Контакт

Свет

(Oд минута во минута) Зеленски остро до Бајден – ЕП препорача Украина да добие кандидатски статус за членство во ЕУ

Објавено пред

Шести ден на руската инвазија на Украина.

dobivaj vesti na viber

Во Украина продолжуваат борбите. Нови разговори се закажани за в среда. Белоруската делегација ќе го промени својот состав.
Европскиот парламент усвои резолуција со која се осудува руската инвазија на Украина.

Рускиот претседател Владимир Путин не се обрати, додека украинскиот претседател Володимир Зеленски постојано ги повика земјите од ЕУ на помош.

Клучни настани:
Путин потпиша нов указ – специјални мерки против санкциите од Западот
ЕП препорача Украина да добие кандидатски статус за членство во ЕУ
Украинскиот претседател Зеленски се обрати пред Парламентот на ЕУ на вонредна седница
Зеленски остро се обрати до Бајден – кажи нешто корисно
Русите го ракетираа главниот плоштад во Харков
Голем руски конвој, кој сега е долг околу 64 километри, се приближува до Киев
Украинскиот парламент на социјалните мрежи објави дека белоруската армија влегла на територијата на Украина
Одржана е првата рунда преговори меѓу Русија и Украина

Најновите вести од минута во минута:

22:25 Путин потпиша нов указ – специјални мерки против санкциите од Западот

Рускиот претседател Владимир Путин потпиша указ за дополнителни привремени економски мерки за обезбедување на финансиската стабилност на Русија, соопшти Кремљ.

„ Од 2 март 2022 година, се забранува извоз на готовина во странска валута и (или) монетарни инструменти во странска валута во износ од повеќе од 10.000 американски долари пресметани по официјалниот курс на Централната банка на Русија, утврден на денот на повлекување“, се вели во соопштението.

21:20 Анкара не планира да воведе санкции против Русија

Анкара не планира да воведе санкции кон Москва за да го задржи отворен каналот за комуникација со Русија, изјави советникот на турскиот претседател Ибрахим Калин.

20:30 Блинкен: Да ѝ се одземе членството на Русија во Советот за човекови права

Обраќајќи се пред Советот во Женева, Блинкен рече дека итната седница на телото за Украина, закажана за четврток, која ќе започне меѓународна истрага за кршењето на човековите права во Украина преку резолуцијата предложена од Киев и неговите сојузници, е важен чекор кон воспоставување документација и повикување на одговорност.

„ Мораме да испратиме решителна, единствена порака дека претседателот Владимир Путин мора да ја прекине оваа акција без да поставува услови“, рече Блинкен.

20:15 Зеленски до Бајден: Кажи нешто корисно

Украинскиот претседател Володимир Зеленски го повика американскиот претседател Џо Бајден да каже нешто „корисно“ за неговата влада и да избегне нејасни изјави за поддршка.

Тоа го коментираше Зеленски неколку часа пред Бајден да се обрати на заедничката седница на Конгресот.

19:10 Европскиот парламент препорача Украина да добие кандидатски статус за членство во ЕУ

Европскиот парламент препорачува Украина да добие статус на кандидат за членство во ЕУ.

Одлуката уследи по говорот на претседателот Владимир Зеленски во парламентот, каде што тој ја повика ЕУ да „докаже“ дека Унијата е со Украина.

18:30 Има загинати и повредени во гранатирањето на телевизиската кула во Киев

Најмалку пет луѓе загинале, а пет се повредени во бомбардирањето на телевизиската кула во Киев, пренесува агенцијата „Интерфакс“.

Би-би-си пак пренесува изјави на украинските власти кои исто така зборуваат за петмина загинати.

18:00 Украина призна дека може да ја нападне Белорусија – Лукашенко побара од Путин С-400

Украина може да изврши превентивен ракетен напад врз Белорусија, изјави секретарот на Советот за национална безбедност и одбрана, Алексеј Данилов.

„ Нашите трупи во моментов ја уништуваат руската воена опрема и ресурси што се достапни во нашата земја денес. Доколку е потребно, доколку се донесе одлука на врховниот командант, таа ќе биде прифатена“, изјави тој на ТВ каналот Украина 24.

17:20 Гранатирана телевизиската кула во Киев

На социјалните мрежи се појави видео од нападот на киевската ТВ кула.

Автентичноста на видеото ја потврди и Би-Би-Си, а на неа се гледа како била погодена кулата висока 385 метри (најверојатно со проектил).

16:57 Нова количина на оружје пристигна во Украина

Противтенковски ракетни фрлачи денеска пристигнаа во Украина. Оваа вест беше споделена на Твитер.

16:48 Лавров: Западот ја загуби контролата – тие го истураат својот гнев врз Русија

Рускиот министер за надворешни работи Сергеј Лавров изјави дека примерот на Украина покажува во што се претвора светскиот поредок според правилата на САД и нивните сојузници.

