Европа
(Од минута во минута) Одржан важeн состанок меѓу Кина и ЕУ. Кремљ: Нема веднаш да го исклучиме гасот за Европа
Специјалната операција на руската армија во Украина денеска влезе во 37. ден
Клучни настани
Денеска продолжуваат преговорите
Ултиматумот на Путин за рускиот гас стапува на сила
Русите тврдат дека Украинците го нападнале нивното складиште за нафта
Украинците ослободија две села во близина на Чернихив
Од минута во минута
21:05 Шефицата на Европскиот парламент го посети Киев: Ќе помогнеме во обновата кога војната ќе заврши
Претседателката на Европскиот парламент Роберта Мецола во Киев изјави дека Европејците стојат покрај Украина и ќе и помогнат да ги обнови нејзините градови по завршувањето на војната со Русија.
20:50 Размена на воени заробеници меѓу Украина и Русија
Вицепремиерката и министерка за реинтеграција на привремено окупираните територии Ирина Верешчук соопшти дека е извршена втората размена на воени заробеници меѓу украинската и руската страна.
19:55 Украински функционер: Не го ракетиравме Белгород
Во говорот на националната телевизија, секретарот на Советот за безбедност Олексеј Данилов ги негираше руските обвинувања, пренесува „Ројтерс“.
„Поради некоја причина тврдат дека сме го направиле тоа, но според нашите информации тоа не соодветствува со фактите“, кажал Данилов.
Tres depósitos de combustible ardiendo y varios dañados era el balance hace unas horas del ataque esta pasada madrugada en #Belgorod. Aún siguen las llamas. En Belgorod las gasolineras han racionado el combustible a 20 litros repostaje en previsión. pic.twitter.com/oSnqeuw0qd
— Alfonso Poza (@alfonso_poza) April 1, 2022
19:25 Кинескиот претседател до меѓународната заедница: Не додавајте масло на огнот
Кинескиот претседател Кси Џинпинг ја повика меѓународната заедница да го поддржи преговарачкиот процес меѓу Русија и Украина наместо да долева масло на огнот.
19:00 Германија: Поранешен офицер шпионирал за Русија
Германија поднела обвинение против поранешниот резервен офицер Ралф Г. за шпионажа за Русија, соопшти денеска Федералното јавно обвинителство.
Осомничениот Ралф Г. на руските агенти им дал бројни документи и информации за германската армија во периодот од 2014 до март 2020 година, истакна обвинителката Инес Петерсон во изјавата, пренесува „Ројтерс“.
18:30 ЕУ почнува да набавува опрема за деконтаминација во случај на нуклеарна опасност
Европската Унија започна операција за складирање залихи за да ја зајакне својата одбрана од хемиски, нуклеарни и биолошки инциденти поради загриженоста за конфликтот во Украина, објавил Ројтерс, повикувајќи се на официјални записи и документи на ЕУ и извори запознаени со ситуацијата.
17:30 ЕУ ја предупреди Кина: Не ѝ помагајте на Русија во војната, тоа ќе го наруши вашиот углед
Лидерите на ЕУ ја предупредија Кина да не ѝ помага на Русија во нејзината агресија против Украина, бидејќи тоа ќе им наштети на нејзините економски интереси и углед.
„Постојат репутациски ризици за Кина ако ѝ помогне на Русија. Ниту еден европски граѓанин не би ја сфатил поддршката на Кина за способноста на Русија да води војна“, рече претседателката на Европската комисија Урсула фон дер Лаен на прес-конференција по виртуелниот самит ЕУ-Кина.
Директорот на нуклеарната централа во Чернобил изјави дека е невозможно да се одреди степенот на радијација на кој биле изложени руските војници додека ја окупирале територијата.
15:50 Одржана средба меѓу Кина и ЕУ – Пекинг одбива да заземе страна во војната во Украина
Пекинг се противи на заземање страна во руската инвазија на Украина, им рекол кинескиот премиер Ли Кечијанг на претставниците на Европската Унија.
Ли на претседателот на Европскиот совет, Шарл Мишел, и на претседателката на Европската комисија, Урсула фон дер Лаен, преку видеоврска им порачал дека Кина се противи на поделбата на блокови и заземање страни, изјавил кинески дипломат.
14:25 Украина не потврдува, но не ни одрекува дека нападнала руска територија
Украинскиот министер за надворешни работи, Дмитро Кулеба, изјави дека не може да ја потврди или негира наводната вмешаност на Украина во нападот на складиштето за гориво во рускиот град Белгород, бидејќи не знаел за сите воени информации, пренесува „Ројтерс“.
13.05 „Ројтерс“: Нова експлозија во рускиот град Белгород
Новата експлозија одекнала околу 13 часот по московско време во рускиот град Белгород, каде што рано денеска, според локалните власти, украинските сили погодиле складиште за нафта, јавува „Ројтерс“ повикувајќи се на очевидци
13.00 Анкета: 79 отсто од Русите ги одобруваат активностите на Путин
Огромно мнозинство Руси, 79 отсто, ги одобруваат активностите на претседателот Владимир Путин, а речиси 81 отсто му веруваат, покажуваат резултатите од анкетата спроведена денеска од Серускиот центар за истражување на јавното мислење (ВЦИОМ).
12.50 Лавров: Напредок во преговорите, Москва го подготвува својот одговор на украинските предлози
Рускиот министер за надворешни работи, Сергеј Лавров, денеска изјави дека е постигнат одреден напредок во мировните преговори со Украина и дека Москва го подготвува својот одговор на предлозите на Украина претставени на последната рунда преговори.
12:35 Пристигна првата реакција на Кремљ за нападот на складиште за гориво во Русија
Според „Ројтерс“, од Кремљ изјавиле дека нападот на складиштето за гориво не создава добри услови за продолжување на мировните преговори.
