Свет
Преговорите помеѓу Москва и Киев се тешки, но двете страни сугерираат дека е постигнат напредок
Украина објави дека водела „тешки“ преговори со Русија за прекин на огнот, итно повлекување на војниците и безбедносни гаранции, истиот ден кога едно лице загина, а 12 беа повредени во гранатирањето на станбена зграда во Киев.
Двете страни навестија дека некои резултати од разговорите се на повидок, по претходните рунди разговори кои првенствено се фокусираа на прекин на огнот и доставување помош до опколените градови и евакуација на цивили.
Украинскиот преговарач Михајло Подољак, кој рече дека разговорите биле „конструктивни“ во неделата, напиша на Твитер пред денешните разговори: „ Преговори. Четврта рунда за мир, прекин на огнот, итно повлекување на војниците и безбедносни гаранции“.
Тој подоцна рече дека разговорите биле тешки поради екстремно различните политички системи во Русија и Украина. Преговорите ќе продолжат во вторник, рече Подољак.
Според него, Русија сè уште има илузија дека насилството врз Украина е добра стратегија. Русија, од друга страна, ја обвинува Украина дека користи цивили како жив штит.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Напаѓачот на Фицо доби мерка притвор за да не побегне и да не го повтори делото
Специјалниот кривичен суд во словачкиот град Пезинок, со силно полициско обезбедување денеска му одреди притвор на 71-годишниот Словак Јурај Цинтула, кој на 15 мај годинава во градот Хандлова со пет истрели го застрела премиерот Роберт Фицо и тешко го рани во стомакот.
Притворот за осомничениот е побаран поради опасност да не избега или да го повтори делото.
Осомничениот за нападот врз словенечкиот премиер Јурај Цинтула денеска призна вина.
Адвокатите предупредија дека признавањето на вината е спорно, бидејќи Цинтула веднаш по атентатот и апсењето бил сослушан во шок, без присуство на адвокат.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Европа
Премиерот Фицо уште е во животна опасност, напаѓачот призна вина
Осомничениот за нападот врз словенечкиот премиер Јурај Цинтула денеска пред Специјализираниот кривичен суд во градот Пежинок призна вина. Состојбата на премиерот Фицо и понатаму е сериозна.
Обвинителството вчера побара притвор за 71-годишниот Цинтула поради евентуално бегство или повторување на кривичното дело. Напаѓачот беше спроведен под силно полициско обезбедување, а ниту на новинарите им беше дозволен влез во Судот.
Премиерот на Словачка, Роберт Фицо на 15 мај беше застрелан во градот Хандалова додека се поздравуваше со насобраниот народ. Цинтула веднаш по нападот е приведен.
Тој се соочува со обвинение за обид за убиство од одмазда, за што е предвидена казна од 25 години до доживотен затвор.
Словачките политичари изјавија дека нападот врз Фицо не е политички мотивиран.