„ Главната причина е што САД и нивните сојузници продолжуваат агресивно да го наметнуваат таканаречениот „светски поредок заснован на правила“ на другите учесници во меѓудржавната комуникација. Во што се претвора овој „поредок“ за човекови права е добро илустрирано со примерот на Украина“, рече министерот Лавров во своето видео обраќање на состанокот на Советот за човекови права на ОН, пренесува „Спутник“.

Лавров изјави дека Западот, во обид, како што наведе, да го истури гневот врз Русија, очигледно изгубил контрола над себе.

16:45 Британска министерка: Ги повикувам државите да ги осудат ужасните постапки на Русија

Британската министерка за надворешни работи Лиз Трус денеска на седница на Советот за човекови права на ОН изјави дека Русија станува глобален отпадник и ги повика земјите дополнително да ја изолираат Москва поради руската инвазија на Украина.

16:35 Кличко: Русите се на периферијата на Киев, ќе се бориме

Градоначалникот на Киев, Виталиј Кличко, поранешен светски шампион во бокс, во видео порака предупреди дека руските сили се на периферијата на Киев, додавајќи дека украинската армија е подготвена да го брани главниот град.

15:45 За утре закажана втората рунда преговори меѓу Русија и Украина

Втората рунда преговори меѓу Русија и Украина е закажана за утре, јави руската државна новинска агенција Тас, повикувајќи се на извор од руска страна.

15:30 Кинескиот министер за надворешни работи го повика својот украински колега, длабоко жали за конфликтот

Шефот на кинеската дипломатија разговараше со својот украински колега и повика на решение на кризата преку преговори, објавија кинеските државни медиуми, пренесоа агенциите.

15:00 Бункерите на Путин и Бајден, таму би се засолниле во случај на нуклеарна војна

Русија и Америка се во состојба на остра конфронтација. Имаат ли шефовите на држави каде да се кријат во случај на нуклеарна војна? Се разбира, но тоа не се ВИП подруми, како што обично се мисли, пренесува Правда.ру.

14:56 Руското министерство најави дека ќе напаѓа цели во Киев

Руското Министерство за одбрана издаде предупредување до жителите на Киев дека се подготвува за напад врз мети во главниот град на Украина, јавува Би-Би-Си.

Во соопштението објавено попладнево, руските власти најавија дека нивните сили се подготвуваат да извршат „напади со висока прецизност“ врз технолошките центри на украинската служба за безбедност.

14:45 Џонсон: Ќе обезбедиме 200 милиони фунти и ќе им олесниме на Украинците во Велика Британија да ги донесат своите роднини

Британскиот премиер Борис Џонсон вети дека владата на Британија ќе им олесни на Украинците кои веќе се на Островот да ги доведат своите роднини.

14:27 Претставникот на Киев во ОН: Ако Украина не преживее, нема да преживее ниту светскиот мир

На специјална седница на Генералното собрание на ОН, Украина и западните земји апелираа до меѓународната заедница да ја поддржи нацрт-резолуцијата на Генералното собрание на ОН со која се осудува руската инвазија на Украина и се повикува на итен прекин на огнот.

14:21 Македонското семејството со бебето на пат да ја напушти Украина

Министерот за наворешени работи Бујар Осамни информираше дека семејството Спирковиски кое беше заглавено во Хараков со новороденче старо неколку дена е на пат да ја напушти Украина.

14:03 Борис Џонсон: Треба да се подготвиме за милиони бегалци од Украина

Британскиот премиер, Борис Џонсон, предупреди на ескалација на хуманитарна криза поради руската инвазија на Украина, велејќи дека може да се очекуваат милиони бегалци.

14:00 Страшни фотографии од Харков по бруталниот руски ракетен напад

Објавени се фотографии од плоштадот „Слобода“, главниот плоштад во Харков, кој утрово во 7 часот беше погоден од руска ракета.

13.54 Герашенко: Режимот на Путин сега ќе биде во целосна економска изолација, нека се удави во нафта и гас

Во Руската Федерација нема откуп на нафта и гас! Нека се удави Путин во нив!

13.51 Велика Британија со закон го забрани влезот на руските бродови

Обединетото Кралство денеска објави дека усвоила закон со кој се забранува влез во нејзините пристаништа на сите бродови кои имаат каква било врска со Русија

13.49 Обединети Арапски Емирати: Москва има право да ја зачува својата национална безбедност

Престолонаследникот на Абу Даби и заменик врховен командант на вооружените сили на Обединетите Арапски Емирати, Мохамед бин Зајед Ал Нахјан изјави дека Москва има право да ја заштити својата национална безбедност

13:48 Шокантни сцени од главната железничка станица во Киев, луѓето во паника се обидуваат да избегаат

„Неподносливи сцени на главната железничка станица во Киев. Стари лица, деца, инвалиди, домашни миленици. Овој воз е веќе полн. Луѓето се плашат дека ова е нивната последна шанса да избегаат“, напиша новинар на Гардијан.

