Македонија
(Видео) Арсовски: Штом СДСМ незаконски го праќа Фрчкоски во ОН, ние законски ќе го вратиме кога ќе се смени власта
Она што не му успеа ниту на Зоран Заев да го направи, сега Пендаровски заедно со Ковачевски го прави. Фрчкоски е единствениот човек што не го сакаат ниту во неговата матична држава Република Македонија ниту, пак, го сакаат надвор во другите држави. Знаете зошто? Затоа што знаат каков човек е. Всушност, тој е човекот што е врзан директно за најмногу скандали изминатите 30 години во Република Македонија. Од коруптивни, мизогини, за жал, насилни и многу други скандали, атентати, поврзуван и сѐ друго, изјави портпаролот на ВМРО-ДПМНЕ, Димче Арсовски.
„Откако не го сакаа стратешките партнери за амбасадор во Вашингтон и е вратен од официјален Вашингтон, имајќи ги на ум сите негови скандали во неговото портфолио, скандалозно портфолио, Пендаровски противзаконски го праќа за амбасадор во Обединетите нации. Нејасно е, сѐ уште е нејасно, колку аматерски и како може да прати човек како Фрчкоски за амбасадор во Обединетите нации, човек што не го сака ниту еден стратешки партнер на Република Македонија“, рече Арсовски.
Според Арсовски, претседателот Пендаровски го прекршил членот 39 од Законот за надворешните работи за претставување пред собраниската комисија, а преку Собранието и јавноста истите немале можност да извршат контрола врз извршната власт, како што е и претседателот и самите амбасадори.
„Пендаровски со ова што го прави во моментот заедно со Ковачевски и сите други го нарушува угледот на Република Македонија, го нарушува угледот на дипломатијата, која и онака е руинирана, и го уништува угледот воопшто на граѓаните на Република Македонија и им ја потценува нивната интелигенција. Фрчкоски, кој добива награда од Пендаровски за неговите на моменти фашистички ставови и ставови против својата држава, против својот народ, против своите граѓани, сега ќе треба да ја претставува Македонија во една од најважните светски дипломатски институции.
Фрчкоски велеше дека Албанците ќе пливаат во Јадранското Море накај Италија. Еве, јавно прашуваме дали и ДУИ е согласна како коалициски партнер на СДСМ и покрај ваквите изјави, Фрчкоски да ја претставува Република Македонија во Обединетите нации.
Но, едно е важно и ова треба да го запомнат и многу бргу ќе дојде, штом Пендаровски, Ковачевски и сите други таму како награда го праќаат Фрчкоски незаконски во Обединетите нации, ние на законски начин ќе го вратиме веднаш штом се смени власта и сите што ќе постапатле противзаконски, ќе сносат одговорност“, порача Арсовски.
Тој нагласи дека нема да дозволат ликови како Фрчкоски да ја срамат Македонија.
„Ова се ликовите што 30 години се канцер на македонското општество. Фрчкоски никогаш нема да биде амбасадор на Република Македонија во Обединетите нации, туку ќе ја има титулата срам на Република Македонија во Обединетите нации“, заклучи тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Филипче: Бошњачката заедница е нераскинлив дел од нашето мултиетничко општество
Претседателот на Социјалдемократскиот сојуз на Македонија, Венко Филипче, вечерва присуствуваше на одбележување на Меѓународниот Ден на Бошњаците, во организација на Странката на демократска акција на Македонија (СДА).
Во обраќањето пред присутните, Филипче прача дека бошњачката заедница е нераскинлив дел од општеството и има значаен придонес во развојот и напредокот на Северна Македонија.
„Граѓаните Бошњаци по измените на Уставот од 2001 година, станаа дел од преамбулата и на нашиот Устав. Со нивната традиција, како составен и нераскинлив дел од нашето мултиетничко општество, имаат значаен придонес во развојот и напредокот на државата. Бошњачката заедница во Северна Македонија активно се вклучи во успешниот концепт „Едно општество за сите“, со кој Северна Македонија сега е пример во Ервопа и регионот за дијалог, меѓусебно разбирање и почитување“, рече Филипче.
