Свет
Запленет луксузен „мерцедес“ на руски олигарх, отпорен на куршуми
Италија запленила луксузна лимузина отпорна на куршуми и вредна 670.000 долари, која му припаѓа руски олигарх, објави италијанскиот весник „Кориере дела сера“.
Властите запленија црн „мерцедес-мајбах С650 гард вр10“ на рударскиот и телекомуникациски тајкун Алишер Усманов на Сардинија, се наведува во извештајот.
Италијанската даночна полиција во вторникот за „Тајмс“ потврди дека автомобилот бил меѓу имотот на Усманов на островот, а кој бил запленет.
Russian oligarch Alisher Usmanov’s £550,000 armoured Mercedes Maybach is seized in Sardinia
#Please #Follow #for #more #mahantheshhttps://t.co/nqQSjpv7qZ
— Vinu Mahanthesh G (@iam_mahanthesh) March 31, 2022
Локален италијански весник исто така во вторникот објави дека властите го заплениле неговиот имотен комплекс вреден 17 милиони евра или околу 19 милиони долари, и шест негови корпоративни возила. Неговиот конфискуван имот на Сардинија изнесува вкупно 66 милиони евра или околу 73 милиони долари.
Властите во Сардинија и претставниците на Усманов не одговорија веднаш на барањата за коментар за извештаите за заплената.
„Мајбах“ тежок пет тони вреди околу 600.000 евра или околу 670.000 долари и е опремен со оклоп и прозорци дебели 10 сантиметри дизајнирани да издржат експлозии и напади со митралез, објави „Кориере дела сера“. „Мерцедес“ соопшти дека може да издржи две гранати да експлодираат во исто време.
Усманов беше санкциониран од Европската Унија на 28 февруари. Во извештајот на Советот на ЕУ се наведува дека тој има особено блиски врски со рускиот претседател Владимир Путин и дека важи за еден од неговите омилени олигарси.
Портпаролот на милијардерот, кој исто така беше цел на санкциите на Велика Британија и САД, изјави за „Гардијан“ минатата недела дека тој префрлил дел од својот имот, вклучително и две вили во Велика Британија, на неотповикливи средства и дека повеќе не ги поседува.
Усманов е петтиот најбогат човек во Русија, со проценета нето-вредност од 18,7 милијарди долари, според индексот на милијардери на „Блумберг“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Објавено е драматично видео од последиците од ураганот Хелен: „Ова е пост-апокалиптично“
Новите снимки откриваат огромни штети во Северна Каролина по ударот на ураганот Хелен, кој ја опустоши американската сојузна држава предизвикувајќи катастрофални поплави. Членот на градскиот совет на Шарлот, Тарик Бохари, сподели фотографија од езерото Луре преполно со отпадоци, опишувајќи ја сцената како „пост-апокалиптична“.
Ураганот Хелен, кој на крајот на минатата недела ги опустоши југоисточните држави на САД, предизвика катастрофални поплави од Флорида до Вирџинија, огромни материјални штети и според последните податоци однесе најмалку 90 животи.
Жителите на југоисточните американски држави почнаа со санирање на штетите, откако милиони луѓе останаа без струја, а беа уништени домови, патишта и мостови.
Најмалку 90 луѓе ги загубија животите во невремето, пресмета „Ројтерс“ врз основа на податоците на локалните власти во Јужна и Северна Каролина, Флорида, Џорџија, Вирџинија и Тенеси. „Си-ен-ен“, пак, јавува за вкупно 93 загинати лица.
Според последните податоци, најмногу луѓе, од кои 36, починале во Северна Каролина. Јужна Каролина пријавила 25 смртни случаи, Џорџија 17, а Флорида 11. Вирџинија пријавила два смртни случаи, како и Тенеси.
Се стравува дека бројот на загинати може да биде поголем. Осигурителните компании проценуваат дека штетата предизвикана од ураганот Хелен би можела да изнесува меѓу 15 и повеќе од 100 милијарди долари.
Свет
„Не можам повеќе ни да плачам од толку многу тага“ – над 6.000 луѓе во Романија евакуирани поради поплавите
Повеќе од 6.000 луѓе од 28 населени места се евакуирани, повеќето од округот Галаци, поради неповолните временски услови, објави Генералниот инспекторат за вонредни состојби (ИГСУ), истакнувајќи дека се потребни интервенции на 116 места во 29 окрузи поради последиците од обилните дождови и ветер.
Еден по еден, жителите на населбите од областа Галаци, жандармеријата ги носеше во спортска сала, отккао невремето го уништи нивниот имот.
„Не можам повеќе ни да плачам од толку тага. Поплави господине! Нè уништија поплави. Трет пат. Два и пол метри вода. Сè е уништено”, рекла една старица.
„Седиме тука за да не не’ фати пак дождот, и повеќе не размислуваме дека водата ќе дојде и ќе не однесе. Седиме тука. Тоа е тоа! Што да правиме? Водата беше до покривот од куќата немам телефон да ви покажам слики, за да можете да видите“, рече еден жител.
Со солзи во очите, дури и далеку од опасност, луѓето цела ноќ не можеа да ги затворат очите. Како што велат, повторно го преживуваат ужасот што ги снашол.
„Сè во куќата е уништено, ѕидовите испукани, до висина на мојата глава. Го молам Бога да не дојде вечерва водата, за да се вратам дома“.
„Се надевавме дека водата нема повторно да дојде, но две недели подоцна, ете ја повторно. Ги напуштивме животните, оние кои преживеаја минатиот пат, оние кои успеавме да ги спасиме. Не сме завршиле со чистење на калта, ништо не сме завршиле“, рекоа мештаните.
Од паднатите дрвја оштетени се 14 возила и два објекти. Спасени се 11 лица кои беа блокирани на шумскиот пат во Ковасна. Поморскиот и речниот сообраќај е прекинат.
Свет
(Видео) Прво обраќање на Хезболах по убиството на нивниот лидер: „Подготвени сме за израелска копнена инвазија“
Заменик-шефот на Хезболах, Наим Касем на почетокот на обраќањето рече дека групата изгубила брат и водач кога Израел го убил Хасан Насрала.
Тој изрази сочувство до семејствата на сите загинати во истиот напад.
“He was loved by the people”
Hezbollah deputy chief Sheikh Naim Qassem offers condolences to Ayatollah Khamenei over the martyrdom of Sayyed Hassan Nasrallah, also mentioning the characteristics of the martyred Hezbollah leader. pic.twitter.com/AF8SC7JB15
— Press TV 🔻 (@PressTV) September 30, 2024
„Тој беше сакан од народот“, рече заменик-шефот на Хезболах.
Касем вели дека израелските сили убиваат и масакрираат цивили. „САД се партнер на Израел, преку неограничена воена поддршка – културно, политички, финансиски“, рече тој.
„Ние сме сосема подготвени доколку Израелците сакаат копнена инвазија, силите на отпорот се подготвени за тоа. Се подготвивме и сме подготвени. Непријателот на Израел нема да ги постигне своите цели“, рече тој.
Ова е прв ваков говор откако лидерот Хасан Насрала беше убиен во израелски напад, пренесува АФП.