13:37 ОН: Во Украина убиени 136 цивили, меѓу кои 13 деца
Најмалку 136 цивили загинаа, меѓу кои 13 деца, додека 400 се повредени од почетокот на руската воена интервенција во Украина, соопшти Високиот комесаријат за бегалци на Обединетите нации.

13.20 Зеленски пред Европскиот парламент: Ја докажавме нашата сила, а вие докажете дека нема да не оставите

Ние се бориме, се бориме само за нашата земја и нашата слобода. Од денеска секој плоштад кај нас ќе се вика „Плоштад Слобода“. Никој нема да не скрши. Ние сме Украинци – рече Зеленски

13.10 Зеленски: Украинците ја плаќаат цената бранејќи ја слободата

Не можам да кажам добро утро, добар ден или добра вечер. Затоа што секој ден за некои луѓе овој ден не е добар. За некои луѓе ова е последен ден – рече тој.

13.00 Рускиот премиер: Им забрануваме на западните компании да ја напуштат Русија

Рускиот премиер Михаил Мишустин најави нова мерка со која Русите се обидуваат да се борат со санкциите.

„Привремено ќе им забраниме на западните компании да го напуштат нашиот пазар“, рече Мишустин во денешното обраќање.

12:58 Дипломати на ЕУ, САД и Велика Британија го бојкотираа говорот на Лавров на форумот за човекови права на ОН

Десетици дипломати од Европската унија, САД и Велика Британија го бојкотираа говорот на рускиот министер за надворешни работи Сергеј Лавров во вторникот на највисокиот форум за човекови права на ОН. Ова го објави Ројтерс, повикувајќи се на анонимен извор.

 

12.57 Остра порака на Медведев до францускиот министер за финансии: Внимавајте што зборувате!

Францускиот министер денеска рече дека ни објавија „економска војна“. Внимавајте што зборувате, господа! И не заборавајте дека економските војни во историјата на човештвото честопати се претворија во вистински“, напиша Медведев на Твитер.

12.52 Литванскиот претседател: Ниту една земја во Европа не може да се чувствува безбедна кога е Путин во прашање

Литванскиот претседател Гитанас Науседа предупреди дека ниту една земја во Европа не може да се чувствува безбедно кога е во прашање претседателот Путин, бидејќи руската инвазија на Украина влезе во шестиот ден

12.50 ЕУ почна да размислува за членство на Украина

Европската унија официјално ја прифати апликацијата на Украина за членство во ЕУ.

12:48 Псаки: Бајден нема да испраќа американски војници во војна со Русија во Украина

Портпаролката на Белата куќа Џен Псаки изјави дека американскиот претседател Џо Бајден нема да испрати американски војници да се борат против Русија во Украина.

12:43 Столтенберг: Путин го уништи мирот во Европа

Шефот на НАТО Јенс Столтенберг изјави дека рускиот претседател Владимир Путин го уништил мирот во Европа со инвазијата на Украина.

„Западната алијанса ќе ја брани секоја педа од нашата територија“, додаде Столтенберг.

12:40 Денеска заседава Европскиот парламент – ќе се гласа за Резолуцијата за руската агресија

Пратениците на Европскиот парламент денеска на вонредна седница ќе расправаат за ситуацијата во Украина, а потоа ќе гласаат за Резолуцијата за руската агресија врз Украина.

Нацрт-резолуцијата, покрај острото осудување на „воената агресија на Русија“, поддршката за Украина и повикувањето на ЕУ да ги зајакне санкциите против Москва, содржи и параграф во кој Европскиот парламент укажува на последиците од непочитувањето на санкциите на ЕУ од страна на Србија.

12:30 Македонија нема да испраќа војници во Украина

Македонија нема да испраќа војници во Украина, посочи министерката за одбрана, Славјанка Петровска. Таа не можеше да открие каква воена опрема се испраќа до воените жаришта во Украина, ниту да каже што стои во класифицираното барање испратено до повеќе земји, меѓу кои е Македонија.

12.25 Лавров: Русија мора да ја спречи Украина да се здобие со нуклеарно оружје

Рускиот министер за надворешни работи Сергеј Лавров денеска им се обрати на медиумите, велејќи дека она што се чини дека се човекови права е приказ на Украина и тоа е токму политиката на квалитативниот Запад на чело со Вашингтон, кој го наведе режимот во Киев да започне војна против своите граѓани во 2014 година.

12:20 Во Австрија страв од нуклеарен напад, во аптеките има недостиг од таблети калиум-јодид по окупацијата во Чернобил

Во Австрија, по руската окупација на областа околу украинската нуклеарна централа Чернобил и ставањето на руските нуклеарни сили во готовност, зголемена е вознемиреноста и побарувачката за таблети калиум-јодид, објавија утрово австриските медиуми.

12:14 Кремљ: Рано е да се оценува успехот на преговорите 

Кремљ соопшти дека е премногу рано да се оцени успехот на преговорите со Украина.

Преговорите вчера траеја со часови на белоруската граница, а треба да продолжат и на полската граница, но не се знае точно кога.

