Спорт
Ѕјуба одговори на Украинците: Седите во англиските вили и зборувате гадости
Капитенот на руската репрезентација, Артем Ѕјуба одговори по критиките на украинските фудбалери дека молчи како „кучка“ за воената состојба кај соседите.
33-годишниот фудбалер на Зенит Санкт Петерсбург во долг пост на Инстаграм зборува дека е горд на тоа што е Русин и ги обвини украинските фудбалери дека „седат на своите задници во англиските вили“ и дека зборуваат гадости.
Ова доаѓа откако фудбалерот на Евертон, Виталиј Миколенко го нарече „тивка кучка“ за одбивањето да зборува за војната, дефанзивецот на Манчестер сити Олександер Зинченко му порача на Путин „болна смрт“, а Андриј Јармоленко од Вест хем изјави дека Ѕјуба сака „да ги покажува јајцата на камера, но не во вистинскиот живот“.
„До последно, не сакав да зборувам за Украина. Не бидејќи ми е страв, туку бидејќи не сум експерт за политика, не сум навлегувал во тоа и немам намера, за разлика на големиот број на политички научници и виролози кои се појавија на Интернет. Но, како сите, и јас имам свое мислење и бидејќи ме тераат, морам да кажам. Јас сум против војната, војната е страшна, но исто така сум против човечка агресија и омраза, која добива невидени размери. Против дискриминација според националноста. Не се срамам што сум Русин, туку сум горд и не сфаќам што имаат врска спортистите. Сите врескаат спортот надвор од политиката, но кога е Русија, тој принцип е заборавен. Во стресни ситуации луѓето ја покажуваат својата суштина, која понекогаш е негативна. Колку лутина, валканици и жолч се истури на Русите, без разлика на позицијата и професијата. Илјадници луѓе кои пишуваат навреди и закани… Застанете во ред. Многу е чудно да чујам од овие луѓе на кои Русија им даде многу во нивните животи. Војната ќе заврши, но човечките односиќе продолжат и ќе биде невозможно да се сменат. П.С. На некои колеги кои седат на задникот во своите вили во Англија и кажуваат гадости – ова не може да не навреди, сфаќаме се. Мир и добро за сите“, напиша Ѕјуба.
View this post on Instagram
Миколенко до рускиот капитен Ѕјуба: Ќе скапете кучки и ќе се радувам
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Пикси: Не бевме вреќа за удирање
Селекторот на фудбалската репрезентација на Србија, Дрган Стојковиќ Пикси, во првата изјава рече дека елиминацијата од ЕП не е неуспех.
„Жал ми е што не го направивме тој чекор понатаму. Исклучително сум горд на момците. Се бореа, дадоа се од себе, но така е во фудбалот“, започна Пикси и потоа го коментираше мечот со Данска.
„Тежок натпревар, 50-50 во сите параметри. Направивме се за да одием понатаму. Не се резилевме, никој не не победи со 5:0 па ни се смеат и да не навредуваат. Не заслуживме да загубиме од Англичаните. Другите два натпревари беа тешки, тактички и резултатски. Знаев дека вечерва нема да имаме шанси, кави што имавме против Словенија. Вечерва не постигнавме гол. Одиме понатаму со кренати глави. Момците ги заслужуваат сите честитки за нивниот напор’, рече Пикси со напомена дека еден гол решил кој ќе оди во нокаут фазата.
Спорт
Српските фудбалери со концерт од свирежи испратени од стадионот во Минхен
Фудбалската репрезентација на Србија го заврши настапот на Европското првенство. Во конкуренција на Англија, Данска и Словенија, Србите освоија два бода и завршија на последното место во групата.
Во последното коло, на Србите им требаш победа над Данска, но не успеаја. На крајот од натпреварот со концерт од свирежи беа испратени од околу 30.000 свои навивачи на стадионот во Минхен.
Репрезентативците на Србија по завршувањето на натпреварот сакаа да им се заблагодарат на повеќе од 30.000 српски навивачи кои ги бодреа, но добија свирежи, навреди, а во еден момент навивачите фрлаа пластични чаши кон нив.
Спорт
Ц групата го изедначи негативниот рекорд на ЕП
На шест натпревари во групата Ц, во која партиципираа Србија, Англија, Словенија и Данска, беа постигнати само седум гола, што на ЕП се случило само уште еднаш од воведувањето на групната фаза (1980).
Во првото коло Англија ја победи Србија (1:0), а Данска и Словенија ремизираа (1:1). Во второто Словенија и Србија, односно Данска и Англија одиграа 1:1. Последното трето коло во оваа група донсе два натпревари (Србија-Данска и Словенија-Англија) без голови.
Претходно, во 2016 година беа постигнати седум гола. Интересно и тогаш во прашање беше Ц групата. На ЕУРо 2016 во Франција во групата играа Германија, Полска, Северна Ирска и Украина.