Воедно, претседателот на СДСМ, Филипче ја потенцираше важноста на Странката на демократска акција на Македонија (СДА), која како коалициски партнер на СДСМ, изминативе години даде поддршка на развојните политиките во периодот на Владата на СДСМ.
„Во основното образование за учениците Бошњаци се врати редовната настава на босански јазик, Северна Македонија и Босна и Херцеговина потпишаа серија на билатерални договори во интерес на граѓаните,Скопје и Сараево станаа збратимени градови. Со својата прогресивна идеологија во изминатите години, СДА активно учествуваше во сите процеси кои ја придвижија државата напред, како што е членството во НАТО и започнувањето на преговорите со Европската Унија“, рече Филипче, додавајќи дека токму тоа и е разликата СДСМ и актуелната власт .
Филипче во своето обраќање нагласи дека СДСМ и СДА и во иднина ќе делуваат заеднички и ќе се залагаат за соживот,меѓусебна почит и интеграција на државата.
„ За жал деновиве сме сведоци на едни политики кои ја враќаат државата назад во изолација, нешто за што граѓаните не гласаа. И тоа не смееме да го дозволиме, не смееме да се откажеме од европскиот пат, од европска иднина за нашите граѓани. СДСМ и СДА и понатаму ќе продолжат да делуваат заеднички, ќе се залагаме за демократските вредности и инклузија на сите заедници, за интеграција, а не за изолација на државата“, порача претседателот на СДСМ, Венко Филипче.
Македонија
Промена на времето: УХМР за утре најавува дожд, силен ветер и драстичен пад на температурите
Управата за хидрометеоролошки работи најавува значителна промена на времето утре – дожд, засилен ветер и пад на температурата.
Утре под влијание на влажна и постудена воздушна маса од север ќе настапи позначителна промена на времето. Од утринските часови најпрвин во северните делови, ќе има повремени врнежи од дожд и локална појава на грмежи. Ќе дува силен ветер (наместа над 70км/ч.) кој ќе продолжи и во понеделник.
ИЗВОР: УХМР
Дневната температура значително ќе се намали (утре за 6 до 8, а во понеделник уште за дополнителни 4 до 6 степени). Потоа во следните два дена времето ќе биде сончево со ниски утрински температури, а дневните ќе бидат во пораст.
Во Скопје, утре ќе има повремени врнежи од дожд, локално со појава на ретки грмежи и силен ветер.
Од четврток се очекуваат нови врнежи од дожд.
Македонија
Претседателката Сиљановска Давкова се сретна со генералниот секретар на Советот на Европа, Алан Берсе
Претседателката Гордана Сиљановска Давкова во рамки учеството на 79. Генерално Собрание на Обединетите Нации во Њујорк, оствари средба со генералниот секретар на Советот на Европа, Алан Берсе.
На средбата беа разменети мислења за целите и приоритетите насочени кон демократизацијата на македонското општество, човековите права и владеењето на правото. Реафирмирајќи ја посветеноста за натамошна конструктивна соработка со Советот на Европа, претседателката Сиљановска Давкова изрази задоволство од континураната поддршка за нашето целосно усогласување со европските стандарди и вредности.
Претседателката Сиљановска Давкова ја нагласи важноста од кредибилно постапување на Европската Унија во однос на интеграцијата на земјите од Западен Балкан кога напредокот на поединечните кандидати е евидентно заслужен. Таа се осврна и на неопходното обезбедување усогласеност со обврските што земјите-членки ги презеле, вклучително и правилното спроведување на пресудите на Судот во Стразбур.
Соговорниците разговараа и за актуелните безбедносни состојби во Европа, со акцент на војната во Украина, како и за потребата од посветеност и заеднички пристап кон сегашните и идните предизвици какви што се влијанието на новите технологии и климатските промени врз човечките ресурси.
На средбата претседателката Сиљановска Давкова упати честитки до новоизбраниот генерален секретар на Советот на Европа, Алан Берсе, изразувајќи искрени желби за успешно исполнување на важната мисија и продолжување на плодната соработка со македонските институции.