Свет
(Oд минута во минута) Експлозии во Лавов, Бајден во Полска го нарече Путин крвник
Денеска е 30-ти ден од руската инвазија на Украина.
Клучни настани:
- Џо Бајден денеска го нарече својот руски колега Владимир Путин крвник. Кремљ одговори дека Бајден е тој кој јавно на телевизија барал да се убиваат Југословени
- Бајден се сретна со двајца украински министри
- Во обраќање во Варшава Бајден рече дека „Путин не може да остане на власт“, реагираше Кремљ: За тоа нема да одлучи господинот Бајден. Тоа може да биде само избор на народот на Руската Федерација
- Русија објави снимка од министерот за одбрана за кој Украинците тврдат дека имал срцев удар
- Украина тврди дека се договорени 10 нови хуманитарни коридори
- Руските сили ја презедоа контролата врз градот Славутич во близина на нуклеарната централа Чернобил
- Градоначалникот на Лавов, Андриј Садовји, објави дека градот бил нападнат
- Руските олигарси се добредојдени во Турција, но тие мора да го почитуваат меѓународното право кога работат, изјави турскиот министер за надворешни работи Мевлут Чавушоглу
- Јапонскиот премиер: Се’ поверојатно е дека Русија ќе користи нуклеарно оружје
Најновите вести од минута во минута следете ги на Макфакс:
21:00 Во Мариупол веќе нема храна за децата, вели заменик градоначалникот
Заменик-градоначалникот на опколениот Мариупол, Сергеј Орлов, изјави за Би-Би-Си дека луѓето во градот почнуваат да умираат од глад и дехидрација бидејќи залихите на храна и вода се на многу ниско ниво, а хуманитарната помош не може да влезе во градот.
„Некои умираат од глад и дехидрација. Некои умираат од недостаток на лекови, инсулин… умираат затоа што не можат да стигнат до здравствена заштита“, рече Орлов.
20:33 Радев: Нема да дозволам Бугарија да се вклучи во конфликтот во Украина
Нема да дозволам Бугарија да се вклучи во конфликтот во Украина, изјави бугарскиот претседател, Румен Радев. Тој одговори на прашањето дали само Бугарија и Унгарија не и’ испратиле оружје на Украина: „Како шеф на државата нема да дозволам Бугарија да биде вклучена во овој конфликт. Јас сум избран да ја бранам безбедноста на Бугарите и мирот во Бугарија. Цената на војната ја плаќаат граѓаните, а не оние кои проповедаат на телевизија“, рече шефот на државата.
20: 22 Ракетите кон Лавов истрелани од Крим, вели градоначалникот
Андриј Садовји, градоначалникот на Лавов, изјави дека ракетите што денеска го погодија тој град на западот на Украина се истрелани од Севастопол на украинскиот полуостров Крим, кој Русија го анектираше во 2014 година.
Тој додаде дека во нападот нема загинати. Ракетите го погодиле складиштето за гориво, изјави гувернерот Максим Козицки.
20:18 Белата куќа: Претседателот Бајден не зборуваше за промена на режимот
Изјавата на американскиот претседател Џо Бајден, кој во денешниот говор во Варшава рече дека „Путин не може да остане на власт“, гласно одекна низ светот.
Белата куќа тврди дека Бајден не зборувал за промена на режимот во Москва.
„Поентата на претседателот беше дека на Путин не може да му се дозволи да има моќ над соседите или во регионот. Тој не го коментираше владеењето на Путин во Русија или промената на режимот“, изјави претставник на Белата куќа за The Wall Street Journal.
From a White House official after Biden’s speech: “The President’s point was that Putin cannot be allowed to exercise power over his neighbors or the region. He was not discussing Putin’s power in Russia, or regime change.”
— Tarini Parti (@tparti) March 26, 2022
19:50 Кремљ веднаш одговори на изјавата на Бајден дека Путин не може да остане на власт
Портпаролот на Владимир Путин, Дмитриј Песков реагираше на изјавата на претседателот на САД, Доналд Трамп дека „Путин не може да остане на власт“.
