Европа
(Од минута во минута) Бомбардирано породилиште, Москва ја обвинува Украина дека со помош на САД развивала биолошко оружје, Вашингтон и Киев негираат
Четиринаесетти ден од руската инвазија врз Украина
Клучни настани денес:
Украина соопшти дека Русите ги бомбардирале породилиштето и детската болница во Мариупол
Украина, главен извозник на храна, го забрани извозот на некои житарки, што ги зголеми стравувањата од пораст на цените, па дури и недостиг на храна.
Американскиот претседател Џо Бајден ја потврди целосната забрана на САД за увоз на руска нафта, гас и јаглен, Британија воведува постепена забрана, ЕУ работи на намалување на зависноста од рускиот гас
Голем број компании се повлекуваат од Русија, а последни се Пепси, Кока-Кола, Мекдоналдс и Старбакс
Русија ги повика САД да ја појаснат ситуацијата со, како што тврдат, „воената биолошка програма во Украина“, додека Вашингтон ваквите тврдења ги отфрли како апсурдни дезинформации
Од минута во минута:
21:53 Зеленски: Само со директни разговори со Путин може да се стави крај на оваа војна
„Не станува тука збор од што би можеле да се откажеме. Во секое преговарање мојата цел е да се стави крај на војната со Русија и во таа смисла сум подготвен на одредени чекори. Компромисите се неопходни, но тие не смеат да бидат предавство. И другата страна мора да биде подготвена за компромиси, затоа се нарекуваат компромиси. Тоа е единствениот излез од оваа ситуација. Но, сè уште не можам да зборувам за детали. Не остваривме директен контакт меѓу двајцата претседатели, а сепак само со директни разговори меѓу двајцата претседатели може да се стави крај на оваа војна“, заклучува украинскиот претседател во интервју за германски „Билд“.
21:43 ЕУ воведува санкции за 160 Руси
Европската унија најави нови санкции против 160 руски граѓани во најновиот пакет санкции насочени кон поддржувачите на Владимир Путин.
Санкциите ќе погодат 14 олигарси и бизнисмени, како и 146 членови на горниот дом на рускиот парламент или Сенатот кои го поддржаа признавањето на сепаратистичките региони на југот на Украина.
21:30 Заврши примирјето во Украина
Во 21 часот по локално време заврши 12-часовниот прекин на огнот меѓу Украина и Русија.
Применет е во шест украински региони, вклучувајќи ги областите како Мариупол, Харков и предградијата на Киев, каде што руското гранатирање беше најинтензивно.
20:44 САД поставија два моќни ракетни системи „Патриот“ во Полска
„Патриот“ се ракетни системи кои можат да пресретнат и уништат балистички ракети, авиони и крстаречки ракети. Тие се широко користени на Блискиот Исток.
20:20 (Фотовест) Колички на полската граница за украинските бегалци
Strollers for refugees and their babies fleeing the conflict from neighbouring Ukraine are left at the train station in Przemysl, Poland, Wednesday, March 2, 2022. (AP Photo/Francesco Malavolta)
20:10 Кулеба итно бара авиони по рускиот напад во породилиштето во Мариупол
„Во име на хуманоста, обезбедете ни авиони, сега! Животите се губат додека ова се разгледува одново и одново“, напиша Кулеба на Твитер.
19:47 Орбан: Унгарија не може да се приклучи на забраната за увоз на нафта и гас од Русија
На Унгарија се’ уште и’ се потребни рускиот гас и нафта и земјата нема да се приклучи кон САД, кои воведоа санкции за увозот на тие производи, изјави денеска унгарскиот премиер Виктор Орбан.
Русија ги повика САД да ја појаснат ситуацијата со, како што тврдат, „воената биолошка програма во Украина“, додека Вашингтон ваквите тврдења ги отфрли како апсурдни дезинформации.
Портпаролката на руското министерство за надворешни работи Марија Захарова изјави дека Русија открила докази за оваа воено биолошка програма за време на „специјалната воена операција“ во Украина.
Таа рече дека Русија има документи кои покажуваат дека украинското министерство за здравство наредило уништување на примероците на чума, колера, антракс и други патогени по 24 февруари, откако почна руската инвазија. Захарова тврди дека оваа програма ја финансирал Пентагон.
