Спорт
МЗТ повторно подобри од Работнички
Актуелниот шампион, МЗТ Скопје Аеродром повторно беше подобар од својот најстар и најлут ривал Работнички, стигнувајќи до 83:89 „гостинска“ победа, нивна шеста едноподруго во Првата лига, доближувајќи се до лидерот Пелистер.
Бранителот на титулата МЗТ Скопје Аеродром успеа да го совлада одличниот Работнички со 83-89 во 158. вечно македонско кошаркарско дерби кое се одигра во СРЦ „Кале“. Работнички, во изменет состав и играчки и тренерски, уште на стартот му стави до знаење на фаворитот дека нема намера лесно да се предаде и ефикасната прва четвртина ја затвори со предност (29:26).
До истекот на 20.минута, аеродромци ја сведоа негативата на минимална (46:45). Едвин стигна до 22 реализации, а другото ново-старо лице во тимот од „Градски парк“ Стефан Балмазовиќ, дојде до 11.

Средишниот дел од третата четвртина донесе многу поефикасна игра на гостинската екипа. Почнаа да погодуваат од далечина „сино-белите“. Преку капитенот Дамјан Стојановски, кој казни серија на неколку нивни грешки, и серијата од (13-0), се одвоија на (66:58), по нецели 28.минути од играта во дербито на 17.коло.
Со тројката на Николов, гостите отидоа на двоцифрена разлика (58:68). Сепак, за две минути избраниците на тренерот Игор Михајловски направија мини-серија (7:0) и стигнаа на само еден поен негатива (71:72), и го натераа новот тренер на „металците“ Александар Петровиќ на брз „тајм-аут“.
Подоцна се разиграа Мекиќ и Милошевиќ и донесоа водство (74:82) за МЗТ Скопје Аеродром на неполни три минути пред крајот на дербито во СРЦ „Кале“.
Работнички се доближи (80:82), но на крајот гостите ја одбранија предноста и со ефект (14-3) го задржаа чекорот со лидерот Пелистер.
ПРВА ЛИГА-МАЖИ
РЕЗУЛТАТИ И ДВОЈКИ 17. КОЛО
Работнички – МЗТ Скопје Аеродром 83:89
МЗТ Скопје Уни Банка – Навико Академија ФМП 63:84
Ангели – ТФТ 54:77
Еуро Никел 2005 – Кожув 96:75
Гостивар – Феникс 2010 78:63
7. МАРТ (ПОНЕДЕЛНИК):
18.30: Куманово 2009 – Пелистер
Фото: КК МЗТ Скопје Аеродром
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Мурињо: Никој нема да ме убеди дека сме испаднати од ЛШ
Вчера, Бенфика загуби со 1:0 во Лисабон од Баер Леверкузен во четвртото коло од Лигата на шампионите. По четири кола, тимот на Жозе Мурињо има ист број порази со гол-разлика од 2:8. Токму гол-разликата ја прави разликата помеѓу претпоследната Бенфика и последниот Ајакс, кој исто така е на нула бодови, но со гол-разлика од 1:14.
Сепак, Мурињо верува дека Бенфика може да се пласира во плејофот за нокаут-фазата.
„Јас сум поголем оптимист од тоа. Никој нема да ме убеди дека сме елиминирани. Математиката е многу јасна – остануваат 12 бода во игра, а ни требаат околу девет. Математиката вели дека е можно, но не само тоа. Овој натпревар ме убеди дека можеме да ги добиеме натпреварите што ни се потребни.
Имаме уште два натпревари до крајот на календарската година, и ако ги добиеме двата, целосно сме во игра за да продолжиме понатаму. Лигата на шампионите е највисокото ниво на европскиот фудбал. Денес, противникот беше тим кој не создаде ниту шанса, ризикуваше ништо… но тоа е многу високо ниво. Со три стопери вредни милиони и со многу квалитет“, рече Мурињо. .
Мурињо пристигна во Бенфика на 18 септември и досега го предводеше клубот во 11 натпревари. Тој забележа 6 победи, два нерешени резултати и три порази.
Во Лигата на шампионите, тој ја предводеше Бенфика во поразите против Челзи (1:0), Њукасл (3:0) и вчерашниот 1:0 против Баер. Во преостанатите четири кола од Лигата на шампионите, Бенфика ќе игра против Ајакс во Амстердам, Наполи во Лисабон, Јувентус во Торино и Реал Мадрид во Лисабон.
Спорт
Еден месец ги чини 40.000 евра – Коринтијанс го моли Депај да го напушти хотелот
Холандскиот напаѓач Мемфис Депај (31), еден од клучните играчи на Коринтијанс, добил барање од раководството на клубот да го напушти луксузниот хотел во Сао Паоло каде што живее. Бразилскиот клуб се соочува со финансиски тешкотии и мора да ги намали трошоците, а сместувањето на Депај е огромен трошок.
Според информациите од бразилскиот „УОЛ“, престојот на холандската ѕвезда во клупскиот хотел чини околу 40 илјади евра месечно. Оваа тема станала предмет на дискусија на состанокот на Управниот одбор, каде што претседателот Осмар Стабиле потврдил дека разговарал со играчот за потребата од наоѓање поекономично решение.
Клубот тврди дека напаѓачот се согласил со предлогот и покажал подготвеност да се пресели, но до ден денес сè уште не го напуштил хотелот. Извори блиски до играчот наведуваат дека Депај се чувствува многу удобно во хотелот и дека му е тешко да се откаже од удобноста на која е навикнат.
Неговиот престој во хотелот не е изненадувачки со оглед на погодностите што му се нудат, како што се собна услуга, услуга за перење алишта, дневно чистење и 24-часовна рецепција. Една од клучните причини за престојот е близината на тренинг центарот, што ги олеснува неговите секојдневни обврски.
Депај е најдобар стрелец во историјата на холандската репрезентација со 54 гола на 106 натпревари. Својата кариера ја помина во ПСВ, Манчестер Јунајтед, Барселона, Лион и Атлетико Мадрид. Тој се пресели во Коринтијанс во септември минатата година и постигна 16 гола и им постави 14 погодоци на 58 натпревари. Неговиот договор важи до крајот на 2026 година.
Спорт
„Синер е опседнат со Алкараз“
Францускиот тенисер Николас Мау ја коментираше борбата меѓу двајцата најдобри играчи во светот.
Јаник Синер го освои Париз минатата недела и се врати на врвот на АТП листата.
„Тој сè уште може да ја подобри својата игра во транзицијата, својот напад, својата игра на мрежата“, изјави Мау за „Еуроспорт“, додавајќи:
„Кога ќе ги прочитате неговите изјави, тој е опседнат со Алкараз“.
На Синер ќе му биде многу тешко да остане на врвот на крајот од годината, по Завршниот Мастерс, бидејќи дури ни титулата во Торино не му го гарантира тоа.
„Не сум сигурен дека ќе остане број еден дури и ако ги добие сите натпревари, бидејќи не гледам како Алкараз нема да победи барем три натпревари (услов за враќање на врвот на АТП листата)“, истакнува Мау.
Последниот турнир во годината е закажан од 9 до 16 ноември.

