Македонија
Герасимовски: Конкурсните решенија за „Треска“ не се финални проекти, туку само идеи, неусогласени со ДУП-от и законите

Трите конкурсни решенија за просторот кај „Треска“, кои беа направени набрзина, не може да се применат во целост бидејќи не се усогласени со ДУП-от, како и со имотно-правната сопственост, односно не се во согласност со важечките законски прописи. Не постои закон со кој се утврдува конкурсно решение да биде вметнато во ДУП-от, а во случајот не станува збор за финални проекти, туку само идеи или предлози за нешто што би можело да се направи на локацијата.
Градоначалникот на општина Центар, Горан Герасимовски, ги наследи овие конкурсни решенија, кои беа распишани по барање на претходниот Совет во Општината пред тој да стапи на функцијата. По преземањето на функцијата, Герасимовски направил широка консултација со службите и правниот сектор за овие решенија и нивната применливост. Конкурсот, иако бил распишан по барање на претходниот Совет, никој не проверил дали очекуваните конкурсни решенија законски е возможно да бидат целосно вградени во идни плански документи.
„Овде имаме ситуација каде што предложените решенија воопшто не кореспондираат ниту со сопственоста ниту, пак, идејните решенија кореспондираат со актуелниот ДУП. Во суштина, ќе се направи обид да се искористи максимум од идејните решенија, но не може да се применат во целост, односно во постапката за донесување ДУП Градска четврт З-11, локалитет Буњаковец 1 и Буњаковец 2 секако дека ќе се земат предвид конкурсните решенија, но крајното решение за овој опфат ќе се решава интегрално како дел од опфатот на целиот ДУП, а ќе зависи и од другата законска регулатива што имаме обврска да ја почитуваме, како и параметрите од ГУП на Град Скопје“, вели Герасимовски во интервју за „Локално“.
Дека трите конкурсни решенија не може да бидат вградени во идните плански документи, констатирала и жири-комисијата, која ги оценувала конкурсните идејни проекти, вели градоначалникот на општина Центар.
„Како што е евидентно и во самиот извештај, сите три понудени идејни решенија на конкурсот не соодветствуваат со зададените параметри, при што дури и прворангираното идејно решение ја надминува дозволената катност за 3 ката (предвидува комбинирана катност од четири и осум ката); второрангираното предвидува станбени блокови со шест ката и станбени кули со дури седумнаесет ката, а во треторангираното предвиден е вертикален елемент – кула од 71 метар со намена хотел. Наспроти ова, на опфатот ‘Треска’, ДУП-от предвидува максимална катност од приземје плус 5 ката или максимална висина од 16 метри. Иако висината не е единствениот параметар што се гледа урбанистички, сепак понудените конкурсни решенија излегуваат од важечката регулатива поради што може да се користат само во делови“, изјави градоначалникот.
Герасимовски вели дека идејните конкурсни решенија веќе биле достапни во јавноста, освен на страницата на Општината, каде што беа објавени, тие може да се најдат и во интернет-просторот, како, на пример, на страницата на „Македонска архитектура“ на следниот линк: https://marh.mk/izvestaj/ заедно со нивна визуализација, како и целосниот извештај на жири-комисијата за избор на идејно решение.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
32-годишен скопјанец осомничен за разбојништво во Бучимци: маскиран и со ловечки нож ограбил соселанец

Јавен обвинител од Основното јавно обвинителство Скопје поведе постапка против едно лице осомничено за кривично дело – Разбојништво од член 237 став 4 во врска со став 1 од Кривичниот законик.
Осомничениот 32-годишен скопјанец, на 18 август, маскиран со маица со која си го покрил лицето и капа, преку незаклучена влезна врата влегол во домот на негов соселанец во селото Бучимци. Во рацете држел ловечки нож и кога во една од собите го затекнал сопственикот, му се заканил дека ќе го убие ако не му даде пари.
Оштетениот, исплашен за својот живот, извадил 4.000 денари од комодата, но го замолил разбојникот да му дозволи да задржи барем 1.000 денари, бидејќи му се неопходни.
Осомничениот се согласил и го напуштил местото со 3.000 денари кои противправно ги одзел од сопственикот.
Јавниот обвинител до судијата на претходна постапка достави предлог за определување мерка притвор за осомничениот, бидејќи постојат околности кои укажуваат на опасност од бегство, можност за влијание врз сведокот/оштетен со заплашување и уценување, како и можност да го повтори делото.
Македонија
Зголемена фреквенција на возила на граничните премини Табановце и Богородица

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП „Табановце“ времето на чекање за влез е околу 20 минути, за излез е околу 40 минути.
На ГП „Богородица“ времето на чекање за излез знесува околу 20 минути, додека на останатите гранични премини од македонска страна нема подолги задржувања при влез или излез од државата.
Македонија
Вицепремиерот Николоски во Будимпешта на прослава на Националниот ден на Унгарија

Вицепремиерот Александар Николоски на покана на премиерот на Унгарија, Виктор Орбан, присуствува на Националниот ден кој се слави во чест на Свети Стефан основачот на унгарската држава и христијанството во Унгарија.
Покрај учеството на прославата на националниот ден, предвидени се повеќе средби со високи претставници на владата на Унгарија, неколку министри и потенцијални инвестиции. На средбите е предвидено да се разговара за динамиката на проектите во Македонија како и за идната засилена економска соработка помеѓу двете држави.
Посетата на вицепремиерот е уште една потврда за одличното пријателство и соработката помеѓу Македонија и Унгарија, се додава во соопштението на Министерството за транспорт.