19.00 СЗО потврди 18 напади врз здравствени установи во Украина
Светската здравствена организација (СЗО) потврди 18 напади врз здравствени установи, здравствени работници и амбулантни возила во Украина, што резултирало со десет смртни случаи и 16 повредени, изјави шефот на СЗО, Тедрос Аданом Гебрејесус.
18:20 Шефот на американската дипломатија: Хуманитарните коридори кон Русија се апсурдни
На брифингот за медиумите во Вашингтон, американскиот министер за надворешни работи Антони Блинкен рече дека Западот е обединет и во санкциите и во зголемувањето на помошта за Украина.
Тој го повика Путин да им дозволи на украинските цивили веднаш да се евакуираат.
„Хуманитарните коридори кон Русија и Белорусија се апсурдни“, рече тој.
18:00 (Интервју) Нано Ружин: Војната во Украина нема да трае повеќе од еден месец
Путин е непредвидлив човек и според светските аналитичари никој не знае што точно сака и каде ќе застане по инвазијата на Русија врз Украина, вели во видеоинтервју за „Макфакс“ поранешниот амбасадор на Македонија во НАТО, Нано Ружин.
Според Ружин и кај двете страни во руско-украинскиот конфликт постои желба за договор.
17:24 ОН: Најмалку 516 цивили загинаа во Украина
Канцеларијата на ОН за човекови права потврди дека најмалку 516 цивили загинале, а 908 се ранети во војната во Украина, која започна пред две недели.
17.00 Зеленски објави видео од бомбардирано породилиште: „Под урнатините има деца“
Украинскиот претседател Володимир Зеленски на Фејсбук објави видео од породилиштето, кое, според Украинците, денеска го бомбардирале Русите.
„Мариупол. Директен удар од руските сили во породилното одделение. Децата се под урнатини. Злосторства! Уште колку светот ќе биде соученик и ќе го игнорира овој терор? Затворете го небото сега! Престанете да убивате! Имате моќ, но се чини дека го губите човечкото во вас“, рече Зеленски.
16:12 Пакистан до Западот: Ние не сме ваши робови кои ќе прават што и да кажете
Пакистан го отфрли барањето на Западот да ја осуди руската акција во Украина, а пакистанскиот премиер Имран Кан им кажа на западните дипломати дека Пакистанците „не се нивни робови“.
„Што мислите за нас? Мислите дека сме ваши робови кои ќе направат што и да им кажете?“, револтирано одговори пакистанскиот премиер. Имран Кан потсетува дека последниот пат кога Пакистан ги поддржа активностите на САД и НАТО во Авганистан, земјата беше преплавена со бран насилство и незадоволство.
16:00 Холандија не е подготвена да се откаже од руските нафта и гас
Холандија сè уште не е подготвена да се откаже од нафтата и гасот од Русија, но ќе работи на транзицијата на земјата кон зелена економија. Ова го изјави холандскиот премиер Марк Руте пред средбата со францускиот претседател Емануел Макрон во Париз.
Турскиот претседател Реџеп Таип Ердоган изјави дека „фашистичките практики“ против Русите фрлаат сенка врз „легитимната борба“ на Украина.
Тој рече дека земјата ги отфрла сите потези кои личат на лов на вештерки против рускиот народ, уметност, научници или уметници.
„ Како што не би ја напуштиле Украина, не прифаќаме практики слични на лов на вештерки против рускиот народ, литература, студенти или уметници“, изјави Ердоган пред Клубот на претставници на владејачката Партија на правдата и развојот во големото турско национално собрание.
15:30 МНР: Учеството во која било туѓа војска е кривично дело
Министерството за надворешни работи предупредува дека учеството во која било туѓа војска е кривично дело.
„Како земја пријател на Украина имаме разбирање за сложената состојба во која се наоѓа Украина и која ги става во посебна состојба украинските власти да повикуваат за секаков вид помош, во сите пријателски земји, вклучувајќи и придружба и/или доброволци кои би се приклучиле на украинската армија во одбраната од воената закана која доаѓа од руските воени сили.
15:20 Велика Британија им забрани на своите војници да се борат во Украина
Предупредувањето уследи по извештајот на „Сан“, во кој се наведува дека 19-годишен гардист, со седиште во Виндзор, напишал проштално писмо до своите родители и купил билет за Полска во текот на викендот, со намера да премине во Украина.
