Атлетико Мадрид и Милан со победи во Прага, односно Братислава го отворија петтото коло во Лигата на шампионите. Атлетико до врв ја наполни мрежаа на Спарта (6:0), а Милан против Слован се мачеше 70.минута, на крајот победи со 2:3.

Атлетико ја прегази Спарта со апсолутна доминација на теренот и успеа да ја поправи гол-разликата. Антоан Гризман и Коке во Прага влегоа во клубот 100 во Лигата на шампионите.

Катастрофата на Спарта ја најави Хулијан Алварез со прекрасен гол од слободен удар во 15.минута. Во финишот на полувремето Љоренте успеа да го измами голманот на Спарта и тогаш беше јасно дека „јорганџиите“ ќе забележат победа. Во втриот дел уште еден гол постигна Алварез, потоа Гризман јубилејот го порслави со гол, а точка на натпреварот со два гола стави Анхел Кореа.

Атлетико ја забележа третата победа, втора во низа и втора на гостински терен има девет бода и гол разлика +2 (11:9).

Слован во Братислава му пружи силен отпор на фаворизираниот Милан. Словачкиот шампион имаше 1:1 по првиот дел, Пулишиќ погоди за 0:1 во 21.минута, а возврати поранешниот фудбалер на Вардар, Барсегјан три минути подоцна. Во вториот дел Слован имаше шанса за водство, а откако не ај искориси, следуваше блиц-криг на италијанскиот тим.

Во 68. нова предност на Милан му донесе Леао, а три минути подоцна погоди и Ејбрахам. Надеж за Слован донесе голот на Марсели во 88.минута, но до крајот домаќинот не успеа да постигне уште еден гол.

Со третата победа во низа, Милан се врати во борбата за пласман во првите осум на табелата.

Рубен Аморим призна дека го чека тешка работа, дека играчите ќе работат напорно, а навивачите ќе чекаат додека Јунајтед не почне да изгледа како што тој го замислува.

Рубен Аморим нема да отстапи од својата идеја да игра во формација 3-4-3, но за тоа му требаат врвни крилни бекови. Се чини дека Нусаир Мазрауи ја доби неговата доверба и може да биде идеално решение за десната страна, додека некако никој не верува дека Лук Шо е способен сам да ја покрие целата лева страна.

„Скај Спорт“, истакнува дека Алфонсо Дејвис и Тео Ернандез се на листата на желби на Аморим.

Дејвис на лето ќе стане слободен играч, бидејќи неговиот договор со Баерн Минхен истекува и нема да потпише нов. Сепак, проблемот е што негов сон е Реал Мадрид и што Флорентино Перез подолго време е во контакт и преговара со претставниците на Дејвис. Исто така, според шпанските медиуми во трката сака да се вклучи и Барселона, на чија клупа седи поранешниот тренер на Дејвис, Ханси Флик.

Втората опција е Тео Хернандез. Капитенот на Милан има договор со клбот до летото 2026 година. Не е тајна дека Милан сака да му го продолжи договорот на Тео, но се уште не е јасно дали истата желба ја има и францускиот репрезентативец.

Искусниот норвешки фудбалски стручњак Еге Хареиде поднесе оставка од селекторската функција на Исланд и со тоа стави крај на својата тренерска кариера.

„Уживав како селектор на исландската репрезентација, но мислам дека сега е вистинското време да се повлечам“, изјави Хареиде, како што беше објавено на веб-страницата на Фудбалскиот сојуз на Исланд.

Хареиде (71) ја донесе репрезентацијата на Исланд, чиј селектор стана во април минатата година, блиску до пласман на ЕП во Германија, но загуби од Украина во финалето на плеј-офот.

Репрезентацијата на Исланд има двомеч за опстанок во Б дивизијата од Лигата на нации, во март наредната година против Косово.

Исланд ќе биде во третиот шешир на ждрепката за европските квалификации за СП 2026 година што ќе се одржи на 13 декември.

Како селектор на Данска, Хереиде стигна до осминафиналето на Светското првенство во 2018 година, во кое неговата репрезентација по изведувањето на пенали беше елиминирана од Хрватска.