Спорт
Борусија Дортмунд му го откажа членството на Шредер поради руските врски
Бундеслигашот Борусија Дортмунд во средата потврди дека му го одземаат почесното членство на поранешниот германски канцелар Герхард Шредер поради неговата поврзаност со Русија.
Претседателот на клубот, Рајнхард Раубал го информирал Шредер на „личен состанок“, дека неговото членство се повлекува.
77-годишниот Шредер, кој беше германски канцелар од 1998 до 2005 година е близок пријател на рускиот претседател Владимир Путин, а и претседател на бордот на „Роснефт“, руската најголема нафтна компанија и во членот на бордот на „Северен тек 2“, руско-германскиот гасовод, а ќе стане и член на бордот на „Газпром“ во јуни.
Тој не е единствен поранешен европски лидер поврзан со руски компании, како поранешниот француски премиер Франсоа Фијон и екситалијанскиот премиер Матео Ренци, кои си дадоа оставки по војната во Украина. Шредер останува на своите позиции.
Der BV. Borussia 09 e.V. Dortmund entzieht Gerhard Schröder mit sofortiger Wirkung die Ehrenmitgliedschaft.
— Borussia Dortmund (@BVB) March 2, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Павловиќ во Баерн до 2029 година
Германскиот репрезентативец и играч на Баерн, Александар Павловиќ го продолжи договорот со баварскиот великан до летото 2029 година.
Павловиќ, кој непосредно пред ЕП ја одби понудата да игра за Србија, земја од која потекнуваат неговите родители, поради проблем со крајниците, два дена пред почетокот на ЕУРО 2024 го напушти кампот на репрезентацијата.
„За жал поради воспаление на крајниците нема да играм на Европското првенство, но воодушевен сум што мојот договор со Баерн е продолжен до 2029 година. Тоа покажува дека клубот има верба во мене. Баерн е мојот дом. Горд сум, среќен и благодарен, сакам да освојувам трофеи со тимот и да продолжам со мојот личен развој“, изјави Павловиќ за клупската веб-страница.
За тимот од Минхен одигра 22 натпревари и постигна два гола.
Спорт
Инцидент во Хамбург: Со секира нападнал полицајци
Голем инцидент се случи во Хамбург, во пресрет на натпреварот меѓу Холандија и Полска.
Во центарот на Хамбург, полицијата застрела и тешко повреди маж кој кон на полицијаците најпрвин им се заканувал, а потоа со секира тргнал кон нив.
Инцидентот се случил недалеку од фан зоната на холандските навивачи, околу 12:30 часот.
Холандија и Полска ќе играат од 15.00 часот во натпреварот од првото коло од групата Д.
Спорт
(Видео) Осимен во живо на Инстаграм му врачи отказ на селекторот
Виктор Осимен, нигериски напаѓач вреден 100 милиони евра, со една објава на Инстаграм „му врачи“ отказ на селекторот Финиди Џорџ.
Нигерија не игра добро во квалификациите за Светското првенство, а по поразот од Бенин, прашање е дали оваа репрезентација ќе избори место на Мундијалот во 2026 година.
Осимхен поради повреда ги пропушти натпреварите против Јужна Африка и Бенин (реми и пораз) во квалификациите за Светското првенство.
Селекторот Финиди Џорџ наводно рекол дека не можел да го моли Осимхен на колена да игра за Нигерија. Оваа изјава предизвика без кај напаѓачот на Наполи.
Во директен пренос на Инстаграм му одговори на селектор: „Се повредив на последниот натпревар во првенството и не прифаќам шпекулации. Секогаш играв со срце за репрезентацијата и покрај повредите. Изгубив секаква почит кон тренерот. Ќе му го покажам мојот здравствен картон. Јас барав да бидам со соиграчите и покрај тоа што сум повреден“.
После тоа, некој од неговиот тим му го зеде мобилниот телефон на Осимхен.
Финиди по оваа објава доби отказ. На функцијата селектор на Нигерја се задржа само два месеци.
Victor Osimhen lambastes Finidi George for singling him out for criticism.
— YabaLeftOnline (@yabaleftonline) June 15, 2024