14:50 Зеленски потпиша нов закон: За предавство доживотна казна затвор
Изгласан е амандман на законот за враќање на огненото оружје и муницијата на цивилите за да се заштити земјата за време на војната и предвидува дека цивилите не се одговорни за употребата на огнено оружје против лица кои вршат вооружена агресија врз Украина.
Покрај тоа, граѓаните на Украина имаат можност да учествуваат во одбивањето и одвраќањето на вооружена агресија од страна на Руската Федерација и/или други земји, користејќи сопствено наградно оружје, спортско оружје (пиштоли, револвери, пушки), ловечки пушки, или комбинирани залихи оружје.
13:45 Велика Британија заплени авион на руски олигарх
Велика Британија заплени приватен авион за кој се сомнева дека му припаѓа на рускиот олигарх Јуџин Швидлер.
UK impounds private jet linked to oligarch Eugene Shvidler as part of sweeping sanctions on Russia https://t.co/ImSVoZ7J1q
— MSN (@MSN) March 9, 2022
Британскиот министер за транспорт Грант Шапс изјави дека авионот, кој бил регистриран во Луксембург, бил киднапиран на аеродромот Фарнборо на југот на Англија и дека британските власти се обидуваат да утврдат кој е сопственик, пренесува АП.
13:00 Ризик од радијација – нуклеарната централа „Чернобил“ остана без струја
Радиоактивните супстанци би можеле да бидат ослободени од украинската нуклеарна централа во Чернобил, бидејќи таа не може да го лади потрошеното нуклеарно гориво откако ѝ беше прекината врската со електричната енергија.
12:05 Улиците во Мариупол полни со трупови – жителите имаат храна уште три дена
Украинскиот пратеник Дмитриј Гурин изјави за Би-би-си дека властите во Мариупол, град во југоисточна Украина под опсада на руските сили, веруваат дека имаат залихи со храна уште само три дена.
Гурин, чии родители живеат во Мариупол, рече дека од канцеларијата на градоначалникот му било кажано дека улиците се полни со трупови и дека властите биле „принудени да ископаат масовна гробница за 33 лица, бидејќи гробиштата биле недостапни поради гранатирање“.
11.55 Марија Захарова: Состојбата на Зеленски е несоодветна
Портпаролката на руското Министерство за надворешни работи Марија Захаров денеска изјави дека е неопходно да се анализираат изјавите на украинскиот претседател Володимир Зеленски, вклучително и оние за влез во НАТО, оценувајќи дека неговата позиција е „несоодветна“
11.35 „Њујорк тајмс“ ги повлекува сите дописници од Русија
„Њујорк тајмс“ ги повлече сите свои дописници од Русија, што е првпат по повеќе од еден век весникот да нема новинари на терен
11.25 Го прекинуваат бизнисот: Русите нема да имаат ниту кока-кола
„Кока-Кола“ соопшти дека ја прекинува својата работа во Русија
11.15 „Пепси“ донесе одлука: Ја прекинуваме продажбата на нашите пијалаци во Русија
„Пепси“ ја суспендира продажбата на своите безалкохолни пијалаци и светски брендови на пијалаци во Русија по инвазијата на Украина, пишува Блумберг
11.00 KFC и Pizza Hut ја прекинаа работата во Русија
Во Русија се затвораат големите синџири за храна KFC и Pizza Hut.
10.50 Европската Унија воведува нови санкции кон Русија
Земјите членки на Европската Унија се договорија за нови санкции против руските лидери и олигарси поради инвазијата на Украина, објави утринава „Ројтерс“.
10.30 Нова рунда преговори меѓу Русија и Украина по средбата Лавров и Кулеба?
Додека светот чека нова рунда мировни преговори меѓу Украина и Русија, извор близок до организацијата на преговорите во Белорусија за руските медиуми изјави дека постојат индиции дека тоа ќе се случи по средбата на министрите за надворешни работи на Русија и Украина.