12:08 Украина: Белоруската војска влезе на нашата територија

Украинскиот парламент на социјалните мрежи објави дека белоруската армија влегла на територијата на Украина,

„Белоруските војници влегоа во регионот Чернигов“, се наведува во објавата.

Повеќе детали се најавени за подоцна.

12:00 Што ќе прави Европа без рускиот гас?

Европскиот парламент е подготвен да повика на ограничувања низ ЕУ за увозот на руска нафта и гас во блокот, бидејќи бара уште построги санкции насочени кон „стратешко слабеење“ на руската економија и способноста за водење војна.

11:45 Огромни притисоци врз Србија, немаме причина да ја подигаме борбената готовност

Притисоците врз Србија се огромни и ќе биде многу тешко да се издржат, изјави денеска претседателот Александар Вучиќ, но изрази уверување дека земјата ќе успее да се спротивстави на сите притисоци. Запрашан да го коментира прашањето на хрватската РТЛ, „до кога ќе му биде дозволено на Вучиќ да седи на две столчиња, и во Брисел и во Москва“, Вучиќ повтори дека Србија има само едно, свое столче, но и посочи дека се изложени на големи притисоци, пренесуваат српските медиуми.

11:44 Спасувачите ги пребаруваат урнатините на Харков – тажни сцени од центарот на гранатираниот град

11:25 Убиен индиски студент во рускиот напад во Харков

Портпаролот на индиското Министерство за надворешни работи Ариндам Багчи на Твитер потврди дека студент од Индија бил убиен во рускиот напад утринава врз Харков.

11.23 Шојгу: Украина користи цивили како жив штит

Рускиот министер за одбрана Сергеј Шојгу ја обвини Украина за користење на цивилите како жив штит

11:20 САД: Путин е бесен и фрустриран, нема повеќе добри опции

Американските разузнавачки агенции проценуваат дека рускиот претседател Владимир Путин е се повеќе фрустриран од неуспесите на неговата армија во Украина, пренесуваат американските медиуми.

11:10 Москва: Америка да го врати дома своето нуклеарно оружје

Распоредувањето на нуклеарното оружје на САД во Европа е неприфатливо за Русија, изјави рускиот министер за надворешни работи Сергеј Лавров. Тој рече дека е време Америка да го врати оружјето домa.

10.55 Лавров: Американското нуклеарно оружје во Европа е неприфатливо за Русија

Рускиот министер за надворешни работи Сергеј Лавров изјави дека американското нуклеарно оружје во Европа е едноставно неприфатливо за Москва.

10.51 Американскиот режисер Оливер Стоун со поддршка за Путин

Американскиот режисер Оливер Стоун ја поддржа руската специјална операција во Украина.

10.49 Француски министер: Почнуваме целосна економска војна против Русија

Русија ќе се соочи со колапс на нејзината економија како резултат на западните санкции кои ја казнуваат Москва за нејзината инвазија на Украина, изјави денеска францускиот министер за финансии

10.48 Зеленски ги обвини силите на Путин дека употребуваат забранети бомби

Украинскиот претседател ја обвини Русија за воени злосторства откако силите на Владимир Путин започнаа напади за кои се верува дека користеле касетни и вакуумски бомби во обид да го сменат текот на конфликтите што ги губат досега

10:44 „Виза“ и „Мастеркард“ ги блокираа руските финансиски институции

„Виза“ и „Мастеркард“ блокираа неколку руски финансиски институции од нивната мрежа по санкциите воведени поради руската инвазија на Украина.

10:20 – YouTube ги блокира руските медиуми

YouTube ги блокира каналите поврзани со руските државни медиуми RT и Sputnik низ Европа поради инвазијата на Украина.

10:28 Страшна снимка од експлозијата во Харков

10.08 Лукашенко: Белорусија нема да се приклучи на инвазијата

Белорускиот претседател Александар Лукашенко изјави за државните медиуми дека неговите сили нема да им се придружат на руските војници во инвазијата на Украина.

10.05 Руските војници продолжуваат да ја уништуваат опремата на вооружените сили на Украина

Војниците на Русија и Донбас продолжуваат да ја уништуваат опремата на вооружените сили на Украина.

10.00 Лукашенко: Системите за противвоздушна одбрана ставени на подготвеност

Претседателот на Белорусија, Александар Лукашенко денеска изјави дека сите системи за противвоздушна одбрана во таа земја се ставени на подготвеност.

09:55 Кулеба по нападот на Харков: Целосно изолирајте ја Русија, Путин прави воени злосторства од гнев

Украинскиот министер за надворешни работи повика на дополнителни меѓународни санкции против Русија по, како што рече, варварскиот напад врз Харков.

09:50 Украина тврди дека биле убиени 5.710 припадници на руските сили

Генералштабот на украинската армија соопшти дека руските сили кои ја нападнале Украина изгубиле 5.710 војници, јавува Анадолија.

