Македонија
Маричиќ: Образовната и социјалната политика ја усогласуваме со стандардите на ЕУ
Заменик-претседателот на Владата задолжен за европски прашања, Бојан Маричиќ, заедно со министерката за труд и социјална политика, Јованка Тренчевска, и министерот за образование наука, Јетон Шаќири, одржа онлајн-координација со секторските работни групи, а во присуство на донаторската заедница.
Маричиќ ја истакна важноста на овие сектори, кои имаат цел создавање дополнителни и подобри работни места, нови инвестиции во образованието и науката и мобилизација на сите релевантни фактори како предуслов за подобри социјални стандарди во целото општество и создавање квалификувани работници, кои ќе може да одговорат на потребите на пазарот на трудот.
„Целите на образовната и социјалната политика, како и вработувањето, се добро усогласени со столбот на ЕУ за социјални права и политиката на ЕУ за фундаментални права и родовата стратегија. Ова ја покажува нашата посветеност да продолжиме да инвестираме за да ги намалиме идентификуваните недостатоци, сето тоа во согласност со стандардите на ЕУ“, рече Маричиќ.
Вицепремиерот на состанокот информира дека повторно се вклучуваат Ромите во оваа секторска работна група верувајќи дека со ова ќе обезбедиме подобра средина за дискусија за политиките за социјална инклузија, а ја потенцира и важноста од учеството на граѓанските организации на состаноците на секторските работни групи за побрзо обезбедување теренски информации и поефикасно спроведување на приоритетите.
Маричиќ го презентира новиот пристап за работата на сите секторски работни групи како најважен механизам за транспарентна и инклузивна координација на секторската политика и планирање на донаторската помош, вклучително и ИПА, нагласувајќи дека Секретаријатот за европски прашања постојано ќе информира за дискусиите и активностите на секторските работни групи.
„Решивме да ја воведеме оваа промена со цел унапредување на политичкиот дијалог преку инклузивен и транспарентен пристап во секторските политики, а фокусот на состаноците го ставаме на презентација и дискусија за секторските стратешки приоритети и начинот на кој може да се добие донаторска помош за имплементација на националните приоритети“, изјави вицепремиерот.
Тој на состанокот информира дека процесот на програмирање на ИПА 2023-2024 е активен и ги повика координаторите на ИПА да почнат со организирање на состаноците на техничко ниво, со вклучување на донаторите и граѓанските организации.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Малолетници нападнале врсник во автобус на ЈСП
Малолетник синоќа бил нападнат од двајца други малолетници во автобус на Јавното сообраќајно претпријатие во Скопје.
„На 21 септември во 19.40 часот во СВР Скопје, П.Н. од Скопје пријавил дека во автобус на ЈСП на подрачје на Шуто Оризари, неговиот малолетен син бил физички нападнат од двајца други малолетници“, информираа од МВР во дневниот билтен.
Се работи на расчистување на случајот.
Македонија
Без струја утре делови од општина Кисела Вода
Без струја утре од 8:00 до 14:00 часот ќе бидат дел од корисниците лоцирани на улиците „Драчево“, „Чучевска“ и „Китка“ во општина Кисела Вода.
Како што соопшти РЦУК-Скопје, прекинот е поради планирани зафати во електродистрибутивната мрежа во Град Скопје.
Македонија
Сиљановска Давкова на Самитот на иднината во Њујорк
Претседателката Гордана Сиљановска Давкова, која ја предводи македонската делегација на 79. Генерално собрание на ОН, денеска треба да се обрати на Самитот на иднината на тема „Мултилатерални решенија за подобро утре“ со учество на шефови на држави и влади.
Целта на Самитот на иднината е државите членки да ја зголемат меѓусебната соработка која, како што се нагласува, е се поважна за човековиот опстанок, но е тешко да се постигне во атмосфера на недоверба, користејќи застарени структури кои повеќе не ги одразуваат денешните политички и економски реалности.
Во фокусот на Нацрт-пактот се човековите права, родот и одржливиот развој во сите поглавја. Содржи поглавја за одржлив развој и финансирање за развој, меѓународен мир и безбедност, наука, технологија и иновации и дигитална соработка, младите и идните генерации и трансформирање на глобалното владеење. Меѓудругото, се бара земјите членки да се согласат и за реформи што се однесуваат на Советот за безбедност, но тоа најверојатно нема да се случи.
На Самитот треба да бидат усвоени и Декларација за идните генерации и Глобален Дигитален договор.