10.15 Зеленски разговараше со Трудо: Канада стои зад Украина
Украинскиот претседател Володимир Зеленски денеска изјави дека разговарал со канадскиот премиер Џастин Трудо
10.00 Германски министер ја нападна Ангела Меркел поради Русија
Министерот за земјоделство на Германија, Хем Ездемир, вината за зависноста од руската енергија ја гледа во надворешната политика што ја води поранешната канцеларка Ангела Меркел
09.55 Русија најави жесток одговор на западните санкции
Русија предупреди дека работи на голем и жесток одговор на западните санкции, за кои тврди дека ќе бидат брзи и ќе се почувствуваат во „најчувствителните области“, пишува „Ројтерс“
09.45 (Видео) Уништени руски возила во Суми
Украинските копнени сили објавија снимка од беспилотно летало на кое се гледаат уништени делови од градот
09.35 Успешна евакуација на цивили: Околу 5.000 луѓе го напуштија Суми
Околу 5.000 луѓе и 1.000 автомобили се евакуирани од Суми, град во североисточна Украина, изјави заменик-шефот на кабинетот на украинскиот претседател Кирил Тимошенко
09.25 Русија загуби 12.000 војници, 49 авиони, 81 хеликоптер
Независниот весник Киев објави индикативни проценки за загубите на Русија од 9 март, според Вооружените сили на Украина
9:15 Русија има нов доказ дека Украина планирала напад на Донбас
Руското Министерство за одбрана тврди дека дошло до тајни документи кои „докажуваат“ дека Киев планирал напад врз сепаратистите поддржани од Русија во источна Украина
09.10 Директорот на ЦИА: Путин е лут, не го зеде Киев за два дена како што беше планирано
Вилијам Брнс, директор на Централната разузнавачка агенција, повтори дека верува оти Русија најверојатно нема да се откаже, а рускиот лидер Владимир Путин е лут и фрустриран затоа што не го презел Киев за два дена, како што планирал
09.05 Украинскиот актер Паша Ли загина во руското бомбардирање
Талентираниот украински актер и ТВ-водител Паша Ли е убиен додека руските сили го бомбардираа градот Ирпин во близина на главниот град Киев
Мојата земја беше мирна, а метрополите, градовите и селата беа исполнети со радости на секојдневието. На 24 февруари се будиме со најава за почетокот на војната. Тенкови ја минаа украинската граница, авиони го напаѓаат нашиот воздушен простор. Градовите беа опкружени со ракетни фрлачи
08.55 Медински: Се надевам дека на крајот ќе најдеме решение со Украина
Главниот член на руската преговарачка делегација Владимир Медински изјави дека очекува преговорите меѓу Русија и Украина да вродат со плод и од политички и од аспект на воспоставување хуманитарни коридори
08.45 Прв состанок на министрите за надворешни работи на Русија и Украина од почетокот на инвазијата
Рускиот министер за надворешни работи Сергеј Лавров и неговиот украински колега Дмитриј Кулеба ќе се сретнат во Турција, потврди руското Министерство за надворешни работи, јавува Би-би-си
08.35 Зеленски: Благодарен сум му на претседателот Бајден, тоа беше најсилниот сигнал за целиот свет
Благодарен сум му на претседателот Бајден. Ова е најсилниот сигнал за цел свет. Едноставно е, секој денар платен на Русија се претвора во куршум или проектил испукан кон суверена држава – рече Зеленски
08.30 Русија најави нов прекин на огнот, нов обид за воспоставување безбедни излези за цивилите
Руската новинска агенција ТАСС, повикувајќи се на висок руски функционер, објави дека Русите ќе прогласат нов прекин на огнот за олеснување на хуманитарните коридори
Главниот украински преговарач Михаил Подољак во интервју за британски „Телеграф“ предупреди дека нема да има напредок во мировните преговори со Русија додека не престанат да пукаат во цивили кои се обидуваат да избегаат низ хуманитарните коридори од опколените градови
08.20 Објавени нови сателитски снимки – рускиот конвој во близина на аеродромот Антонов
Американската компанија „Maxar Technology“ објави нови сателитски снимки на кои е прикажан руски конвој во близина на аеродромот Антонов
Градовите Харков, Чернихив, Суми и Мариупол сè уште се опколени од руските сили и сè уште се изложени на силно руско гранатирање
08.00 Зеленски: За луѓето кои толку херојски се бранат, сигурно ќе дојде „по војната“
Претседателот на Украина Володимир Зеленски објави нова видеопорака на својот официјален фејсбук-профил
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Италија одржува референдум за државјанство и работнички права, Мелони повика на бојкот
Италијанците денеска и утре гласаат на референдум за ублажување на правилата за државјанство и зајакнување на законите за труд, а владата на Џорџија Мелони се спротивставува на обете промени и ги повикува луѓето да се воздржат.