Генералштабот излезе со соопштение за загубите на руската страна во изминатите пет дена. Беше посочено дека загинале 5.710 руски војници кои ја нападнале Украина, а 200 биле заробени

09:47 Најмалку шест лица се повредени во експлозијата во Харков, од кои едно дете

Најмалку шест лица се повредени, меѓу кои и едно дете, во експлозија во вториот по големина град во Украина, Харков, соопшти денеска Украинската државна служба за вонредни состојби за Телеграм, пренесува Си-Ен-Ен.

Експлозијата ја уништи владината зграда, според снимките од инцидентот објавени од Министерството за надворешни работи на Украина (МНР) и претставници на украинската влада.

09:45 Нови снимки – Огромен руски воен конвој се доближува до Киев

Нови сателитски снимки од Максар го покажуваат огромниот руски воен конвој на пат кон Киев.

09:40 Македонско семејство со новороденче заглавено во Харков, МНР се обидува да ги евакуира

„Има семејство со петдневно бебе во Харков каде се одвиваат најголемите воени дејствија. Во постојана комуникација сме со нив. Не можеле да одговорат на повикот, бидејќи чекале породување. Имаме комуникација со многу држави, за тие кои имаат пристап до тој град, кој се наоѓа до границата со Русија, да го извлечеме тоа семејството“, посочи Османи.

09:30 Заменикот на Џонсон: Воените злосторници во Украина ќе одговараат

Британскиот вицепремиер Доминик Раб денеска изјави дека секој што учествува во воените злосторства во Украина ќе одговара.

„Ова се претвора во многу поопасен проблем за Путин отколку што тој мисли“, изјави Раб за Скај њуз, според Ројтерс.

– Мислам дека бевме многу јасни кога кажавме дека за тоа ќе одговараат оние кои учествуваат во воени злосторства – рече тој.

09:22 Русите гранатираа родилиште во близина на Киев

Родилиштето се наоѓа во Бузова на автопатот Житомир, каде што се водат тешки борби. Сите луѓе се евакуирани од зградата, пишува „Киев Индипендент“

09:20 Столтенберг: НАТО не планира да влезе во Украина

Генералниот секретар на НАТО Јенс Столтенберг изјави дека алијансата нема да се пресели во Украина, ниту на земја, ниту во воздух, додека руската инвазија продолжува

09:18 Русите ракетираа град на 15 километри од Полска

Луѓето кои живеат во близина на најисточната точка на Полска утринава ги разбуди ракетен напад извршен во близина на украинскиот град Володимир

09:15 Русија одговара на швајцарските санкции со забрана на летови

Русија забрани на авиони регистрирани во Швајцарија да влезат во нејзиниот воздушен простор, соопшти денеска Федералната управа за воздухопловство

09:12 На Путин му беше одземен црниот појас во таеквондо

На рускиот претседател Владимир Путин му беше одземен почесниот црн појас во теквондо поради нападот на неговата земја врз Украина, соопшти Светската таеквондо федерација.

Теквондо федерацијата со седиште во Сеул, повикувајќи се на своето мото „Мирот е поскапоцен од триумфот“, ја осуди воената акција на Русија во Украина, велејќи дека „бруталните напади врз невини животи“ ги нарушуваат спортските вредности на почит и толеранција, пренесува Ројтерс.

09:10 Стоп за цртаните на Дизни во Русија

Волт Дизни во понеделникот соопшти дека ги прекинува прикажувањата на филмовите во Русија, вклучително и претстојното издание на студиото за анимација Пиксар „Turning Red“, наведувајќи ја како причина инвазијата на Украина.

09:03 Џонсон: Путин мора да пропадне

Британскиот премиер Борис Џонсон изјави дека рускиот претседател Владимир Путин мора да пропадне. Џонсон вети дека Велика Британија „ќе продолжи да врши максимален притисок“ врз Русија.

Активностите на Велика Британија и нејзините западни сојузници ќе се погрижат Владимир Путин” да ги почувствува последиците од неговите постапки. Зборуваме со еден глас кога велиме – Путин мора да пропадне – рече Џонсон.

09:00 (Видео) Меден месец со пушки: украински младенци облекоа камуфлажни одела по венчавката

Само неколку часа по нивната венчавка на првиот ден од руската инвазија, Украинците Јарина Ариева и Свјатослав Фурсин се вклучија во борбата за одбрана на својата земја.

Двојката требаше да се венча во мај, но тие побрзаа да извршат церемонија во Киев минатата недела кога Русија започна инвазија, за сега да се приклучат на украинскиот отпор.

Во камуфлажни јакни со пушки, Јарина и Свјатослав раскажаа за Си-Ен-Ен како го поминале својот меден месец во градот под опсада и земале оружје за да се борат против руските трупи.

08:46 (Видео) Силен воздушен удар на плоштадот во Харков

Видео на кое се гледа експлозија на главиот плоштад во Харков, вториот по големина украинска град е објавено на социјалните мрежи.

На плоштадот на Слободата во Харков се наоѓа седиштето на локалната влада.

Напдот според тоа што може да се види на видеото од надзорна камера се случил во 7 часот и две миннути по средноеврпско време. Не е познато дали има жртви и повредени.