„За тоа нема да одлучи господинот Бајден. Тоа може да биде само избор на народот на Руската Федерација“, рече портпаролот на Путин.
18:50 Бајден во Варшава: Војната нема брзо да заврши, подгответе се за долга борба
Тој предупреди дека војната во Украина нема брзо да заврши, додавајќи дека луѓето „мора да се подготват за долгата борба што претстои“. Оваа борба нема да заврши во наредните денови или месеци, рече Бајден.
„Русија ја задави демократијата. Тврдењето на Путин дека ја денацизира Украина е непристојно“, рече тој.
18:32 Бајден држи говор во Варшава
Американскиот претседател Џо Бајден им се обраќа на Полјаците пред Кралската палата во Варшава.
17:47 Кремљ реагира на навредите на Бајден: „Тој јавно бараше убивање на Југословени“
Портпаролот на Кремљ Дмитриј Песков изјави дека е изненаден од обвинувањата на американскиот претседател Џо Бајден до Владимир Путин, нарекувајќи го крвник.
„На крајот на краиштата, тој е човек кој во еден момент, зборувајќи пред телевизиските камери, бараше да се бомбардира Југославија. Така е, тој бараше бомбардирање на Југославија. Бараше да се убиваат луѓе“, рече Песков за ТАСС.
17:17 (Видео) Три силни експлозии во Лавов, градоначалникот: Нападнати сме
Градоначалникот на Лавов, Андриј Садовји, објави дека градот бил нападнат по извештаите за експлозии.
Гувернерот Максим Козитски изјави дека во градот се слушнале три силни експлозии. На истокот од областа може да се забележи густ облак од чад.
17:12 Бајден во Полска: Путин е крвник
Американскиот претседател Џо Бајден денеска го нарече својот руски колега Владимир Путин крвник, на средбата со украинските бегалци во Варшава.
Прашан што мисли за Владимир Путин, Бајден накратко рече: „Тој е крвник“, додека средбата беше пренесувана во живо на телевизиските мрежи од Националниот стадион во Варшава.
Ова не е првпат американскиот претседател остро да го критикува Путин, кого го смета за главен виновник за руската инвазија на Украина. Последните денови двапати го нарече воен злосторник.
16:53 Руските олигарси се добредојдени во Турција
„Доколку руските олигарси или било кој руски граѓанин сакаат да ја посетат Турција, се разбира дека можат да го направат тоа. Дали олигарсите можат да работат во Турција? Ако тоа е легитимен бизнис што не е спротивен на меѓународното право, тогаш ќе го разгледаме“, рече Чавушоглу.
16:18 Јапонскиот премиер: Се’ поверојатно е дека Русија ќе користи нуклеарно оружје
Јапонија, единствената земја која некогаш била нападната со нуклеарно оружје, редовно предупредува на употреба на такво оружје. Кишида денеска во придружба на американскиот амбасадор Рам Емануел го посети споменикот на жртвите од атомската бомба во Хирошима.
„Отпорноста на Украина и западното оружје, главно американското оружје – ова е рецептот за успех на бојното поле“, рече Кулеба.
15:00 Британија му конфискува два авиони на руски олигарх
Британската влада заплени два приватни авиони во сопственост на рускиот олигарх и нафтен тајкун Јуџин Швидлер.
Британскиот министер за транспорт Грант Шапс рече дека „Пријателите на Путин не треба да уживаат во луксуз додека умираат невини луѓе во Украина“.
Швидлер е на списокот со санкции поради неговите деловни врски со сопственикот на Челзи, Роман Абрамович. Неговата нето вредност се проценува на 1,45 милијарди евра, објави британската влада. Запленетите авиони се проценуваат на околу 55 милиони евра.
14:34 Бајден: Најважно е НАТО да остане апсолутно обединет
Американскиот претседател Џо Бајден за време на разговорите со полскиот претседател Анджеј Дуда рече дека мирот во Европа е директно поврзан со стабилноста во САД.