Референдумот има за цел да ги олесни правилата за државјанство, при што возрасните жители кои не се членки на ЕУ ќе можат да аплицираат за државјанство по пет години живеење во Италија, доколку биде одобрено.
Возрасен жител кој не е член на ЕУ и нема брак или крвни врски со Италија мора да живее во земјата 10 години пред да може да аплицира за државјанство – процес кој потоа може да трае со години.
Предлогот за референдум, поттикнат од кампања на локално ниво предводена од невладини организации, би го скратил ова на пет години, ставајќи ја Италија на исто ниво со Германија и Франција.
Активистите велат дека околу 2,5 милиони луѓе би можеле да имаат корист од реформата, која ја поддржува централнолевичарската Демократска партија.
Мелони, чија крајно десничарска партија „Браќа на Италија“ даде приоритет на намалувањето на нелегалната имиграција, дури и додека го зголемува бројот на легални работни визи за мигрантите, е силно против тоа.
Таа во четвртокот изјави дека сегашниот систем „е одличен закон, меѓу најотворените, во смисла дека со години сме меѓу европските нации што доделуваат најголем број државјанства секоја година“.
Повеќе од 213.500 луѓе добиле италијанско државјанство во 2023 година, што е двојно повеќе од бројот во 2020 година и една петтина од вкупниот број во Европската Унија, според статистиката на ЕУ.
Мелони и нејзините коалициски партнери ги охрабрија гласачите да го бојкотираат референдумот, кој ќе биде валиден само ако учествуваат 50 проценти од гласачите со право на глас плус еден.
Дури и ако помине, реформата нема да влијае на законот за миграција што многумина го сметаат за најнеправеден, односно дека децата родени во Италија од странски родители не можат да побараат државјанство додека не наполнат 18 години.
Интереси на работниците
Гласачкото ливче вклучува и четири други прашања за зголемена заштита на работниците кои се отпуштени, во несигурни ситуации или вклучени во несреќи на работното место.
Предлозите се иницирани од левичарскиот синдикат CGIL.
„Сакаме да ја смениме културата што ги стави интересите на бизнисот пред оние на работниците“, рече лидерот на CGIL, Маурицио Ландини.
И покрај тоа што самата Демократска партија учествувала во донесувањето на дел од спорните закони, таа сега ги поддржува реформите, надевајќи се дека ќе придобие дел од работничката класа, особено во услови кога поддршката за партијата изнесува околу 23%, според анкетата на SWG, зад „Браќата на Италија“ со 30%.
Европа
Захарова: Убедени сме дека Србите се свесни за ризиците поврзани со продажбата на оружје на Украина
Москва ги зеде предвид коментарите на српскиот претседател Александар Вучиќ за ревизијата на одредбите за српското воено производство по објавувањето на податоците од страна на Руската служба за надворешно разузнавање (СВР), потврди портпаролката на руското Министерство за надворешни работи, Марија Захарова.
Прес-уредот на Руската служба за надворешно разузнавање минатата недела објави дека српските воени компании ги снабдуваат Вооружените сили на Украина со муниција и покрај декларираната неутралност на Белград.
„И покрај ‘неутралноста’ декларирана од српските власти, српските воени компании продолжуваат да ја снабдуваат Украина со муниција. Покривањето на ова е шема што користи лажни сертификати на крајни корисници и земји посредници. Кога сме кај вторите, најчесто се споменуваат земјите од НАТО, имено Чешка, Полска и Бугарија“, нагласија тогаш руските разузнавачи.
Коментирајќи ги обвинувањата од Русија, српскиот претседател Александар Вучиќ изјави дека приватно разговарал за ова прашање со рускиот претседател Владимир Путин. Тој додаде дека е формирана комисија за да се испита веродостојноста на обвинувањата.
„Ги забележавме јавно изјавените уверувања на српските државни раководители дека ќе биде поведена ревизија на воено-техничката соработка на Белград со странски партнери, со цел да се идентификуваат измами со сертификати за крајни корисници. Претпоставуваме дека најавените мерки ќе овозможат навремено евидентирање и прекинување сомнителни извозни трансакции и ќе спречат испраќање воени производи на погрешна адреса“, рече Захарова.