08:28 Пoлска: Околу 350.000 луѓе влегоа во земјата од почетокот на инвазијата

Заменик-министерот за внатрешни работи на Полска утринава изјави дека околу 350.000 луѓе од Украина влегле во Полска од почетокот на руската инвазија на Украина минатата недела.

08:25 Украина потврди: Најмалку 70 украински војници загинаа во напад на воена база

Украинските власти потврдија дека најмалку 70 војници загинале во руски ракетен напад врз нивната воена база.

Нападот се случи синоќа во Охтирка, во регионот Суми, кој во моментов е под опсада на руските сили.

Утрово спасувачите и итните служби се уште вршат увид на урнатините обидувајќи се да најдат преживеани.

Украинскиот парламент им оддаде почит на војниците преку твит и напиша дека војниците биле убиени од проектили од градот. Вечна слава на хероите на Украина“, напиша парламентот на Твитер.

08: 22 Северна Кореја: САД се виновни за руската инвазија ВО Украина

Северна Кореја ги обвини „американските и западните политики на хегемонија“ за руската инвазија на Украина во соопштението објавено од портпаролот на Министерството за надворешни работи.

„Основната причина за украинската криза целосно лежи во хегемонистичката политика на САД и Западот, кои се впуштаат во грубост и самоволие кон другите земји“, рече портпаролот.

08:20 Украинскиот амбасадор: Ова е крај на теророт и окупацијата на претседателот на безбедносниот совет 

Украинскиот амбасадор во ОН Сергеј Кислица го поздрави крајот на руското претседателство со Советот за безбедност на ОН. Руското претседателство траеше во февруари како дел од редовна ротација, па рускиот амбасадор во ОН Василиј Небензија до полноќ беше претседател на Советот.

Непосредно пред полноќ, Кислица на Твитер напиша: „Се радувам на полноќ, кога ќе заврши ова злосторство, окупацијата на функцијата претседател на Советот“.

Овластувањата на Советот за безбедност на ОН вклучуваат воспоставување мировни операции, наметнување меѓународни санкции и одобрување воени дејствија.

08:13 Повеќе од 70 украински војници убиени во напад на воена база

Повеќе од 70 украински војници загинаа откако руската армија со проектили ја погоди воената база во Охтирка, град меѓу Харков и Киев, напиша шефот на регионот на „Телеграм“.

Дмитро Живицкиј објави фотографии од јагленисани остатоци од четирикатница и спасувачи кои ги пребаруваат урнатините. Во подоцнежната објава на Фејсбук, тој рече дека многу руски војници и некои локални жители исто така биле убиени за време на борбите во неделата, што досега не е независно потврдено.

08: 13 Напад на Херсон

Украинската државна информативна служба соопшти дека почнал напад врз јужниот украински град Херсон.

Најмалку 11 лица загинаа, а десетици беа повредени во нападите на Харков во понеделникот. Уништени се 87 станбени објекти.

08:11 Огромен руски конвој долд 64 километри до Киев

Според сателитски снимки, руските војници напредувале кон главниот град. Рускиот воен конвој кој се движи кон Киев сега е долг речиси 64 километри.

Ова го покажуваат снимките на американската сателитска компанија Maxar. Конвојот се приближува до главниот град Киев, кој се уште е под контрола на украинската влада.

Ситуацијата околу Киев се уште е тензична, соопшти на Фејсбук штабот на украинската војска.

Свет

(Видео) Опасноста од пожар и понатаму е на критично ниво во Калифорнија, наредена е евакуација: „Изгледаше како да возиме во пеколот“

Објавено пред

Опасноста од пожар и понатаму е на критично ниво во Јужна Калифорнија, каде што илјадници жители добија наредба да се евакуираат поради пожарот што останува надвор од контрола во близина на Кастаик во северниот дел на округот Лос Анџелес.

dobivaj vesti na viber

Пожарот што ги зафати окрузите Лос Анџелес и Вентура изгоре повеќе од 9.000 хектари и е 0% локализиран, изјави началникот на противпожарната служба на округот Лос Анџелес, Ентони Мароне. Нема информации дека било оштетени згради, рече Мароне на прес-конференција.

Кастаик се наоѓа на околу 25 километри северозападно од градот Санта Кларита и се граничи со Националната шума Анџелес. Од 31.000 жители на градот, 23.000 добиле наредба за евакуација, според шерифот на округот Лос Анџелес, Роберт Луна.

„Имаме повеќе од 4.000 пожарникари назначени за овој инцидент“, рече Мароне. „Ситуацијата останува динамична, а пожарот и понатаму е тешко да се контролира, иако ние имаме предност“, додаде тој.

Националната метеоролошка служба го продолжи предупредувањето до утре наутро за повеќето окрузи Лос Анџелес и Вентура, а умерениот ветер продолжува да дува низ областа, рече Мароне.

Пожарот Хјуз избувна вчера во близина на езерото Кастаик, северно од каде противпожарните екипи работат на целосно гаснење на пожарите Палисадес и Итон кои изгореа повеќе од 40.000 хектари и оставија 28 мртви од избувнувањето на 7 јануари.

