Спорт
Адеми, Седлоски и Несторовски, меѓу најдобрите странци во историјата на ХНЛ

Капитенот на Динамо Загреб, Аријан Адеми, некогашниот фудбалер на Хајдук Сплит и на Динамо Загреб, Гоце Седлоски, кој сега е тренер на Шкупи, и Илија Несторовски кој го носеше дресот на Интер Запрешиќ, а сега член на Удинезе, се вброени меѓу најдобрите странци во историјата на првенството на Хрватска (ХНЛ).
Од првите натпревари во 1992 година, па до денеска, низ првенството на Хрватска поминале играчи од дури 84 странски земји, меѓу нив и Македонија со дури 55 фудбалери.
Аријан Адеми е претставен како странец, со оглед дека е македонски репрезентативец иако е роден во Шибеник. Тој во 2010 година прејде од Шибеник во Динамо и оттогаш освои 10 шампионски титули, шест Купа и три Суперкупа, иако беше суспендиран на две години поради допинг, кој подоцна се докажа дека го земал ненамерно. Една сезона мина на позајмица во Локомотива, а во ХНЛ досега забележа околу 250 настапи и постигна 17 голови.
Изреката „Дојдов, видов, победив“ во случајот на Илија Несторовски во Хрватска е преобразена во „Дојдов, ја одиграв сезоната, станав најдобар стрелец и се продадов во Италија“. Тој помина три сезони во Интер Запрешиќ, но првите две во втората лига, и остави неверојатен впечаток, па една сезон во ХНЛ му беше доволна за да обезбеди трансфер во италијанскиот Палермо.
Тој стана првиот играч со 25 гола во сезоната на ХНЛ по Едуардо да Силва, кој постави рекорд од 34 гола, девет години претходно.
Македонскиот стопер Гоце Седлоски пристигна во Хајдук Сплит летото 1996 година и одигра одлична сезона пред трансферот во англискиот клуб Шефилд Венсдеј, но го шокираше сплитскиот тим со враќањето во Хрватска само половина година подоцна, кога го засили најголемиот хрватски ривал.
Во Динамо, освен една полусезона во Јапонија, помина седум години и освои три шампионски титули, три Купа и два Суперкупа. Во ХНЛ одигра вкупно 182 натпревари и постигна 24 гола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Кошаркарите на Уникаха ја освоија Лигата на шампионите со победа на Галатасарај

Кошаркарите на Уникаха во финалето на ФИБА Лигата на шампиони ја победија турската Галатасарај со резултат 83:67 и стана шампион на ова натпреварување. Со оваа победа тие го одбранија трофејот ФИБА ЛШ кој го освоија минатата година победувајќи го Тенерифе во големото финале во белградската Арена. Сега Уникаха “му прочита лекција” на истанбулскиот Галатасарај во “Синан Ердем Домот” во нивниот град.
Тајсон Картер имаше 14 поени со 3 скока и 5 асистенции, Кендрик Пери додаде 13 со 4 скока и 3 асистенции, а 13 и 11 скокови имаше Тајсон Перес, додека Тајлер Калиноски имаше 11 поени и исто така беше двоцифрен.
На другата страна, имаше 14 поени на Тајрон Валас, а толку имаше и Вил Каминџ, додека 12 запиша Робертс Блумберг, а Џејмс Палмер 11 со по 4 скока и асистенции.
Спорт
Македонската ракометна репрезентација оди на Европско, вечерва ја победи Литванија

Ракометната репрезентација на Македонија вечерва ја победи Литванија во Спортскиот центар „Јане Сандански“ и обезбеди пласман на 17. Европско првенство кое ќе се одржи следната година во Скандинавија.
Македонија ја победи Литванија со 26:17. Литванците поведоа на почетокот на натпреварот со 0:4, но во вториот дел Македонија доминираше и победи со девет гола разлика.
Европското првенство ќе се одржи во јануари следната година во Норвешка, Данска и Шведска. Жрепката за групната на Европското првеснтво ќе биде в четврток.
Спорт
Барса го нокаутира Реал, публиката виде спектакуларни седум гола на натпреварот

Фудбалерите на Барселона го победија Реал Мадрид четврти пат во тековната сезона. На натпреварот паднаа спектакуларни седум гола, а резултатот е 4:3.
Со оваа победа Ханси Флик се доближи со нова шампинска титула односно “триплет” по веќе освоените Суперкуп на Шпанија и Куп на кралот.
Во секој од натпреварите Барселона го победи Реал, а вкупно оваа сезона ги доби сите четири пресметки против “кралскиот клуб”.
Публиката го оцени тукушто завршениот натпревар како еден од најдобрите меѓу ривалите.
Почетокот најавуваше целосно спротивен исход, откако Реал по 14 минути водеше со високи 2:0, со два гола на Килијан Мбапе.
Во 3. минута беше досуден пенал над Французинот, кој сам го реализираше за водство на гостите. Веќе во 14. минута нов шок за Барса и целосна тишина на стадионот, кога Мбапе избега зад грбот на високо поставената одбрана на ривалот и лесно го совлада Шчењи.
Веќе во 19. минута Ерик Гарсија после корнерот од левата страна го намали водството на 1:2. Се чекаше изеднадување до 32. минута кога Ламин Јамал за три минути донесе пресврт со два маестрални гола. Посебно извонредна беше мајсторијата на Јамал, во негов стил, но и онаа на Рафња кој од својата позиција после пресингот доведе до 3:2.
Истиот играч во 45. минута изврши притисок на Лукас Васкес, му ја зњсњ топката, одигра дупли пас со Феран Торе, и ефектно ја смести топката во мрежата за 4:2. Нокаутот на Реал, не го спаси ни Мбапе кој во второто полувреме, во 70. минута ја намали разликата на 4:3.
Имаше поништени голови на двете страни, но и промашени зицери, пред сè на Реал во 89. и 90. минута.