Спорт
Кулушевски: Македонија е многу важна за мене и моето семејство
Фудбалерот на Тотенхем, Дејан Кулушевски неодамна предизвика лоши реакции во македонската јавност откако одби да даде интервју на македонски јазик за „Спортклуб“, по што беше претставуван како „предавник“ и човек кој го заборавил своето потекло.
Сега, во интервју за „Гардијан“, Кулушевски дава поинаква слика на тоа колку се чувствува како Македонец. Таткото на Кулушески, Стефан, иако Македонец по потекло е роден во Шведска, додека неговата мајка, Катица е родена во Македонија и се преселила во Шведска како возрасна. Тој играше за македонските младински репрезентации, пред да реши да настапува за Шведска.
Зборувајќи за влијанието кое го имал Златан Ибрахимовиќ, уште еден шведски фудбалер со балкански корени (татко му е Бошњак, а мајка му Хрватка), Кулушевски се отвори за односите со Македонија.
„Златан отвори толку можности за нас во Шведска, што не можете да замислите. Тој помогна на сите деца кои се аутсајдери, кои немаат шведско потекло дека работите се можни. Кога почна да ме споменува, бев среќен како дете на Божиќ. За мене и моето семејство, Македонија е многу важна. Како што вели мојата мајка, никогаш нема да заборавиме од каде доаѓаме. Одам таму секое лето и уживам. Секогаш велев дека ако можам би играл и за Шведска и за Македонија. Но, морав да изберам и ја избрав Шведска, бидејќи сум од таму“, вели Кулушевски.
Dejan Kulusevski: ‘When you are good in your mind, you play good football’ https://t.co/I1GYcwvTNN
— The Guardian (@guardian) March 19, 2022
Кулушевски не сакаше да зборува македонски: Не, не, англиски, молам (ВИДЕО)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Баркли: Јокиќ е најдобриот странец на сите времиња во НБА
Легендата на НБА, Чарлс Баркли многу го почитува центарот на Денвер, Никола Јокиќ.
И додека се очекува српскиот кошаркар по третпат наскоро да биде прогласен за МВП во НБА караванот, Баркли го пофали Јокиќ како гостин во подкастот на Шенон Шарп.
Долго време се сметаше дека Германецот Дирк Новицки е најдобар странец во НБА, но Баркли мисли поинаку.
„До доаѓањето на Јокиќ, Дирк беше најдобриот странец во историјата на НБА“, вели Баркли.
Инаку, Новицки, кој доживеа ѕвездени моменти со Далас, има по една титула и едно МВП признание.
Спорт
Васкес ќе го продолжи договорот со Реал
Реал Мадрид речиси сигурно ќе го продолжи договорот со Лукас Васкез.
Реал ги прекина преговорите за нови договори до крајот на сезоната, бидејќи се очекува тимот да играа во финалето на Лигата на шампионите. Тимот оваа сезона ја освои титулата во Примера и игра во полуфиналето на Лигата на шампионите.
На многу играчи им истекуваат договори на крајот од сезоната и тренерот Карло Анчелоти треба да донесе одлука за составот за следната сезона, а како што пренесоа денеска шпанските медиуми, тренерот сака Васкез да остане уште една година.
Фудбалерот и управата сакаат соработката да продолжи, а Васкез се истакна со своите настапи во претходните недели.
Васкез ќе наполни 33 години во јули и е подготвен за 10-та сезона во Реал Мадрид, а двете страни се блиску до договор.
Се очекува Начо Фернандез и Лука Модриќ да го напуштат Сантијаго Бернабеу.
Спорт
Јунајтед три недели ќе биде без Мегваер
Фудбалерот на Манчестер Јунајтед, Хари Мегваер ќе отсуствува три недели поради повреда на мускулот.
Мегваер се повреди на тренинг, има шанса да игра во финалето на ФА Купот, а како што денеска објави „Скај Спортс“, се очекува да биде подготвен за Европското првенство.
Финалето на ФА Купот меѓу бранителот на титулата Манчестер Сити и Манчестер Јунајтед ќе се одигра на 25 мај во Лондон.
Европското првенство е закажано од 14 јуни до 14 јули во Германија.
Тренерот на Јунајтед, Ерик тен Хаг има големи проблеми во последната линија на тимот, бидејќи се повредени Рафаел Варан, Лисандро Мартинес и Виктор Линделоф.
Дефанзивецот Џони Еванс се врати на тренинзите но неизвесно е дали ќе биде во составот за натпреварот вечерашниот напревар Кристал Палас.