„Способноста на Америка да ја исполни својата улога во другите делови на светот почива на обединета, безбедна Европа. Научивме од тажното искуство од двете светски војни, кога не бевме вклучени во стабилноста во Европа. Секогаш се враќа и не прогонува“, рече Бајден.
14:00 (Видео) Русите објавија снимка од уништување на противракетен систем кај Киев
Министерството за одбрана на Русија соопшти дека руските сили со високопрецизно ракетно оружје го уништиле украинскиот противвоздушен ракетен систем Бук во регионот на Киев.
„Ракетниот напад го изврши оперативно-тактичкиот комплекс „Искандер“, а контролата на ударот ја изврши дрон. Системот за противвоздушна одбрана е уништен со прецизен удар во целта“, соопшти Министерството.
Претходно руската армија објави дека извршила нови ракетни напади врз воени цели во западна, централна и југозападна Украина.
13:54 Бајден се сретна со двајца украински министри во Варшава
Американскиот претседател Џо Бајден се сретна со украинскиот министер за надворешни работи и министерот за одбрана во Варшава. Oва е прва средба на Бајден со високи украински претставници од почетокот на војната. Тој разговараше со украинскиот министер за надворешни работи Дмитриј Кулеба на долга маса на која присуствуваа и украинскиот министер за одбрана Олексеј Резников, американскиот државен секретар Антони Блинкен и министерот за одбрана Лојд Остин.
Кулеба и Резников пристигнаа во Варшава ненајавено. Средбата се одржа во салата на хотелот во Варшава каде Бајден ја помина ноќта и се вееја украински и американски знамиња.
Четворицата министри „разговараа за исходот од самитот на НАТО на 24 март во Брисел и непоколебливата посветеност на Соединетите Држави за суверенитетот и територијалниот интегритет на Украина“, изјави портпаролот на Стејт департментот Нед Прајс.
13:25 Бајден присуствуваше на министерски состанок во Полска
На вториот ден од посетата на Полска, американскиот претседател Џо Бајден присуствуваше на состанокот во Варшава меѓу американскиот државен секретар Антони Блинкен и неговиот секретар за одбрана Лојд Остин со нивните украински колеги, соопшти Белата куќа.
Ова е прва средба на американските министри со украинските колеги од почетокот на руската агресија.
13:10 Кличко го откажа продолжениот полициски час
Градоначалникот на Киев, Виталиј Кличко, го откажа продолжениот полициски час планиран за главниот град.
„Полицискиот час ќе остане нормален – од 20 до 7 часот. Во недела попладне ќе може да се движи низ главниот град и регионот“, рече Кличко.
Претходно Украинците тврдеа дека Шојгу доживеал срцев удар, а пласирана беше и теорија за наводна расправија со рускиот претседател, Владимир Путин.
12:10 Русите зазедоа град кај Чернобил
Руските сили ја презедоа контролата врз градот Славутич, каде што живеат работници во нуклеарната централа во Чернобил, изјави гувернерот на Киевската област Александар Пављук.
Според Ројтерс, тој рекол дека руските војници ја окупирале болницата во Славутич и го киднапирале градоначалникот. Британската новинска агенција соопшти дека не може независно да ги потврди извештаите.
11:44 Украина: Денеска ќе го вратиме Херсон
Синоќа, американските воени претставници тврдеа дека Русија ја изгубила контролата над Херсон – првиот град што беше окупиран од руски војници. Сега еден украински функционер тврди дека украинските сили денеска ќе го вратат градот.
Маркијан Лубкивски, советник на министерот за одбрана, за Би-Би-Си Радио рече: „Верувам дека денес градот целосно ќе биде под контрола на украинските вооружени сили.
11:30 Украина: Постигнат е договор за десетина хуманитарни коридори
Заменичката на украинскиот премиер Ирина Верешчук рече дека е постигнат договор за десет хуманитарни коридори за евакуација на цивилите од опколените украински градови.
Во телевизиско обраќање, Верешчук рече дека цивилите кои се обидуваат да го напуштат Мариупол во јужна Украина ќе мора да го сторат тоа со приватни возила, бидејќи руските воени сили не дозволуваат автобуси да минуваат низ контролните пунктови на пат кон пристанишниот град.