Според Захарова, Русија е убедена дека „Србија е добро запознаена со сите ризици поврзани со паѓањето на производите од националниот воено-индустриски комплекс во рацете на режимот во Киев и ќе преземе ефикасни и доволни мерки за да се осигури дека ништо нема да фрли сенка врз добрите односи меѓу Москва и Белград“.
Европа
Зеленски: Русите го реструктуираа целото општество за да може да убиваат неказнето
Украинскиот претседател Володимир Зеленски синоќа реагираше на социјалните мрежи на ветувањето на рускиот лидер Владимир Путин дека ќе одговори на неодамнешниот напад на Киев врз руските воени аеродроми.
„Путин многу цврсто рече дека ќе мора да одговори на неодамнешниот напад врз аеродромите“, напиша американскиот претседател Доналд Трамп во објава на социјалните мрежи по телефонскиот разговор со Путин вчера.
Трамп делумно се осврна на нападот со беспилотни летала наречен „Операција Пајажина“ врз руските воени аеродроми во неделата, за кој се проценува дека уништил авиони и опрема во вредност помеѓу 4 и 6 милијарди евра. Белата куќа наводно не била информирана однапред за нападот од Украина.
„Многумина разговарале со Русија на различни нивоа. Сепак, ниту еден од овие разговори не донел сигурен мир ниту ја запрел војната“, одговори Зеленски во својата објава.
„За жал, Путин се чувствува неказнето. Дури и по сите ужасни руски напади, тој наводно подготвува повеќе таканаречени „одговори““, се вели во постот.
„Ова значи дека со секој нов напад, со секое одложување на дипломатијата, Русија покажува среден прст кон целиот свет – кон сите оние кои сè уште се двоумат да го зголемат притисокот врз неа“, забележа украинскиот претседател. „Сепак, Русија треба да бара мир. Токму во Москва мора да почнат да чувствуваат дека војната има цена, висока цена, а агресорот треба да ја плати највисоката цена“.
Зеленски изјави дека од почетокот на 2025 година, руската војска извршила напади врз Украина користејќи речиси 27.700 воздушни бомби, речиси 11.200 Шахед (дронови), речиси 9.000 други ударни дронови и повеќе од 700 ракети, вклучувајќи балистички ракети.
„Ова е темпото на руските напади, а тие намерно го поставија уште од првите денови од целосната војна. Русија ја реструктуираше целата своја држава, општество и економија за да може масовно и неказнето да убива луѓе во други земји“, напиша Зеленски.
Украинскиот претседател нагласи дека ако светот реагира слабо на заканите на Путин, тој го толкува ова како подготвеност да се затворат очите пред неговите постапки. Кога не чувствува сила и притисок, туку чувствува слабост, тој секогаш извршува нови злосторства. Тој го гледа таквиот став како премолчена дозвола: дозвола за нови злосторства, нови напади, нови убиства.
„Затоа ние во Украина сме благодарни на сите во светот кои се обидуваат да ја спречат оваа војна и руските напади. На сите кои му кажуваат на убиецот дека ќе биде повикан на одговорност. На сите кои велат дека руските ракети и бомби мора да престанат да одземаат невини животи“, нагласи Володимир Зеленски.
„И денес, на Денот на сеќавање на украинските деца убиени од руската агресија, ги потсетуваме моќните од овој свет на фактите. Ако моќните не го спречат Путин, тоа значи дека ја делат одговорноста со него. И ако сакаат да го спречат, но не можат, тогаш Путин повеќе нема да ги смета за моќни“, заклучи Зеленски.
(Фото+видео) Мицкоски: Извесно е дека градоначалниците на ВМРО-ДПМНЕ ќе победат, има шанси СДСМ да остане без ниту една општина
Следните избори, и локалните, но и следните парламентарни, две основни работи ќе бидат важни – првата ќе биде борбата против...
Предлогот Азир Алиу да биде министер за здравство утре пред пратениците, Владата од него очекува макотрпна работа и посветеност
Собранието утре треба да го разгледа владиниот предлог Азир Алиу да биде министер за здравство. Во биографијата пишува дека Алиу...
(Видео) Митева: Одморалиштето Пониква се става на располагање за рехабилитација на повредените од Кочани
Владата во текот на следната недела ќе донесе одлука со која одморалиштето Пониква, кое е во сопственост на Министерството за...