„Условите во кои се наоѓаме не се толку тешки како оние со кои се соочувавме минатата недела или две, но она што го видовте (вчера) е показател за условите во кои се наоѓаме, во однос на вегетацијата“, рече Роберт Гарсија, началникот на пожарникарската национална шума Анџелес.

Областа каде гори пожарот е позната по своите суви, тревни ридови, додаваат пожарникарите, што ги прави условите за пожар таму „критични“, рече Гарсија.

Новиот пожар избувна северно од два големи пожари кои се уште се активни и уништиja повеќе населби претходно овој месец.

Два други пожари избувнаа на југ, во близина на Сан Диего и Оушансајд, соопштија официјални лица. И двaтa се со помал обем, но ги зафатија населените области. Пожарникарите успеаја да ги стават под контрола и двата пожари, наредбите за евакуација главно беа укинати, а натамошното ширење на огнот беше запрено.

Во округот Лос Анџелес, локалните медиуми ги прикажаа жителите во Хјуз како прскаат со вода нивните домови и дворови и оние кои решиле да се евакуираат.

Регионот повторно е под црвен аларм, што укажува на висок ризик од пожар поради силните ветрови и сувите услови со ниско ниво на влажност.

Една жена која го евакуирала својот дом изјавила за NBC 4 дека била заглавена на автопатот што минува низ областа и ги поврзува северна и јужна Калифорнија.

„Изгледаше како облак, но кога се приближив, изгледаше како да возиме во пеколот“, рече таа за темниот чад и црвениот пламен што ги виде. „Беше прилично страшно, да бидам искренa“.

Прикажи повеќе...

Европа

Писториус: Русија може да ги нападне членките на НАТО во рок од пет години

Објавено пред

Борис Писториус предупреди на теоретска закана од руски напад врз земјите на НАТО во 2029/2030 година. Според него, дотогаш Русија би можела да ја зголеми својата војска на 1,5 милиони војници.

dobivaj vesti na viber

„Со оглед на растот на руската армија, постои теоретска можност Русија да се обиде да ги нападне земјите на НАТО во 2029-2030 година. Затоа е особено важно дотогаш да се обезбедат одбранбените способности на Алијансата“, изјави германскиот министер за одбрана Борис Писториус, како што објави Украинска Правда.

Според Борис Писториус, воени експерти внимателно ја следат ситуацијата во Русија.

„Воените експерти многу внимателно ги следат настаните во Русија. Воената индустрија таму значително се развива, произведувајќи голем број тенкови и авиони, што значи дека руските вооружени сили значително растат. До 2026 година нивниот број може да се зголеми на 1,5 милиони војници “, рече Писториус.

Тој истакна дека воените експерти веруваат дека „Путин би можел да ги реорганизира своите вооружени сили до 2029/2030 година за да создаде соодветни услови за можен теоретски напад врз други земји“, вклучително и земјите од НАТО.

„Затоа, ние мораме дотогаш да ја обезбедиме нашата одбранбена способност. Оваа задача, се разбира, бара и време и пари, но ние сме посветени на оваа цел“, нагласи тој.

Прикажи повеќе...

Свет

Јужнокорејските истражители бараат од обвинителите да го обвинат Јун за бунт

Објавено пред

Антикорупциската агенција на Јужна Кореја побара од обвинителите во вторникот да го обвинат претседателот Јун Сук-Јол за бунт и злоупотреба на власта поради неговото краткотрајно прогласување на воена состојба.

dobivaj vesti na viber

Канцеларијата за истраги за корупција за високи функционери (ЦИО) соопшти дека ќе побара од обвинителите да поднесат обвинение против Јун дека бил водач на бунт, злоупотреба на власта и попречување на другите да ги користат нивните права. Според законот, ЦИО има само истражни овластувања и мора да ги упатува случаите до обвинителите за кривично гонење.

Јун е во затвор од минатата недела, а инспекторите го испрашуваа неговиот обид да воведе воена состојба на 3 декември, потег што ја шокираше нацијата и пошироко, иако парламентот го отфрли за неколку часа.

ЦИО беше основан во 2021 година како независна агенција за борба против поткуп за истрага на високи функционери, вклучително и претседателот и членовите на неговото семејство, и е дел од тимот што ги вклучува полицијата и Министерството за одбрана, додека обвинителите спроведуваат сопствена истрага .

Прикажи повеќе...

Најново

Свет32 минути

(Видео) Опасноста од пожар и понатаму е на критично ниво во Калифорнија, наредена е евакуација: „Изгледаше како да возиме во пеколот“

Опасноста од пожар и понатаму е на критично ниво во Јужна Калифорнија, каде што илјадници жители добија наредба да се...

Европа45 минути

Писториус: Русија може да ги нападне членките на НАТО во рок од пет години

Борис Писториус предупреди на теоретска закана од руски напад врз земјите на НАТО во 2029/2030 година. Според него, дотогаш Русија...

