1970 година, го победи го победи Кипар со 12:0, а Норвешка се изедначи на второто место со Грција и Македонија.

Најголемите победи во историјата на европските квалификации за Светското првенство:

Германија – Кипар 12:0 (1969)
Норвешка – Молдавија 11:1 (2025)
Лихтенштајн – Македонија 1:11 (1996)
Унгарија – Грција 11:1 (1938)

Foto/ EPA

Фудбалската репрезентација на Англија ја декласира Србија среде Белград со 5:0, во натпревар одигран во К групата, во квалификациите за пласман на Светското првенство. Како стојат работите во оваа група на Англија, која има пет победи во исто толку натпревари потребна и е уште една победа за да избори место на Мундијалот наредното лето. Србија со Албанија ќе се бори за втората позција и место во баражот.

Од првата до последната минута натпреварот во Белград беше еднонасочна улица. Србите ниту еднаш не се заканија кон голот на Пикфорд.

Некако се држеа Србите во првите 30 минути, Англичаните ја контролираа топката но не можеа да го пробијат нискиот блок на противникот. Кејн го постигна првиот гол во 32.минута, а кога три минути подоцна гол постигна и Мадуеке, јасно беше дека Англија ќе победи.

Во второто полувреме, голови постигнаа централните дефанзивци Конса и Гуеи. Потоа Србија остана со играч помалку, црвен картон доби Миленковиќ, а точка на натпреварот стави Рашфорд од пенал во 90.минута.

Foto/ EPA

Кошаркарите на Грција се пласираа во полуфиналето на Европското првенство. Избраниците на Василис Спанулис ја победија Литванија со 87:76, во второто денешно четвртфинале. Грција по пауза од 16 години ќе се бори за медал на Евробаскетот. Последен пат во 2009 година играа во полуфиналето, на крајот го освоија бронзениот медал.

Грците рутински ја победија Литванија, која пружи отпор само во првата и во финишот на втората четвртина. Грците стекнаа двоцифрена предност (35:24) во средишницата од вториот период. Литванија одговори во финишот на полувремето се серија 10:0, но пред заминувањето на големата пауза Грците направија серија 6:0.

Во вториот дел Грците лесно ја одржуваа двоцифрената разлика.

Најефикасни кај Грција беа Јанис Адетокунбо со 29, Василиос Толиопулос со 17, Костас Слукас со 11, Костас Папаниколау со осум поени.

Кај Литванците блескаше Јонас Валанчијунас постигна 24 поени со 15 скока, Арнас Величка забележа 12, Гитис Реџавичиус 10 поени.

Грците за место во финалето ќе се борат против селекцијата на Турција, која претходно ја победи Полска со 91:77. Финска и Грузија, односно Германија и Словенија, утре ќе ги одиграат своите четвртфинални натпревари.

Foto/ EPA