Спорт
Во новите лимити за плата во Ла лига, Барселона е негативна!
Надежите на Барселона дека во летниот преоден рок ќе можат да го донесат Ерлинг Халанд добија силен „удар“ откако шпанската Ла лига ги објави лимитите за плата во шампионатот, и само Барселона има негативен скор.
По зимскиот преоден рок, Ла лига го објави најновиот лимит на ограничувања на платите во сите клубови во првата и втората шпанска лига, каде што само Барселона имаат негативен скор. Лимитот за трошење на Барса во текот на летото падна на 97 милиони евра, но сега сумата е -144 милиони евра по пристигнувањето на Дани Алвеш, Феран Торес, Пјер-Емерик Обамејанг и Адама Траоре на „Ноу Камп“.
„Намалувањето од 242 милиони евра значи дека било предвидено дека Барселона ќе има помали загуби од реалноста. Негативниот лимит не значи ништо околу пристигнатите засилувања, но значи дека ќе има поголеми ограничувања во следните сезони, доколку нема зголемување на профитот на клубот“, објаснува корпоративниот директор на Ла лига, Хавиер Гомез.
Дури и во случај на оваа негатива, Барселона може да носи нови засилувања, но само ако се внесат нови пари во клубот. Тие можат да искористат 25 отсто од продажбата на нов фудбалер за ново засилување, процент кој при одредени услови може да скокне на 50 отсто.
Преостанатите 19 клубови од Ла лига имаат позитивни лимити, со Реал Мадрид со најголем лимит од фантастични 739 милиони евра, по што следуваат Севилја (199 милиони евра) и Атлетико Мадрид (161 милиони евра).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Рома на Азурниот Брег најде спортски директор
Французинот Флорен Гизолфи ќе стане нов спортски директор на фудбалскиот клуб Рома.
Оваа вест ја потврди и претседателот на Ница каде до крајот на сезоната ќе работи на истата позиција.
„Флорен Гизолфи нè напушта, се сели во Рома и ние сме среќни поради него. Поминавме неколку добри месеци заедно, тој е добар човек и тоа многу го цениме. Му посакуваме се најдобро. Тој побара да си замине и ние прифативме“, изјави Жан-Пјер Ривер.
Гизолфи ќе го раскине договорот со Ница и на тој начин ќе и олесни на Рома која нема да мора да го откупи неговиот договор од Ница.
Местото спортски директор на Рома е испразнето откако Тиаго Пинто поднесе оставка на крајот од јануарскиот преоден рок.
Спорт
Алегри прифатил понуда од Саудиска Арабија
Масимилијано Алгери доби отказ во Јувентус по 48 часа откако го освои Купот на Италија. Алегри имаше свое шоу крај аут-линијата во финалето против Аталанта и токму неговото недолчно однесување ги натера клупските челници да му врачат отказ.
Јувентус разаочара сезонава и покрај тоа што избори место во Лигата на шампионите и го освои Купот.
Алегри во петокот доби отказ, а дел од италијанските медуми во понеделникот објавија дека тој веќе добил понуда за работа.
Понудата била испратена од Саудиска Арабија, не се наведува за кој клуб станува збор, но како што пишуваат медиумите Алегри решил да ја прифати само поради изворедните финансиски услови што му биле понудени.
Спорт
Златко Далиќ го објави списокот на Хрватска за ЕУРО 2024
Селекторот на Хрватска, Златко Далиќ го објави спискот со играчи кои ќе настапа на Европсото првенство во Германија.
Хрватска на континеталниот шампионат е во групата Б со селекциите на Шпанија, Италија и Албанија.
Првиот меч на ЕП, Хрватска ќе го одигра на 15 јуни од 18 часот против Шпанија, а натпреварот ќе се игра во Берлин на Олимпискиот стадион.
Во второто коло, на 19 јуни, Хрватска ќе игра против Албанија во Хамбург на „Фолкспарксштадион“.
Избраниците на Златко Далиќ групната фаза ќе ја завршат на 24 јуни на дуелот против Италија. Тој натпревар се игра од 21 часот во Лајпциг на „Ред Бул“ арена.
Во осминафиналето ќе се пласираат двете првопласирани репрезентации од секоја група, а ќе им се придружат четирите најдобри третопласирани репрезентации од шесте групи.
Европското првенство во Германија се игра од 14 јуни до 14 јули.
Спикото на Хрватска за ЕУРО 2024:
Голмани: Доминик Ливаковиќ (Фенербахче), Ивица Ивушиќ (Пафос), Недиљко Лабровиќ (Риека)
Одбрана: Јосип Јурановиќ (Унион Берлин), Јосип Станишиќ (Баер Леверкузен), Мартин Ерлиќ (Сасуоло), Јосип Шутало (Ајакс), Домагој Вида (АЕК), Марин Понграчиќ (Лече), Јошко Гвардиол (Манчестер Сити), Борна Соса (Ајакс)
Среден ред: Лука Модриќ (Реал Мадрид), Марсело Брозовиќ (Ал Наср), Матео Ковачиќ (Манчестер Сити), Ловро Мајер (Волфсбург), Марио Пашалиќ (Аталанта), Лука Иванушец (Феенорд), Мартин Батурина (Динамо), Лука Сучиќ ( Салцбург), Никола Влашиќ (Торино)
Напад: Анте Будимир (Осасуна), Андреј Крамариќ (Хофенхајм), Бруно Петковиќ (Динамо), Иван Перишиќ (Хајдук), Марко Пјаца (Риека), Марко Пашалиќ (Риека).