11:00 Нов полициски час во Киев
Градоначалникот на Киев, Виталиј Кличко, воведува нов полициски час во главниот град на Украина. Полицискиот час ќе трае од вечерва во 20 часот по локално време до 8 часот во понеделник.
Кличко вели дека одлуката ја донела украинската армија.
Првичната стратегија на Русија во Украина не успеа и нејзината војска сега мора да одлучи што да прави понатаму, изјави висок воен аналитичар за Би-Би-Си.
Филипс О’Брајан, професор по стратешки студии на Универзитетот Сент Ендрјус, рече дека многу странски набљудувачи тргнале по „полесниот пат“ со претпоставката дека руската воена супериорност ќе надвладее во војната. Сепак, тоа било погрешно, бидејќи тие не го зеле в предвид прашањето дали руските војници се подготвени да ризикуваат, рече тој. Во исто време, капацитетите на Украина биле потценети, додаде.
10:10 Зеленски: Русија потроши милијарди на лаги и пропаганда
„Онаму каде што патот на лагата мора да биде поплочен со пари, резултатот не е сигурен“, рече Зеленски
10:00 Белата куќа: Бајден ќе го повика слободниот свет да застане против Путин
Американскиот претседател Џо Бајден во говорот од Полска ќе истакне дека „слободниот свет“ се противи на руската инвазија на Украина и дека постои единство меѓу големите економии за потребата да се запре Владимир Путин, соопшти Белата куќа.
Претходно Белата куќа соопшти дека Бајден во Полска ќе одржи важен говор.
09:53 Фотографии од цивили кои бегаат од Мариупол
Нови фотографии од цивили кои бегаат од Мариупол пристигнуваат од Украина. Дел од автомобилите се оштетени, а на некои пишува „деца“.
09:47 Зеленски до производителите на нафта: Зголемете го производството
Украинскиот претседател Володимир Зеленски ги повика земјите производители на нафта и гас да го зголемат производството за да не може Русија да ја користи својата нафта и гас за да уценува други нации, пишува Ројтерс.
09:45 Сирени за тревога се огласија во повеќе градови
Сирените за воздушни напади се огласија во многу градови низ Украина, објавија локалните медиуми. Некои од градовите каде се слушаат сирени за тревога се Киев, Черкаси и Кропивницки во централна Украина, Запорожје и Днепар на југоисток, Житомир на исток и Харков и Суми во североисточните региони на Украина.
09:30 Медведев: Западните санкции ќе го консолидираат руското општество
Поранешниот руски претседател и актуелен заменик претседател на Советот за безбедност на ОН, Дмитриј Медведев, изјави дека западните санкции ќе го консолидираат руското општество и нема да предизвикаат незадоволство кај владата.
09:00 Во Украина од почетокот на војната загинале 136 деца, велат од украинското обвинителство
Од почетокот на руската инвазија врз Украина досега загинале 136 деца, се наведува во соопштението на Украинското државно обвинителство, пренесоа британските медиуми.
Од нив, 64 биле убиени во регионот на Киев, а 50 во регионот на Доњецк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Фото/Видео) Протести против Трамп во сите 50 американски држави
САД го слават Денот на знамето, а Трамп го слави својот 79-ти роденден. За да се одбележи 250-годишнината од американската војска, се одржува раскошна воена парада, која се проценува дека ќе чини помеѓу 45 и 100 милиони долари.
Неколку часови пред парадата, стотици илјади луѓе излегоа на улиците на САД за да бараат заштита на американската демократија.
Американските знамиња, големи и мали, ја исполнија толпата демонстранти на маршот „Без кралеви“ во Филаделфија, каде што демонстрантите рекоа дека се борат да ја заштитат својата земја и демократијата.
„Го враќаме нашето знаме. Чувствуваме дека републиканците се обидоа да го преземат американското знаме и да го претворат во оружје против другите луѓе во оваа земја“, рече Стејси Филипс, 59, додека таа и нејзиниот сопруг маршираа држејќи големо американско знаме.
