Свет
Украинската армија недалеку од Киев продолжува да им дава отпор на руските војници
Украинската армија спречи обид на руски воени единици да окупираат град недалеку од Киев, главниот град на Украина, јавува „Анадолија“.
Во соопштението на Генералштабот на украинската армија се наведува дека руските воени единици продолжиле со воздушни и копнени напади.
Се наведува дека нападот на руските единици предизвикал штета на воените и цивилните аеродроми, командниот штаб, системите за противвоздушна одбрана, клучните инфраструктурни објекти и населени места, а руски војници се обиделе и преку понтонски премин да ја преминат реката Ирпин.
„Украинските одбранбени сили уништија нова непријателска опрема. Во сите правци тенковските и моторизираните единици на вооружените сили на Украина ја држат одбраната на контролните пунктови со артилериска поддршка. Воздухопловните сили на Украина ги одбиваат непријателските воздушни напади. Одбранбените единици формираа цврст и повеќеслоен одбранбен систем во Киев“, се вели во соопштението.
Се додава дека борбата со руските групи облечени во украински униформи продолжила.
Градот Ирпин, недалеку од воената база Гостомел, е оддалечен околу 25 километри од центарот на Киев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Седум бебиња загинаа во голем пожар во болница во источниот дел на Њу Делхи
Седум бебиња загинаа во голем пожар во болница во источниот дел на Њу Делхи, а пет се спасени и префрлени во друга болница, соопштија денеска локалните власти.
Сопственикот на болницата за бебиња во која избувна пожарот во саботата е во бегство, соопшти полицијата.
Како што пренесе Тајмс оф Индија, пожарот е ставен под контрола, а истрагата за причините за несреќата е во тек.
Свет
Вирусот на птичји грип е пронајден во говедско месо во САД
Вирусот на птичји грип е пронајден во говедско месо во САД, но официјални лица изјавија дека месото потекнува од една болна млечна крава и дека не било дозволено да се најде во продавниците во земјата, соопшти американското Министерство за земјоделство.
Надлежните прецизираат дека говедското месо останува погодно за консумирање.
Министерството соопшти дека вирусот бил откриен за време на тестирањето на 96 млечни крави кои биле извадени од производната линија бидејќи федералните инспектори забележале знаци на болеста при рутински прегледи на трупови во погоните за преработка на месо. Птичји грип е пронајден само кај една од овие крави.
Птичјиот грип е пронајден во стадата млечни говеда во девет држави, откриен е во млеко и предизвика уништување на милиони кокошки и мисирки. Сепак, неговото откритие во говедско месо е новост за епидемијата што започна во 2022 година.
Регион
Состојбата на словачкиот премиер Фицо се подобрува
Лекарскиот тим, што се грижи за словачкиот премиер Роберт Фицо, по минатонеделниот атентат денеска потврди дека неговата состојба е субјективно подобрена, соопшти прес-службата на словачката Влада.
Фицо се лекува во болницата „Рузвелт“ во Банска Бистрица.
Тој беше застрелан минатата среда од 71-годишниот писател Јурај Цинтула, кој веднаш беше приведен од полицијата.