Свет
За покажаната храброст претседателот на Чешка ќе му додели највисоки државни почести на Зеленски

Чешкиот претседател Милош Земан изјави дека ќе му додели највисоки државни почести на украинскиот претседател Володимир Зеленски за неговата храброст во соочувањето со руската инвазија, пренесува Хина.
Земан одржува блиски врски со Русија откако ја презеде функцијата во 2013 година, но рускиот претседател Владимир Путин го нарече „лудак“ на почетокот на руската инвазија на Украина на 24 февруари.
На задоцнетата церемонија на доделување на државните награди, која беше прекината од пандемија на коронавирус во изминатите две години, Земан изрази поддршка за Украина и нејзиниот народ бидејќи „бесне војната“, нарекувајќи ја војна предизвикана од руска агресија. Тој рече дека еден пратеник предложил на Зеленски да му бидат доделени највисоките чешки признанија.
„И решив да се усогласам со овој предлог. Тоа е затоа што украинскиот претседател покажа храброст, и иако САД му понудија евакуација, тој остана во главниот град на својата земја, од каде ја води нејзината одбрана“ – рече Земан.
Чешката новинска агенција ЧТК го цитираше портпаролот на Земан дека почестите на Зеленски би можеле да бидат доделени кон крајот на октомври, кога вообичаено се одржува церемонијата на доделување, пренесува Хина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
(Видео) Израелската армија: Убивме новинар на Ал Џезира

Израелската војска вчера објави дека го убила новинарот на Ал Џезира, Анас Ал Шариф (28), во напад врз градот Газа, обвинувајќи го дека раководел со ќелија на Хамас.
„Анас Ал Шариф служел како водач на терористичка ќелија во рамките на терористичката организација Хамас и бил одговорен за ракетни напади врз израелски цивили и војници на ИДФ“, соопшти вчера израелската војска.
Four Al Jazeera staff, including reporter Anas Al Sharif, were killed in an Israeli attack on a tent for journalists outside the main gate of Gaza's al-Shifa hospital https://t.co/MMKatjgeAa pic.twitter.com/OBgVFrn0ax
— Al Jazeera English (@AJEnglish) August 10, 2025
Ал Џезира објави дека новинарите биле убиени во она што се чини дека е насочен израелски напад врз нивниот шатор пред болницата Ал-Шифа. Дописникот на Ал Џезира, Мохамед Крејкех, и снимателите Ибрахим Захер и Мохамед Нуфал, исто така беа убиени во нападот.
Израелската војска уби повеќе од 200 новинари и медиумски работници од почетокот на бомбардирањето, вклучувајќи неколку новинари на Ал Џезира и нивни роднини.
фото: принтскрин
Европа
Голем пожар во Шпанија, евакуирани 1.000 луѓе

Вчера во Мадрид беа евакуирани повеќе од илјада луѓе поради шумски пожари во северозападна Шпанија, кои дополнително беа интензивирани од високите температури и силните ветрови, објавија властите.
Околу 400 луѓе беа раселени во и околу градот Каруседо, а уште 700 од неколку градови во близина на местото Лас Медулас, древен римски рудник за злато познат по своите спектакуларни црвени карпи и место на светското наследство на УНЕСКО.
Според шефот на регионалната влада, Алфонсо Мануека, неколку од овие пожари се предизвикани од криминални активности. „Ќе бидеме немилосрдни против сторителите на овие напади врз животот и безбедноста на луѓето, како и врз нашето историско и природно наследство“, напиша тој на Икс.
Шумски пожари ги погодија и регионите Галиција (северозапад) и Навара (север). Шпанија е на удар на топлотен бран кој влегува во својата втора недела, со температури кои достигнуваат речиси 40°C во многу региони, а се очекува топлотниот бран да трае најмалку до четврток. Цивилната заштита издаде предупредување за шумски пожари низ целата земја, со висок до екстремен ризик.
фото: принтскрин
Свет
Во Албанија активни се 14 пожари, горат големи површини

Албанскиот министер за одбрана Пиро Венгу потврди дека во земјата 14 пожари се уште се активни и зафаќаат големи површини.
Во објава на социјалните мрежи, наведува дека во гаснењето на неколкуте големи пожар на југот на земјата, освен противпожарни единици, армиски, полициски сили и доброволци, вклучени се и хрватски и шведски авион „Канадер“.
Венгу додава дека се очекува пристигнување на два хеликоптери од воздухопловните сили на Обединетите Арапски Емирати, уште еден „Канадер“ од Грција и два хеликоптери од европскиот механизам од Чешка и Словачка.