Свет1 час

Јужнокорејските истражители бараат од обвинителите да го обвинат Јун за бунт

Антикорупциската агенција на Јужна Кореја побара од обвинителите во вторникот да го обвинат претседателот Јун Сук-Јол за бунт и злоупотреба...

Свет1 час

Трагедија во Индија: скокнале од воз поради гласини за пожар, а друг воз ги прегазил, 13 мртви

Најмалку 13 лица загинаа од удар на воз во западна Индија кога патниците скокнале од друг на соседната пруга, бидејќи...

Свет2 часа

Америка испраќа дополнителни 1.500 војници на јужната граница

Американската војска се подготвува да испрати приближно 1.500 дополнителни војници на границата со Мексико, изјави американски официјален претставник само два...

Топ11 часа

Пијан маж избол во вратот 22-годишна девојка: Обид за убиство во Крива Паланка

Јавен обвинител од Основното јавно обвинителство Куманово донесе Наредба за спроведување истражна постапка против едно лице за кое постои основано...

Свет14 часа

Туск повика на вооружување на Европа: „Времето на удобност заврши“

Полскиот премиер Доналд Туск изјави дека „времето на удобност е завршено“ за Европската унија и повика на значително повисоки распределби...

Македонија17 часа

Тошковски: Неоспорно е дека полицаецот не погледнува во мониторот и му дозволува на Груби да излезе, се води постапка дали има други вмешани

Бегалецот Артан Груби, поранешен министер и вицепремиер, сè уште не е достапен за македонската полиција. Министерот за внатрешни работи Панче...

Македонија19 часа

СДСМ: Мицкоски немал ниту официјална покана за инаугурацијата на Трамп, ниту бил дел од неа

Патувањето на премиерот Мицкоски во САД требаше да биде дипломатска мисија од висок ранг, но се претвори во евтина ПР...

Македонија21 час

„’Влен’ не се залага за внуци“: Дрин Ахмети бил повикан од Обвинителството

„Кога ќе се спомене ДУИ, не можеме да мислиме друго освенна злоупотреби и корупција. Сакаме да ја информираме јавноста за...

Македонија22 часа

Покрај унифицирани регистарски таблички, потребни се и санкции за оние што ги злоупотребуваат службените возила за приватни цели, велат од ЛДП

Либерално-демократската партија (ЛДП), во август минатата година предложи сите службени возила да бидат видливо и јасно обележани со иста боја,...

Македонија22 часа

Кичево загадено два дена по ред: се забранува горење на отворено, порепорака за ослободување од работа на ризичните групи

Воведени се мерки во Кичево поради загадувањето на воздухот, откако во изминатите два дена беше надминат прагот на алармирање на суспендирани...

Македонија23 часа

Финансиската полиција поднесе кривична против бизнисмен, го оштетил буџетот на државата за 11 милиони денари

Управата за финансиска полиција, до Oсновното јавно обвинителство Скопје поднесе кривична пријава против А.Б.Г во својство на сопственик и управител...

Македонија24 часа

„Срамен чин на манипулација со државни пари, Обвинителството да реагира“, бара ДУИ

„Во чин без преседан на манипулација и измама, претставниците на коалиција Вреди повторно покажаа дека суштината на целата коалиција е...

Европа1 ден

(Видео) Зеленски ги критикува европските лидери: „Дали Трамп воопшто ќе ве забележи?“

Украинскиот претседател Володимир Зеленски ги предупреди европските лидери дека Доналд Трамп ќе ги игнорира доколку континентот не се грижи повеќе...

Свет1 ден

На поздравот на Маск реагира германскиот канцелар, Маск одговори: Срам да ти е, Оаф Шиц

Бројни јавни личности ширум Европа изразија гнев поради гестот на Илон Маск, кој потсетуваше на нацистички поздрав. Додека некои го...

Свет1 ден

Трамп: Ќе воведам царини за ЕУ ​​и Кина

Американскиот претседател Доналд Трамп вети дека ќе воведе царини за Европската унија. Трамп рече дека ЕУ и другите земји имаат...

Свет1 ден

Гувернерот на Флорида во официјален документ Мексиканскиот Залив го нарече Американски Залив

Според иницијативата на новиот претседател Доналд Трамп, гувернерот на американската сојузна држава Флорида го нарече Мексиканскиот Залив „Американскиот Залив“ во...

Македонија2 дена

Веднаш по враќањето од Вашингтон, Мицкоски ќе преговара за зголемување на платите на административците што протестираа, вели Трендафилов

Владата ја прифати подадената рака од Синдикатот на вработените во управата, правосудните органи и здруженијата на граѓаните (УПОЗ), кој побара...

Економија2 дена

И со намалени цени минималната кошничка за јануари е поголема за 391 денар, за преживување на четворица потребни се 62.861 денар

Вредноста на минималната синдикална кошничка што ја пресметува Сојузот на синдикатите на Македонија (ССМ) за јануари изнесува 63.252 денара или...