Спорт
Вороњин ја напушти Динамо Москва и го нарече Путин „кучкин син“
![](https://makfax.com.mk/wp-content/uploads/2022/03/ukrainec-andrej-voronin-rastorg-kontrakt-s-moskovskim-dinamo_1646126779284228294.jpg)
Поранешниот украински напаѓач, Андриј Вороњин го раскина договорот со Динамо Москва, каде што беше помошник тренер поради руската инвазија на Украина и го нарече Владимир Путин „кучкин син“ во емотивната изјава.
42-годишниот поранешен фудбалер на Ливерпул работеше две години во Динамо Москва по пензионирањето од фудбалот во 2015 година. Иако е етнички Русин со потекло од Одеса, тој имаше 75 настапи за украинската репрезентација и во интервју за „Билд“ беше остар во изјавите.
„Веќе е можев да работам во земја која ја бомбардира мојата татковина. Што може да направи Германија? Да го сопре тој кучкин син Путин, да помогне на бегалците. И да прати оружје да се браниме. Горд сум на мојата земја, имаме прекрасни градови, големи луѓе. Ќе продолжиме да се бориме и ќе победиме, но цената е висока. Толку мртви… Живееме во 2022, а не во Втората светска војна. Си заминавме од Москва пред целосно да биде блокирана. Не можевме да слетаме во Диселдорф, така што отидовме во Амстердам. Мојот татко, мојата сопруга и децата се тука сега. Ми беше многу лошо последните четири дена. Ги гледам сите видеа од мојата земја и ми изгледа нереално како филм. Но, хорор филм. Сега сакам да помогнам. Со пари, со било што. Не знам дали треба да кажам, но да бев во Украина, ќе имав пушка во раце“, вели Вороњин.
Андрей Воронин покидает «Динамо»
Футбольный клуб «Динамо» и помощник главного тренера Воронин достигли соглашения о расторжении контракта по соглашению сторон. pic.twitter.com/JLuWFga8SK
— ФК «Динамо» Москва (@fcdynamo) March 1, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Спорт
Хрватска го дозна противникот во полуфиналето од квалификациите за ОИ
![](https://makfax.com.mk/wp-content/uploads/2024/07/Mario-Hezonja.jpg)
Противник на хрватската кошаркарска репрезентација во полуфиналето од квалификациите за Олимписките игри ќе биде Доминиканска Република.
Ова и официјално беше потврдено откако домаќинот Грција во последниот натпревар го победи Египет со 93:71. Хрватска во сабота од 20 часот ќе игра со Доминиканската Република.
Противникот на Хрватска на овој турнир не може да смета на неколку клучни играчи.
Во споредба со ланското Светско првенство, го нема центарот Карл-Ентони Таунс, ѕвездата на Минесота Тимбервулфс, како и Анхел Делгадо, исто така центар, кој игра за Галатасарај.
Недостига и Лестер Кињонес од Голден Стејт Вориорс.
Еден од предводниците на оваа репрезентација е 26-годишниот плејмејкер Андрес Фелиз, кој од следната сезона ќе настапува за Реал Мадрид, а тука е и Крис Дуарте, шутер кој настапува за Сакраменто Кингс во НБА лигата.
Во случај на победа над Доминиканската Република, Хрватска би се пласирала во квалификациското финале кое ќе се игра веќе во недела.
Нејзин противник би бил подобриот од дуелот Словенија и Грција.
Спорт
Бојан Богдановиќ во Бруклин
![](https://makfax.com.mk/wp-content/uploads/2024/07/bojan.jpg)
Њујорк Никс направи голема работа и се договори со Бруклин Нетс.
Њујорк Никс веќе имаат шампионски тим од универзитетот Виланова, бидејќи Џејлен Брансон, Џош Харт и Донте Дивиченцо ја делат соблекувалната, а сега ќе им се придружи и Мајкл Бриџис.
Играчот беше превземен од Бруклин Нетс во Њујорк Никс и сега целата зделка ќе биде завршена.
Според Шемс Чаранија, во се е вклучен и Бојан Богдановиќ.
Никс договорија тригодишен договор вреден 9 милиони долари со Малик Милтон, кој заедно со Бојан Богдановиќ ќе оди во Бруклин Нетс, а во Њујорк доаѓа Кеита Бејтс-Диоп, како и Мајкл Бриџис, кој е централна фигура на оваа размена.
Оваа година, поради големиот број повреди, Никс го пропуштија Источното финале кога беа поразени во седмиот натпревар во Медисон Сквер Гарден од Индијана Пејсерс.
Спорт
УЕФА жестоко го казни Демирал
Турскиот стопер Мерих Демирал е суспендиран од УЕФА поради истакнување на симболот на терористичка организација.
Мерих Демирал ги постигна двата гола во победата на Турција над Австрија во осминафиналето на Европското првенство, а натпреварот заврши со резултат 2:1.
Демирал ги прослави головите покажувајќи го поздравот на „Сивите волци“, односно симбол на десничарската екстремистичка идеологија, која во некои земји се смета за терористичка порака.
Демирал на тој начин доби казна за која сигурно нема да игра во четврт-финалето кое Турција ќе го игра в сабота против Холандија, а дури и да се пласира во полуфиналето неговата селекција нема да биде во тимот.
Стоперот ќе може да им помогне на своите момци само доколку Турција се пласира во финалето на Европското првенство, одлучи УЕФА.