Свет
(Видео) Зеленски пред Европскиот парламент: Ја докажавме нашата сила, а вие докажете дека нема да нѐ оставите
Володимир Зеленски, претседател на Украина, се обрати пред Европскиот парламент, а членовите му аплаудираа на Зеленски додека стоеше по неговиот говор.
Зеленски во својот говор се осврна на ракетирањето на плоштадот во Харков.
„На плоштадот се собра народ. Тоа е најголемиот плоштад во Европа, а две ракети го погодија Плоштадот на слободата.
Ние се бориме, се бориме само за нашата земја и за нашата слобода. Од денеска секој плоштад кај нас ќе се вика Плоштад Слобода. Никој нема да нѐ скрши. Ние сме Украинци“, рече Зеленски.
„Нашите луѓе се многу мотивирани, се бориме за нашите права, нашите слободи, нашите животи. Сега се бориме за опстанок. Тоа е најголемата мотивација. Но, ние се бориме да бидеме рамноправни членки на Европа. Верувам дека денес на сите им покажуваме дека сме токму тоа.
Ја докажавме нашата сила дека сме минимално како вас. А вие треба да докажете дека сте со нас, дека нема да нѐ оставите, дека сте навистина Европејци,и тогаш животот ќе ја победи смртта. Слава на Украина“, заклучи Зеленски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Петчлено семејство загина во тешка сообраќајка кај Ушќе
Петчлено семејство вчера околу 13 часот и 10 минути загина во тешка сообраќајна несреќа кај градот Ушќе на патот Краљево-Рашка, во судир учествувале патничко возило и борбено возило „ПАСАРС на српските вооружени сили.
Во патничкиот автомобил имало три деца, мајка и татко, јави РТС.
Министерството за одбрана соопшти дека борбеното возило на Војската на Србија се движело во правец на Рашка и било во колона под придружба на воената полиција
Регион
Повредени и загинати при судир на воено и цивилно возило на патот Краљево-Рашка
Борбено возило „ПАСАРС“ на војската на Србија денеска околу 13 часот и 10 минути се судрило со цивилно возило кај градот Ушќе на патот Краљево-Рашка, соопшти Министерството за одбрана.
Борбеното возило – противвоздушен самооден артилериско-ракетен систем во колона под придружба на воената полиција се движело кон Рашка.
Според првите информации има повредени и загинати, се вели во соопштението на Министерството.
Европа
Вонредна состојба во Италија, поплавени се два региони
Италија прогласи вонредна состојба денеска за два поплавени региони на северот од земјата по неколкудневните поројни врнежи.
Поројните врнежи предизвикаа поплавени патишта во двата региона. Вкупно, повеќе од 2.500 луѓе мораа да бидат евакуирани од своите домови. Зафатени се неколку градови, вклучувајќи ги Болоња, Модена и Равена, како и приморското одморалиште Римини на јадранскиот брег.