„Сакавме да дојдеме затоа што видовме дека Доналд Трамп и неговата администрација се обидуваат нелегално да ја користат својата моќ на многу корумпирани и криминални начини. Уморни сме од тоа и најдоброто нешто што можеме да направиме е да се залагаме за она во што веруваме“, рече таа.
I was proud to stand with more than 500 people in Stowe today at a No Kings protest.
Today, all over the country, tens of thousands of Americans are saying NO to the authoritarianism that has taken hold of our country. pic.twitter.com/eFM2JCe4WU
— Bernie Sanders (@BernieSanders) June 14, 2025
Остар контраст со воената парада
Филипс рече дека масовниот протест е во остра спротивност со големата воена парада што Трамп ќе ја одржи подоцна во сабота.
„Мислам дека денес испраќа многу силна порака, дека се спротивставуваме на ова со нешто што покажува дека се спротивставуваме“, рече таа.
Во исто време, толпата скандираше: „Не за фашистите, не за Трамп!“
35-годишниот Франсис Кота рече дека тој и другите демонстранти „се борат за демократија“ и за да ја заштитат земјата што ја сакаат.
Outside the U.S. Embassy in London. #NoKings #NoTyrantsDay pic.twitter.com/x4NagSziZY
— tvguygrayson.bsky.social (@TVGuyGrayson) June 14, 2025
Демократија, дипломатија
Кота рече дека неговите најважни прашања се „човековите права и животната средина, во голема мера“, како и демократијата и дипломатијата.
Тој додаде дека иако Америка има свои проблеми, нејзините демократски вредности се нешто што „мисли дека луѓето, особено неговите врсници, честопати го земаат здраво за готово“.
„Имам чувство дека ние сме тие што се обидуваат да ги зачуваат нашите институции“, рече тој.
Holy sh*t!
Protesters are lined up for a mile in the small town of Geneva, Illinois for the No Kings rally! pic.twitter.com/bZuI1Hv6wh
— Art Candee 🍿🥤 (@ArtCandee) June 14, 2025
Сем Голдман, организатор на движењето „Одбиј го фашизмот“, изјави за „NBC“ дека ја организирале акцијата во Вашингтон затоа што „беше исклучително важно главниот град да не биде оставен на овој фашистички режим“.
Таа носеше маица на која пишуваше „Трамп мора да си оди сега“ – слоган што организаторите често го скандираа заедно со толпата.
Секој тиранин беше соборен од граѓаните
„Секогаш кога тиранин беше соборен, тоа беше затоа што луѓето се собираа на улиците и го поставуваа тоа барање“, рече таа.
Демонстрантите се собраа денес во Логан Серкл во Вашингтон.
NOW: Thousands marching for “No Kings” in NYC against Military Parade in Washington DC pic.twitter.com/jzfBbuMZ6H
— Oliya Scootercaster 🛴 (@ScooterCasterNY) June 14, 2025
Организаторите изјавија за „NBC News“ дека сакаат протестите да останат ненасилни.
Голдман рече: „Кога создавате ситуација каде што го нарушувате секојдневното функционирање преку вашиот ненасилен, но решителен отпор, го менувате она што е можно и создавате политички услови каде што отстранувањето на Трамп може да стане остварливо“.
Свет
(Фото) Ова е осомничениот кој облечен како полицаец пукаше во политичарите во Америка
Поранешен помошник на гувернерот на Минесота, Тим Волц, се бара во врска со атентатот врз државен претставник и напад врз сенатор, соопштија полициски извори.
Ванс Лутер Боелтер наводно се претставувал како полицаец кога пукал во сенаторот Џон Хофман и неговата сопруга во нивниот дом во Чамплин рано во саботата, тешко ранувајќи ги пред да се упати кон домот на поранешната претседателка на Претставничкиот дом, демократката Мелиса Хортман – каде што ја убил неа и нејзиниот сопруг, изјавија извори за „Пост“.
57-годишниот Боелтер бил назначен од Волц во 2019 година на четиригодишен мандат во Одборот за развој на работната сила на гувернерот, покажуваат документите.
