Македонија
Османи на бројни билатерални средби на маргините на Анталија дипломатскиот форум
На маргините на Анталија дипломатскиот форум, министерот за надворешни работи Бујар Османи, оствари средба со сојузниот министер за европски и меѓународни работи на Република Австрија, Александер Шаленберг. На средбата се разговараше за предизвиците во рамки на процесот на проширување на ЕУ и следните чекори во клучниот период што следи, како несомнено важен услов за задржување на европскиот кредибилитет во регионот. Интересот на Австрија, како непосреден сосед на земјите на Западен Балкан е од исклучително значење и останува одлучен поддржувач за отпочнување на преговорите, без натамошно одлагање.
Во Агендата на Османи беа средбите и со министрите за надворешни работи на Луксембург, Жан Аселборн и средбата со министерот за надворешни работи на Финска, Пека Хависто. Покрај билатералната соработка и поддршката на двете земји за европското портфолио на Северна Македонија, беше констатирано дека состојбите на релација Русија-Украина несомнено претставуваат закана за европската и целокупната меѓународна безбедност и дека е потребно итно повлекување на руските воени сили и интензивирање на преговорите за постигнување мирно решение.
Со генералниот секретар на ОБСЕ, Хелга Шмит, се разговараше за соработката во рамки на ОБСЕ, за мерките и активностите што организацијата ги презема во поглед на состојбата во Украина, за придонесот на Тројката во овие констелации, а Османи ја искористи можноста да ѝ се заблагодари на Шмит за целата логистика што ОБСЕ ја пружа во целиот овој период за евакуација на нашите граѓани од завојуваните области.
На маргините на форумот, Османи оствари средба и со Дритан Абазовиќ, мандатар за состав на Владата на Црна Гора. Беа разменети мислења за регионалната соработка, за заемната поддршка во рамките на НАТО и пристапниот процес за членство во ЕУ, санкциите кон Русија, на кои двете земји се приклучија со што во целост или 100% се прилагодени на Заедничката надворешна и безбедносна политика на Европската Унија.
Во текот на денот, Османи имаше одвоени средби и со специјалниот претставник на ЕУ за Западен Балкан, Мирослав Лајчак и со високиот претставник за БиХ, Кристијан Шмит, а планирана е средба и со еврокомесарот за проширување, Оливер Вархеи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Апасиев: Доста ни е од веќе видени пратеници и од гласање за помалото зло
„Во програмата имаме 13 поглавја кои го опфаќаат секој аспект од општественото живеење. Главната порака до граѓаните е да го заокружат бројот 5 на гласачкото ливче и да дозволат млади неподмитливи луѓе да ги застапуваат, бидејќи доста ни е од веќе видени пратеници и од веќе видено гласање за помалото зло. На тој начин ќе спречиме многу штетни политики“, рече лидерот на Левица, Димитар Апасиев од Прилеп, презентирајќи ја предизборната програма на неговата партија во пресрет на парламентарните избори.
-По првиот круг не паѓаме со духот, туку продолжуваме со првичната замисла, додаде Апасиев.
Партијата Левица очекува поддршка од прилепчани каде, како што велат од оваа партија, имаат реална основа за тоа.
– Земјоделството мора да биде планско. Планираме да се пополнуваат стоковите државни резерви строго со домашно производство, со однапред склучени договори за земјоделците да имаат некаква сигурност во производството. Планираме фиксни откупни цени, државни откупни центри за да не можат прекупците да ја местат цената како што ним им одговара, ладилници за складирање на произведената храна од кои ќе се снабдуваат Армијата, градинките, училиштата, болниците. Мерките, генерално ни се насочени кон државна интервенција во земјоделството, а не да биде оставено стихијно. Во стопанството планираме рестартирање или отворање државни профитабилни фирми во секоја стратешка стопанска гранка, рече носителот на кандидатската листа на пратеници во четвртата изборна единица, Сашко Јанчев при претставувањето во Прилеп.
Македонија
Спасовски од Шуто Оризари: Да не се попречува изборниот процес
Носителот на листа на кандидати за пратеници од СДСМ и коалицијата за европска иднина од ИЕ2, Оливер Спасовски, имаше свое обраќање во Шуто Оризари.
„Денеска продолжуваме со изборната кампања во Шуто Оризари на разговор со граѓаните за претседателските и парламентарните избори на 8 мај. Сакам да се сретнеме со сите граѓани, да влеземе во секоја куќа во општината Шуто Оризари, да поразговараме со секого за нашата перспектива на Македонија”, рече Спасовски. Притоа, тој ја истакна важноста да се гласа на 8 мај.
„Многу е важно граѓаните да останат смирени и овој втор круг од изборите да помине во демократска атмосфера. Упатувам порака до сите оние се дрзнуваат на било кој најчин да го попречуваат изборниот процес, да се закануваат, да навредуваат, да останат на ниво на демократски вредности. Да ги почитуваат граѓаните и на мирен, фер и демократски начин да заврши изборниот процес. Воедно ги повикувам сите граѓани масовно да излезат на изборите на 8 мај, да гласаат за нашиот претседател Стево Пендаровски заокружувајки го бројот 1, и да гласаат за листата на пратеници исто така под број 1 за коалицијата за европска иднина”, порача Спасовски.
Македонија
Меџити: Сите бегаат од ДУИ како од корона
Изет Меџити, лидерот на Демократското движење, чија партија е дел од коалицијата ВЛЕН рече дека „на ВМРО-ДПМНЕ ѝ треба албански партнер како ВЛЕН, за да биде целосна сликата“.
-Од ДУИ денес сите бегаат како од корона. Дури и ВМРО-ДПМНЕ и Максим Димитриевски бегаат од ДУИ и не сакаат влада со нив, рече Меџити на средби со граѓани во општина Чаир и во Сарај.
Ветува решавање на клучните проблеми на граѓаните во нивните општини.
За Меџити, само на тој начин ќе се претендира за европски вредности и европски фронтови. Немањето канализација и елементарни услови за живот е недозволиво, истакнува тој.