Црна хроника
Опомена за Шеќеринска, Минчев и Мисовски
Граѓанска парница за отштета ќе покрене Лазар Еленовски, по чија тужба денеска опомена добија Радмила Шеќеринска и Горан Минчев од СДСМ, како и Горан Мисовски од НСДП
Пресудата за опомена за навреда кај обвинетите предизвика разочарување од нефункционирање на системот, додека за тужителот Еленовски, токму овој случај покажува дека Македонија е европска и демократска држава.
„Денеска судот донесе срамна одлука. Очигледно, ни беше пратена порака дека серијалот ‘пратеници на суд‘, продолжува“, рече Горан Мисовски.
Според него, основниот мотив за тужбата на Лазар Еленовски е да ја зачува неговата политичка позиција во тогашната Влада.
„Со цел да се оправда пред премиерот за она што јавноста имаше можност да го види, дека сепак премиерот на спорот со името дефинитивно не бил бескромпомисен. Сепак, тој во Букурешт заминал со став за промена на уставното име на Македонија“, додаде Мисовски.
Судска опомена е најблаг стадиум на пресуда, објаснува адвокатот на Шеќеринска, Мирослав Вујиќ, меѓутоа повторно се утврдува вина.
„Прво, од правна страна не се грижам воопшто, затоа што не постои институција што ќе ја потврди оваа одлука, од причина што никој никого не навреди во овој случај, а тие се опоменати за навреда, не за клевета, туку за навреда“, рече Вујиќ пред Основниот суд Скопје 1.
Според него, ако вакво нешто може да им се случи на лидер на партија и на двајца секретари на партии, нема никаква сигурност за граѓаните при слободно размислување или изнесување на некои ставови.
Лазар Еленовски е задоволен од пресудата бидејќи се докажало дека обвинетите го направиле кривичното дело.
„Не може во оваа држава, која што сакаме да биде европска и демократска, некој да си поигрува со нечиј углед и авторитет. Судот покажа и потврди дека обвинетите го сториле тоа дело“, рече Еленовски, додавајќи дека ќе оди на граѓанска парница, каде би можел да добие парична отштета од обвинетите.
Еленовски ја поднесе тужбата за снимката од затворена седница на НСДП, на која тој наводно признава дека Премиерот се согласил на промена на уставното име, што од коалицијата „Сонце“, беше употребена на митинг во изборната кампања.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.