Претходно, во 2016 година, тој бил член на Советот на гувернерот за развој на работната сила под тогашниот гувернер на Минесота, Марк Дејтон.
„Д-р Венс Боелтер е извршен директор на ‘Red Lion Group’, со седиште во Демократска Република Конго. Тој е исто така извршен директор на ‘Praetorian Guard Security Services,’ со седиште во Минесота. Д-р Боелтер има диплома за меѓународни односи од Државниот универзитет Сент Клауд во Минесота. Има магистерска диплома по менаџмент и докторат по лидерство за унапредување на учењето и услугите од Универзитетот Кардинал Стрич во Милвоки, Висконсин. Работел со полно работно време за некои од најголемите компании во неговата индустрија, вклучувајќи ги Нестле, Дел Монте, Тесоро, „Маратон Спидвеј и 7-Елевен. Работел во операции, технички услуги, контрола на квалитет и континуирано подобрување. Д-р Боелтер има искуство во Источна Европа, Блискиот Исток и Африка. Моментално живее во Минесота со сопругата Џени и нивните деца“, се вели во неговата официјална биографија.
Minnesota gunman sought in deadly shootings of lawmaker, her husband identified as former appointee of Tim Walz: sources https://t.co/1oADkNU12q pic.twitter.com/an9YfIPwTi
— New York Post (@nypost) June 14, 2025
Убиецот имал леток во својот автомобил на кои пишувало „Не на кралевите“, што се однесува на планираните протести против администрацијата на Трамп во саботата, како и „манифест“ и список на имиња на други политичари, соопшти полицијата, која накратко го опколила вооружениот човек во домот на Хортман пред осомничениот да избега.
Осомничениот бил облечен како униформиран полицаец и управувал возило кое „изгледало точно како полициски теренец“. Бело опремено со светла, светла за итни случаи и изгледало точно како полициско возило“, објасни началникот на полицијата Марк Брули.
На прес-конференција, гувернерот Тим Валц ја нарече смртта на Хортман и нејзиниот сопруг „политички атентат“.
Свет
(Видео) Нов бран на надеж среде војната, Украина и Русија повторно разменија заробеници
Украина и Русија извршија нова размена на воени заробеници, четврта по ред само оваа недела, соопштија официјални претставници од двете земји. Договорот за овие разменувања бил постигнат на почетокот на јуни во Истанбул, со посредство на меѓународни актери.
Претседателот на Украина, Володимир Зеленски, преку објава на социјалните мрежи ја потврди најновата акција за ослободување на украински државјани од руски заробенички логори.
„Продолжуваме да ги ослободуваме нашите сограѓани од руско заробеништво, ова е четвртата размена за една недела“, напиша Зеленски, истакнувајќи го напорот на украинските институции да обезбедат повраток на своите војници.
Од другата страна, и руското Министерство за одбрана преку соопштение на Телеграм го потврди договорот.
„Во согласност со договореното, уште една група руски војници е вратена од териториите под контрола на Киев“, соопшти рускиот министер за одбрана Андреј Белусов.
Иако деталите за бројот на ослободени заробеници не беа веднаш објавени, од двете страни е нагласено дека размените се дел од постојан дипломатски канал што останува активен, и покрај жестоките борби на фронтот.
Убиени политичарка и нејзиниот сопруг во САД, ранети сентатор и неговата сопруга
Гувернерот на Минесота, Тим Волц, изјави дека поранешната претседателка на Претставничкиот дом, Мелиса Хортман, и нејзиниот сопруг, Марк, биле убиени...
Од идеја до бизнис со помош на државата, Владата обезбеди 40 милиони евра
Министерот за економија и труд, Бесар Дурмиши, денеска престојуваше во Тетово каде што оствари работна посета и средба со граѓани,...
Маж нападнал девојче со нож, полицијата пукала за да го спречи, но тој избегал
Велешката полиција вчера попладне испукала неколку предупредувачки куршуми во воздух во обид да го спречи нападот од 23-годишно лице кое...
