Спорт
Чави ја „покажа“ новата Барса сред Мадрид со доминантна победа
По само 143 дена на клупата на Барселона (и со неколку клучни засилувања), Чави Ернандез покажа како може да изгледа новата ера на каталонскиот гигант со неверојатна доминантна 0:4 победа на „Сантијаго Бернабеу“ над бледите Реал Мадрид во „Ел класико“ за кое долго ќе се зборува.
Пјер-Емерик Обамејанг, кому многумина му предвидуваа паѓање во „сенка“ по проблемите кои ги имаше во Арсенал, го мотивираше клубот да стигне до неверојатна победа, која секако, не е клучна во борбата за титулата, бидејќи Реал е многу далеку од нив, но ќе донесе голем оптимизам во Каталонија. Од друга страна, еуфоријата на „кралевите“ по елиминацијата на ПСЖ во Лигата на шампионите одеднаш спласна, откако тимот без Карим Бензема во составот беше апсолутно декласиран пред сопствените гледачи и повторно носи многу прашања околу иднината на Карло Анчелоти на клупата.
По брзиот старт на Барса, првиот гол падна преку „старата“ комбинација на Борусија Дортмунд – Усман Дембеле одлично му асистираше на Обамејанг, кој не згреши за 0:1 во 29. минута од мечот. Девет минути подоцна повторно по корнерот на Дембеле, Роналд Араухо беше највисок во скокот и Тибо Куртоа повторно беше немоќен.
Кога се чекаше одговор на „кралевите“ во второто полувреме, во 47. минута, Обамејанг имаше „валкано“ додавање со петица до Феран Торес, кој овојпат не згреши и веќе беше 0:3. Во 53. минута, Торес, пак, му ја врати „услугата“ на Обамејанг за 0:4, откако првично беше досуден офсајд, па по ВАР проверката, голот беше признаен.
Графика: Sofascore за Топспорт.мк
(function (el) { window.addEventListener(“message”, (event) => { if (event.origin.startsWith(“https://www.sofascore”)) { if (el.id === event.data.id) { el.style.height = event.data.height + “px”; } } }); })(document.getElementById(“sofa-standings-embed-36-37223”));
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Тежок пораз на МЗТ од Спартак во Суботица
Македонскиот шампион МЗТ Скопје и наредната сезона ќе се натпреварува во Втората АБА лига. МЗТ, вечерва доѓивеа убедлив пораз на гостувањето кај најдобриот тим во регуларниот дел од сеозната, Спартак Суботица.
МЗТ имаше мали шанси да го изненади фаворизираниот противник, кој во Скопје победи со пет поени разлика. Но ниту најголемите песимисти не очекуваа дека македонскиот шампион ќе доживее тежок пораз.
Спартак сите дилеми, ако воопшто и ги имаше, ги реши во првото полувреме. Екипата од Суботица реализираше 80 отсто од шутевите за три поени во првиот дел (8/10) и на пауза замина со резултат 57:32.
Вториот дел беше само одработување на започнатото за Спартак кој славеше со 98:64.
Спартак за место во АБА лигата ќе се бори со Војводина.
Спорт
(Видео) Порту ја растури Барселона, Реал ја освои титулата во Шпанија
Фудбалерите на Џирона ја победија Барселона во 34.коло со 4:2 и го промофираа Реал Мадрид во нов шампион на Шпанија. На четири кола до крајот на сезоната Реал има 13 бодови повеќе од Џирона и 14 од Барселона.
Џирона втор пат сезонава во каталонското дерби ја победи Барселона. На „Монтоливи“, вечерва избраниците на Мичел славеа со пресврт.
Кристенсен погоди за Барселона во третата, а во четвртата минута изедначи Довбик со својот 17.коло во Примера. Втор пат во историјата на Примера се случива двата тима да постигнат по гол во првите пет минути.
До крајот на полувремето, во 46.минута), Левандовски направи пресврт и Барса со 1:2 замина на одмор.
Второто полувреме мина во знакот на Порту. Крилниот напаѓач на Џирона, во само девет минути ја креираше победата на својот тим. Во 65.минута изедначи на 2:2, потоа у асистираше на Гутиерез, а во 74.минута со својот втор гол стави точка на натпреварот.
Спорт
(Видео) Покер голови на Халанд, Сити го декласира Вулверхемптон
Фудбалерите на Манчестер сити на домашен терен го декласираа Вулверхемптон со 5:1, во 36. коло од англиската Премиер лига.
Блескаше Ерлинг Халанд кој постигна четири гола за домашниот тим (два од пенал). Сакаше да го постигне и петтиот поради што беше видно незадоволен и негодуваше во моментот кога Пеп Гвардиола реши да го замени во 82. минута.
Со оваа победа „Граѓаните“ ја задржаа пол-позицијата во борбата за титулата со Арсенал. На две кола пред крајот тимот од Лондон има бод повеќе, но Сити има меч помалку и доколку ги победи Фулам и Тотенхем на гости, а Вест Хем дома, ќе ја одбрани титулата шампион на Англија без разлика на резултатите на Арсенал, кој ќе гостува кај Манчестер јунајтед и ќе го пречека Евертон во последното коло.
Денеска избраниците на Пеп Гвардиола ја завршија работата во првото полувреме кое го одиграа во прилично лесен ритам и го решија во своја корист со 3:0, благодарение на хет-трикот на Ерлинг Халанд.
Во вториот дел Хванг намали на 3:1, но Халанд само 60 секунди подоцна му ја врати на Сити преднста од три гола. До крајот замената на Халанд, Хулијан Алварез во 84.минута го постави конечниот резултат.