(Видео) Петрушевски: 9 милиони евра завршиле во фирма на Заев од Бугарија блиска до Филипче за ископ на јаглен во време на СДС
Огромни суми на пари, кои се бројат во десетици милиони евра, од продажбата на јаглен на ЕСМ завршувале на сметки...
(Видео) Кузеска: Масовна и груба партизација, објавуваме список за 50 партиски вработувања во РЕК Осломеј
Владата на ВМРО-ДПМНЕ спроведува масовна, бртутална партизација на институциите преку нова серија вработувања со партиски списоци, рече денеска на прес-конференција,...
(Видео) Аврамовски: Наместо пари за питијади и ајваријади, општините да инвестираат во повеќе јавни паркинзи, зеленило и подобри услови во градинките и училиштата
Либерално-демократската партија (ЛДП) упатува јавен повик до општините ширум државата: да престанат со расфрлање на јавните средства за еднодневни настани...
(Видео) Силен украински напад врз Москва: гори фабрика, затворени се аеродроми
Украинскиот напад со беспилотни летала врз Москва доведе до затворање на два клучни аеродроми што го опслужуваат главниот град, соопштија...
(Фото) Трамп испраќа 2.000 војници од Националната гарда во Лос Анџелес поради демонстрантите
Администрацијата на американскиот претседател Доналд Трамп соопшти дека ќе испрати 2.000 војници од Националната гарда во Лос Анџелес по вториот...
Колумбискиот претседателски кандидат Мигел Урибе застрелан на изборен настан
Колумбискиот претседателски кандидат Мигел Урибе се бори за својот живот во болница откако беше застрелан во Богота. 39-годишниот сенатор, кој...
Времето денеска ќе биде сончево и многу топло, од утре засилен северен ветер, пороен дожд и грмежи
Времето денеска ќе биде сончево и многу топло со мала до умерена локална облачност. Ќе дува слаб до умерен ветер...
(Видео) Митева: Нов канал за директна комуникација со повредените во трагедијата во Кочани – 070 355 526
Од понеделник (9 јуни), Владата воспоставува директна телефонска линија – 070 355 526 за повредените во трагедијата во Кочани и...
ИЈЗ издаде препораки за заштита од високите температури
Институт за јавно здравје повикува на почитување на мерките на заштита и претпазливост за време на високи амбиентни температури. „Кога...
(Видео) „Харков моментално го доживува најсилниот напад од почетокот на војната“ – најмалку тројца загинати, 22 повредени
Русија го нападна источниот украински град Харков со беспилотни летала, ракети и бомби, при што загинаа најмалку три лица, а...
ВМРО-ДПМНЕ: Kланот Заеви и Филипче преку шема на фирми препродавале јаглен на ЕСМ трипати поскапо и профитирале
Во време на ковид пандемија и енергетска криза Заев и Филипче се богателе врз грбот на граѓаните кои плаќаа драстично...
ЕУ се согласи да го зголеми времето на доцнење на летовите пред патниците да добијат надомест
ЕУ земјите се согласија да го зголемат времето на доцнење на авионските летови што е потребно за патниците да имаат...
Невреме во Скопје: паднати дрвја, поплавени улици, заглавени возила кај „Мавровка“
Поплавени улици, паднати дрвја и пречки во сообраќајот во Скопје по денешното силно невреме проследено со пороен дожд, град и...
(Видео) Снимки од рускиот напад врз Киев: Уништени згради и други објекти, илјадници цивили поминале часови во засолништа
Русија рано утрово започна масовен напад со беспилотни летала и ракети врз Киев и други делови од Украина. Се чини дека...
Уапсен малолетникот кој избоде маж пред џамија во Студеничани
МВР го расчисти вчерашниот обид за убиство што се случи пред џамија во скопско Студеничани и го уапси осомничениот 16-годишник....
Огромен објект никнува во Охридската чаршија, секој прави што сака, алармира Охрид СОС
Чаршијата во Охрид го губи својот лик. Иако е дел од Старото градско јадро, за кое важи посебен закон, односно...
СДСМ нема да му се извини на Љутков: „Сѐ што објавивме е вистина“
Од СДСМ велат дека нема да му се извинат на министерот за култура, Зоран Љутков, затоа што, како што велат...