Мицкоски: Земјоделците се херои на денешницата, Владата останува посветена на нивната поддршка
На манифестацијата „Од нива до трпеза“, која денеска се одржува во Скопје, премиерот Христијан Мицкоски упати јасна порака за поддршка...
Го следеле од менувачница, го нападнале и му ги зеле парите
Основното јавно обвинителство Куманово поведе истражна постапка против две лица осомничени за кривично дело – Разбојништво по член 237 став...
СДСМ тврди дека Јанев и Тошковски знаеле сè, а се сомневаат и во уништување на докази
Приведените полициски службеници за трагедијата во Кочани се истите за кои СДСМ со месеци наназад алармираше, објавуваше факти и аргументи...
Две лица загинаа, а 19 се ранети во четвртиот ирански напад врз Израел
Иран утрово започна четврти бран ракетни напади врз Израел, во рамки на Операцијата „Вистинско ветување 3“, соопшти иранската државна телевизија....
Денеска топол ден низ цела Македонија
Управата за хидрометеоролошки работи (УХМР) информира дека денеска нѐ очекува претежно сончево и топло време, со слаб до умерен ветер,...
(Видео) ВМРО-ДПМНЕ ги објави имињата на уште осум кандидати за градоначалници
Извршниот комитет на ВМРО-ДПМНЕ, вечерва во Штип определи уште осум кандидати за градоначалници за претстојните локални избори. ВМРО-ДПМНЕ донесе одлука...
(Видео) Се шират снимки од иранскиот напад врз Израел
На социјалните мрежи се шират снимки од иранскиот напад врз Тел Авив. Иран истрела стотици различни балистички ракети кон Израел,...
Иран: Одмаздата против Израел почна
Иран потврди дека почнал да се одмаздува против Израел, јавува државната новинска агенција ИРНА. Иран истрела стотици различни балистички ракети...
(Видео) Во Гази Баба се гради огромна дива депонија без никакви дозволи, објави Арсовска
Во општина Гази Баба, фирма затекната од инспекторат на град Скопје при вршење нелегални активности, правење огромна дива депонија со...
За двајца поранешни министри запрена постапката за трагедијата во Кочани
За 11 лица е запрена постапката и нема да се гонат за трагедијата во Кочани бидејќи немало доволно докази, а...
Полицајците во „Пулс“ не презеле мерки да спречат активирање на пиротехниката, чие палење не било пријавено во полиција
Истрагата за пожарот во Кочани вчера беше проширена на уште 13 полицајци од СВР Штип. Според информациите на МВР, тие...
Без дозвола реконструиран, со употреба на несоодветни материјали: дискотеката во Кочани не ги исполнувала ниту минималните услови за угостителска дејност
Вчера се приведени 13 лица инволвирани во трагедијата во Кочани, потсети денеска на прес-конференција јавниот обвинител, Љупчо Коцевски. Тој извести...
Владата блокира уште 173 интернет-страници за онлајн-коцкање, информира Меџити
Владата донесе одлука за блокирање 173 интернет-страници за онлајн-коцкање, кои на нелегален начин нудеа услуги за игри на среќа во...
Укинувањето на царините за стоките од САД не е само трговска одлука, туку и дипломатски чекор, вели Стојанова
Со новите измени и дополнувања на Законот за царинските тарифи, Собранието ќе даде зелено светло на планот на Владата да...
Како ќе одговори Иран на Израел: пет можни сценарија
Израел го нападна Иран преку ноќ. Според израелски воени извори, погодени се објекти поврзани со нуклеарната програма на Иран и...
Успешно изведени две трансплантации на коска од починат донор на Клиниката за ортопедски болести
На Клиниката за ортопедски болести успешно се изведени две сложени трансплантации на коска од починати донори, со што продолжува примената...
ГЕРБ: Властите во Скопјe треба да ја запрат репресијата врз Бугарите во РСМ
Пратеничката група на ГЕРБ изрази несогласување со пресудата на Основниот суд во Битола против Љубчо Георгиевски. Од собраниската говорница утрово,...
