Спорт
Роман Абрамович отруен за време на преговорите за мир во Украина?

Газдата на Челси, рускиот милијардер Роман Абрамович е дел од малата група на луѓе кои биле отруени по мировен состанок во украинската престолнина Киев, со симптоми на црвени очи и паѓање на кожата, тврди „Вол стрит џурнал“.
Абрамович и два члена на украинскиот преговарачки тим веднаш по состанокот добиле болни симптоми. Рускиот милијардер наводно добил писмо од рускиот претседател Владимир Путин со закана за украинскиот претседател Володимир Зеленски во која стоело: „Кажи им дека ќе ги уништам“.
Абрамович веднаш по почетокот на војната во Украина беше посочуван како можен преговарач поради блискоста со Путин, но и со дел од украинските олигарси. Британската влада го санкционираше долгогодишниот газда на Челси, по што тој реши да го продаде клубот по 19 години.
Russian oligarch Roman Abramovich and Ukrainian peace negotiators suffered symptoms of suspected poisoning after a meeting in Kyiv earlier this month, people familiar with the matter said https://t.co/uuf16onHCu
— The Wall Street Journal (@WSJ) March 28, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Нико Вилијамс му рекол „Да“ на Баерн

Нико Вилијамс (22) им порачал на челниците на Баерн дека е отворен за трансфер во Германија. Менаџерот веќе ги започнал преговорите со германскиот шампион.
Крилниот напаѓач на Атлетик Билбао го привлекува вниманието на бројни европски гиганти благодарение на одличните настапи во шпанската репрезентација и Ла Лига.
Баерн го гледа како потенцијално засилување на левото крило, а интерес за Вилијамс покажаа и клубови од Премиер лигата. Неговата откупна клаузула е „само“ 58 милиони евра.
Спорт
Гвардиола: Го отпишав тој гад, а потоа даде 200 гола

Пеп Гвардиола беше гостин на YouTube каналот „xBuyer“, кој го водат браќата Хавиер и Ерик Руиз и има 5,7 милиони претплатници.
Домаќините го замолија да им даде совет на младите ѕвезди за да не се занесат премногу, а Пеп одговори вака: „Немам многу да им кажам на младите генерации денес. Ние страдавме многу повеќе. Навистина ми беше тешко. Доаѓате на Камп Ноу на прес-конференција, а има 50 новинари кои ве критикуваат…
Но, имавме ветерани кои нè штитеа. Покрај тоа, тие знаеја како да ние „удрат по прстите“. Тоа е најдобриот начин да се учи. Но, морам да додадам дека ни беше полесно во смисла дека немавме социјални мрежи како што имаат денешните млади фудбалери“.
Пеп се осврна на сегашната генерација млади ѕвезди на Барселона: „Тие играат фудбал како да се на училишно игралиште. Ги гледам тие 17-годишници и 19-годишници како играат против Реал на „Бернабеу“ и во полуфиналето на Лигата на шампионите како да се на училишно игралиште“.
Конечно, Гвардиола беше замолен да открие анегдота од неговата богата кариера што секогаш му тера да се насмее.
„Многу го сакам Серхио Агуеро. Тој е еден од најскромните великани што ги познавам. Тој го постигна најважниот гол во историјата на Сити. Благодарение на тој гол, со кој ја освои првата англиска титула во историјата на клубот, Сити почна да верува.
Се сеќавам на денот кога му кажав на Агуеро дека нема да му го обновиме договорот. Ми беше многу тешко да му кажам дека е отпишан. А потоа подоцна на тренингот тој ден, тој гад постигнува 200 гола! Имаше лице кое ми говореше: „Сега ќе му покажам на овој Ци*ан… 200 гола!“ Му реков: „Серхио, ќе ти го продолжиме договорот, згрешив!“ А потоа во последниот натпревар постигна два гола. Беше привилегија да го тренирам Агуеро. Тој беше уникатен талент.“
Спорт
Најпродуктивниот напаѓач во светот стапи во штрајк

Виктор Ѓокерес, извонредниот напаѓач на Спортинг, стапи во штрајк. Нема да доаѓа на тренинзите на шампионите на Португалија до понатамошно известување.
Шведскиот репрезентативец имал договор со раководството на клубот дека ќе биде продаден доколку некој понуди обештетување од 75 милиони евра.
Сепак, челниците на тимот од Лисабон се предомислија и бараат повеќе пари. Според извештаите, претседателот сега сака 100 милиони евра за неговата продажба, што е премногу, дури и за најбогатите тимови.
Поради ова, Ѓокерес се одлучил за радикален потег, се додека не ги принуди луѓето од Спортинг да ја променат својата одлука. Арсенал и Манчестер јунајтед покажаа најголем интерес за напаѓачот.
Минатата сезона, Ѓокерес постигна 54 гола, а за две сезони, вкупно 97 во 102 натпревари за Спортинг. Во шампионатот на Португалија, тој ја погоди мрежата неверојатни 39 пати во 33 натпревари, што го прави најпродуктивен играч во Европа.
Тој пристигна во Лисабон во 2023 година од Ковентри за 23 милиони евра.