Спорт
МВП партија на Јокиќ, Денвер славеа во Шарлот – Вориорс паднаа во Мемфис
Денвер Нагетс славеа во Шарлот со 113.109, речиси ја обезбедија шестата позиција пред почетокот на плејофот, а до крајот на регуларниот дел од сезоната ќе се обидат да ја престигнат Јута на петтото место. Јуа има само една победа повеќе од Денвер.
Нагетс победија на 23.натпревар на гостински терен од почетокот на сезоната, што претставува рекорд на франшизата.
До триумфот ги предводеше Никола Јокиќ со 19.трипл-дабл во сезоната. Српскиот центар натпреварот го заврши со 29 поени, 19 скокови и 11 асистенции.
Изминатата ноќ победа на својот тим му донесе и сонародникот на Јокиќ, Богдан Богдановиќ. Атланта Хокс победија во Индијанаполис со 132:123. Богдановиќ против Индијана постигна 29 поени, Клинт Капела го следеше со 22 поени и 15 скокови.
Голден стејт Вориорс го запишаа четвртиот пораз на последните пет натпревари. извесно е дека Вориорс во пелјофот ќе влезат од третата позиција на Западот. Изминатата ноќ, Вориорс доживеаја пораз од Мемфис Гризлис 123.95.
Без најдобрите играчи Кари, Грин, Томпсон, Голден стејт немаа шанси против Мемфис. Џордан Пул беше најефикасен со 25 поени.
Мемфис го предводеа Бејн со 22, односно Мелтон и Брукс со по 21 поен.
Резултати:
Кливленд-Орландо 107:101
Мајами-Сакраменто 123:100
Њујорк-Чикаго 109:104
Торонто-Бостон 115:112
Хјустон-Сан Антонио 120:123
Портланд-Оклахома 131:134.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Скандал во Подгорица – голманот на Будуќности нокаутира соиграч
Будуќност и Сутјеска ремизираа 2:2 во најголемото црногорско дерби. Натпреварот остана во сенка на инцидентот што се случи неколку минути по последниот свиреж на судијатај.
Играчите на Будуќност, по завршувањето на натпреварот застанаа пред северната трибина, беа на рапорт кај навивачите кои од нив побараа да ги соблечат дресовите.
Тогаш голманот Ѓорѓије Павличиќ го нокаутираше соиграчот Игор Ивановиќ.
Павличиќ потоа замина во соблекувалната.
Инаку, Будуќност е втор на табелата со 55 бодови, а Сутјеска е трета со два бода помалку. Дечиќ на четири кола пред крајот на првенството има три бода повеќе и подобар меѓусебен скор во однос на Будуќност.
Спорт
(Видео) Атлетико ја доби битката за Лигата на шампионите
Фудбалерите на Атлетико Мадрид на домашен терен го победија Атлетик Билбао со 3:1 во 33.коло на Ла Лига.
Дербиот на „Цивитас Метрополитано“ беше директна борба за последното место кое води во Лигата на шампионите, следната сезона, а до кое сега се поблиску „јорганџиите“.
Родриго Де Пол им донесе предност на домашните по 15 минути игра. Но првото полувреме мина во сенка на расистичкиот инцидент. Некој од трибините го навреди Нико Вилијамс, поради што натпреварот кратко беше прекинат.
Неколку минуит подцна, помладиот од браќата Вилиујамс го постигна израмнувачкиот гол. На голот му претходеше катастрофалната грешка на Гризмам.
Во продолжението, Анхел Кореа во 52.минута му ја пврати предноста на Атлетико. Аргентинецот погоди по брилијантната аситенција на Коке.
Од тој момент гостите ја презедоа иницијативата, но не успеаја да направат ништо сериозно пред голот на Облак.
Конечниот резултат беше поставен во 80.минута, по ударот на Лино топката од стативата се одби од раката на голманот Симон и заврши во голот.
Атлетико сега има шест бода повеќе од ривалот од Баскија.
Во следното коло двете екипи заминуваат на гости. Атлетико во Мајорка, а Билбао повотрно ќе допатува во Мадрид на дуел со Хетафе.
Спорт
(Видео) Челси на „Вила парк“ се врати од 0:2, ВАР му ја украде победата во 96.минута
Астон Вила и Челси ремизираа 2:2 во 35.коло во Премиер лигата. Вила имаше предност од 2:0, Челси се врати во вториот дел, а целосен пресврт не дозволи ВАР и судијата Крег Полсон.
Астон Вила ги надигра гостите од Лондон во првото полувреме и на паузата замина со предност од два гола. Марк Кукуреља во четвртата минута си постигна авто-гол, а Роџерс во 42. зголеми на 2:0.
Челзи не делуваше добро на теренот се до 62.минута кога Нони Мадуеке успеа да го намали резултатот.
Гостите израмнија во 81. минута, кога Конор Галагер, кој асистираше за првиот гол, брилијантно го погоди во подалечниот агол на Робин Олсен, кој влезе во игра на местото на Емилијан Мартинез.
До крајот на мечот Оли Воткинс имаше добра шанса пред голот на Петровиќ, но не беше прецизен.
Аксел Дисаси ја погоди мрежата на Олсон во 96.минута, но голот беше поништен по интервенцијата на ВАР, поради наводниот фаул на Беноа Бадијашил, кој асистираше за голот.
Вила остана на четвртото место на табелата со 67 бодови, седум повеќе од Тотенхем кој има дури три натпревари помалку.
Челзи е на деветтата позиција со 48 бодови, со само теоретски шанси да се вклучи во борбата за шестото место кое носи пласман во Конференциската лига.