Свет
Резников: Кремљ е колективниот Хитлер на 21 век
Украинскиот министер за одбрана, Олексеј Резников, изјави дека Кремљ, по неуспехот на тактиката „блицкриг“, премина на тактиката на терор, масовни убиства на цивили, уништување и бруталност.
Тој го истакна ова на вонредниот состанок на Северноатлантскиот совет (НАЦ) на ниво на министри за одбрана.
„Кремљ е колективниот Хитлер на 21 век“, рече министерот, пренесува „Укринформ“.
Обраќајќи им се на министрите за одбрана на НАТО, Резников додаде дека руските окупатори веќе убија 103 украински деца, осакатија повеќе од 100 и убиле околу 3.000 цивили во трите недели од активната фаза на војната.
Тој исто така нагласи дека руските напаѓачи вршат геноцид во Мариупол бидејќи досега се убиени околу 20.000 цивили.
„Окупаторите вршат геноцид во Мариупол. Тој е избришан од лицето на земјата со авиони, проектили и артилерија. Локалните власти ја проценуваат загубата на цивили на околу 20.000. И таа бројка расте секоја минута“, рече Резников.
Како што истакна, војната против Украина е војна против светот.
„Сакајќи да ја уништи Украина, Русија почна војна против хуманизмот, меѓународното право, мирот и слободата – вредности што нѐ прават луѓе, а не машини или ѕверови. На полињата и градовите во Украина, луѓето, нашите луѓе, се борат против животните во машини“, рече тој.
Резников исто така рече дека Русија веќе изгубила повеќе војници отколку во двете чеченски војни.
„Повеќе од 13.000 војници, повеќе од 400 тенка и 1.200 оклопни возила. Соборивме 80 авиони и речиси 100 хеликоптери. Елиминиравме неколку руски генерали“, рече тој.
Сепак, посочи тој, последиците од криминалните дејства на руските окупатори може да бидат катастрофални бидејќи тие веќе окупираа две украински нуклеарни централи – „Чернобил“ и „3апорожје“.
Според него, нападите на Русија врз неутрална земја или земја на НАТО во Европа се само прашање на време.
„Време е да се дејствува. Сега е време за силни одлуки што ќе го обликуваат новиот светски поредок врз основа на правото, хуманизмот, вистината и правдата., каде што терористите и тираните нема да може да диктираат“, нагласи Резников.
На 24 февруари рускиот претседател Владимир Путин го објави почетокот на инвазијата на Украина. Руските трупи ја уништуваат клучната инфраструктура масовно гранатирајќи станбени области на украинските градови и села користејќи артилерија, повеќе ракетни системи и балистички ракети.
Во Украина е воведена воена состојба и најавена е општа мобилизација.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Сторми Даниелс сведочи на судењето против Трамп
Поранешната порно-ѕвезда Сторми Даниелс сведочи во судот во Њујорк во кривичната постапка против поранешниот претседател на САД, Доналд Трамп.
На актерката (45), чие вистинско име е Стефани Клифорд, на крајот на претседателската кампања во 2016 година ѝ исплатиле 130.000 долари за да молчи за наводен сексуален однос со Доналд Трамп во 2006 година.
Станува збор за долгоочекуваната пресметка на поранешниот претседател на САД и порно-ѕвезда која тврди дека имале секс, јавија американските медиуми. Обвинителите велат дека Трамп ги прикрил информациите за исплата од 130.000 долари кои на Даниелс ѝ ги исплатил неговиот поранешен адвокат Мајкл Коен пред претседателските избори во 2016 година.
Коен претходно изјави дека Трамп му наредил да и плати на Даниелс за таа да не зборува за сексуалниот однос со Трамп од 2006 година.
Свет
Путин: Русија ќе продолжи да работи на формирање мултиполарен светски поредок
Рускиот претседател Владимир Путин изјави дека Русија ќе продолжи да работи со партнерите за формирање мултиполарен светски поредок, како и дека се можни дискусии за безбедносни прашања со западните земји, но под еднакви услови.
„Заедно со партнерите во евроазиската интеграција, со другите центри за суверен развој, ќе продолжиме да работиме на формирање мултиполарен светски поредок, еднаков и неделив безбедносен систем“, рече Путин на церемонијата на инаугурација во палатата во Кремљ.
Тој рече дека Русија била и ќе биде отворена за зајакнување на добрите односи со сите земји.
Русија не го отфрла дијалогот со западните земји, туку дека изборот е нивен, посочи Путин.
„Дали сè уште планираат обиди да го запрат развојот на Русија, да ја продолжат политиката на агресија, притисокот врз нашата земја кој не запира со години или бараат начин за соработка и мир“, рече рускиот лидер на церемонијата на инаугурација. .
Рускиот лидер денеска положи заклетва на церемонијата на инаугурација во Големата палата Кремљ и официјално стана претседател на Русија.
Путин ќе остане на функцијата во следните шест години, до 2030 година, пренесува РИА Новости.
Регион
Руски хакери ги нападнаа веб-страниците на косовските институции
Руски хакери ги нападнаа веб-страниците на косовските институции, изјави министерот за одбрана Ејуп Македончи.
„Група руски хакери извршија сајбер-напад на Косово како одмазда за мојата изјава за поддршка на Украина“, изјави Македончи.
Во текстот на руските хакери се споменува говорот на тој косовски министер кој, според нив, рекол дека „Косово е подготвено да и понуди воена помош на Украина“.
„Косово е подготвено да ги здружи колективните напори за поддршка на одбраната на Украина. Треба повеќе да размислат за ова“ – напишаа хакерите на руски, спомнувајќи го министерот Македончи.
Министерката за надворешни работи и дијаспора Доника Гервала објави дека „Русија врши хибриден напад на Косово“.
Гервала на мрежата „Х“ изјави дека „рускиот хибриден напад на Косово“ доаѓа по најавата за поддршка на Косово за Украина со воена опрема.