Македонија
Арсовски: Во министерството на Груби потрошени 30.000 евра за миење автомобили, ажурирање веб-страница, жардиниери
Власта троши 30.000 евра за миење автомобили, ажурирање веб-страница и за жардиниери во Министерство за политички систем, обвини на прес-конференција, портпаролот на ВМРО-ДПМНЕ, Димче Арсовски.
Како што истакна, Министерство за политички систем и вицепремиерот Артан Груби трошат 30.000 евра на непотребни работи, кои може да му ги завршат институциите на системот и на Владата.
„Новоформираното Министерство и новопечениот вицепремиер 350.000 денари потпишале тендер за миење автомобили. За овие пари, секоја недела преку целата година треба да се мијат најмалку 30 возила. Ниту Министерството има потреба од 30 возила секој ден ниту, пак, е потребно секоја недела да се мијат сите 30 возила, а во прашање е и дали тоа министерство има 30 возила на располагање“, изјави Арсовски.
За ажурирање на веб-страница, рече тој, одвоиле 530.000 денари. Арсовски коментира дека на толку вработени во МИОА и во Министерството со кое раководи самиот вицепремиер е тотално непотребно да се одвојат дури 7.500 евра за ажурирање на веб-станица, па каква и да е таа.
Згора на тоа, рече Арсовски, и 400.000 денари се двојат на жардиниери и уште 470.000 денари за консултантски услуги за јавни набавки.
„Сето ова можеле да го завршат институциите на Владата што ги имаме во државата, кои се одговорни и за јавни набавки, кои имаат вработени експерти и за сите други работи на кои се трошело пари. Овие 30.000 евра можеле да ги пренаменат, ако сакале, за други работи, но незаинтересираноста за кризата што следувала не им била предмет на размислување“, додаде Арсовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Одлуки за учество на припадници на Армијата на вежби во Германија, Бугарија, Косово
Владата на денешната седница донесе и повеќе одлуки на предлог на Министерството за одбрана, меѓу кои и за испраќање на припадници на Армијата на Република Северна Македонија за учество на вежбата „BEYOND HORIZON 24“, во Република Бугарија, за испраќање на припадници на Армијата на Република Северна Македонија за учество во НАТО операцијата „КФОР“ во Република Косово и за испраќање на припадници на Армијата на Република Северна Македонија за учество на вежбата „Combined Resolve 24-2“ во Сојузна Република Германија.
Македонија
Личните документи ќе можат да се подигнат и в среда, извести МВР
Во пресрет на претстојните Претседателски и Парламентарни избори што ќе се одржат утре, Министерството за внатрешни работи ги известува граѓаните дека Одделот за граѓански работи, односно сите отсеци за управни работи на оваа организациона единица при МВР на 08.05.2024 ќе работат за издавање на лични документи со работно време од 08.00 до 19.00 часот.
„Исто така ги известуваме граѓаните дека сите барања за лични карти кои се поднесени до 03.05.2024 година, се веќе изготвени и граѓаните можат да ги подигнат“, соопшти МВР.
Македонија
Пронајдени три полуавтоматски пиштоли и 139 куршуми, ОЈО Велес отвори истрага за недозволено држење оружје
Основното јавно обвинителство Велес донесе Наредба за спроведување истражна постапка против едно лице за кривично дело – Неовластено изработување, држење, посредување и тргување со оружје или експлозивни материи од член 396 став 5 во врска со став 3 на Кривичниот законик.
„При претрес во домот на осомничениот во селото Мелница, општина Чашка, полицијата пронашла поголемо количество оружје и муниција – три полуавтоматски пиштоли и 139 куршуми со различен калибар. За осомничениот поднесен е предлог за определување мерка притвор“, соопшти Обвинителството.
ОЈО Велес продолжува да постапува и да презема дејствија за проверка на сомненијата за изборен поткуп во однос на овој осомничен и на уште едно лице во велешко кај кое во текот на вчерашниот ден беа извршени претреси, се додава во соопштението.