Портпаролот на Владимир Путин изјавил дека рускиот претседател бил информиран за инцидентот и дека Русија прави сѐ што е можно за да го реорганизира синџирот на снабдување и да избегне нарушување на снабдувањето со гориво во градот, објави „Ројтерс“.
12.30 Русија засега нема да ја прекине испораката на гас за Европа
Русија од денеска нема да ја откаже испораката на гас за Европа, бидејќи плаќањата за испорачаниот гас по 1 април ќе пристигнуваат во втората половина на месецот и во мај, изјави денеска портпаролот на Кремљ, Дмитриј Песков.
12.25 Лавров и се заблагодари на Индија за „објективниот став кон Украина“
Русија ја цени објективната позиција на Индија за ситуацијата со Украина, изјави денеска во Њу Делхи рускиот министер за надворешни работи Сергеј Лавров
Украинскиот претседател Володимир Зеленски се заблагодари на Турција за нејзината подготвеност да биде гарант за безбедноста на неговата земја, јавува Анадолија.
11.40 Украински амбасадор во ОН: Откажувањето од Крим и Донбас е политичко самоубиство
Украина нема да отстапи ниту една своја територија во замена за мировен договор со Русија, изјави украинскиот амбасадор во Обединетите нации, Сергиј Кислица, пренесува „Анадолија“.
11:35 (Вознемирувачко видео) Би-си-си објави докази за воени злосторства кај Киев
Изброивме 13 тела на дел од патот не подолг од 200 метри меѓу села недалеку од Киев, тврди новинарот на Би-би-си. Потврдено е дека две тела се украински цивили убиени од руски војници. Другите и натаму не биле идентификувани и лежеле на местата каде што биле убиени. Двајца oд убиените носеле препознатливи униформи на украинската армија.
10:56 Го доведе ли Путин во заблуда Западот за неговата вистинска цел во Украина?
Тезата за лошите информации на Путин, врз основа на кои тој потоа носи лоши одлуки, стана официјален став на американскиот разузнавачки систем. Исто така, беше поставена јавна дијагноза за влошеното ментално и физичко здравје на рускиот претседател.
Но, што ако доминантното гледиште за ужасните грешки на Путин е всушност длабоко погрешно? Што ако не е слабо информиран, со психички проблеми, но на свој начин ги реализира целите, а Западот не разбира кои се точно целите на Путин?
10.50 Кина во пресрет на самитот со ЕУ: Остануваме независни за украинската криза
Кина одржува независен став за украинската криза, изјави денеска портпаролот на кинеското Министерство за надворешни работи, Жао Лиџијан, коментирајќи ги извештаите за планираниот притисок од политичарите на ЕУ врз Кина за време на денешниот самит ЕУ – Кина.
10.45 Русите го напуштија Чернобил – Украинците ја презедоа контролата над нуклеарната централа
Меѓународната агенција за атомска енергија (МААЕ) соопшти дека Украина потврдила дека руските војници го напуштиле Чернобил.
10.40 Британскиот министер за надворешни работи: Путин сам се затвори во кафез
Русија сега е „помала земја“ по инвазијата на Украина, изјави британскиот министер за одбрана Бен Валас
10:32 Медведев: Имаме тивко, но опасно оружје
Поранешниот претседател на Русија, Дмитри Медведев, има нов предлог.
Заменик-претседателот на Советот за безбедност на Русија предложи да се прошири списокот на производи од непријателски земји на кои им е забранет увоз во Русија велејќи дека Русија нема да купува ништо од таквите земји. Тој објасни и кое е тоа тивко, но застрашувачко оружје што го има Русија.
09.50 Украинскиот амбасадор во Јапонија: Очекуваме најсовремена воена опрема од Америка и Британија
Украина наскоро ќе може подобро да го заштити своето небо и градови од руските напади, бидејќи очекува да добие најсовремена воена опрема од САД и Велика Британија, изјави денеска украинскиот амбасадор во Јапонија Серхиј Корсунски
09.45 Русија денеска отвора коридор од Мариупол до Запорожје
На барање на францускиот претседател Емануел Макрон и германскиот канцелар Олаф Шолц до рускиот претседател Владимир Путин, Русија денеска ќе отвори хуманитарен коридор од Мариупол до Запорожје, пренесува ТАС С.
09.35 Русите со нова порака од ЕУ: Ќе одговориме на вашите санкции
Русија соопшти дека нема да бара од Европската унија укинување на санкциите, туку ќе одговори на нив, пренесе руската агенција РИА Новости
08.55 Украинците ослободија две села во близина на Чернихив
Министерството за одбрана на Велика Британија го објави најновиот извештај за настаните во Украина, во кој се наведува дека украинската војска ги ослободила селата Лукашивка и Слобода, недалеку од Чернихив.
Latest Defence Intelligence update on the situation in Ukraine – 01 April 2022
Find out more about the UK government's response: https://t.co/tazJHqMczF
?? #StandWithUkraine ?? pic.twitter.com/b1sBLFpfdb
— Ministry of Defence ?? (@DefenceHQ) April 1, 2022
08.45 ЕУ ќе ја охрабри Кина да не и помага на Русија во инвазијата
Кинескиот претседател Си Џинпинг, кој одби да го осуди рускиот напад врз Украина, утре ќе одржи тричасовен виртуелен самит со официјални претставници, на кој ќе присуствува и претседателката на Европската комисија Урсула фон дер Лаен. На почетокот на февруари, Кина и Русија објавија долга заедничка декларација во која се вели дека нивниот однос е „без граници“.
Нападнато складиште за нафта во рускиот град Белгород, а регионалниот гувернер Вјачеслав Гладков за тоа ја обвини Украина, велејќи дека големиот пожар бил предизвикан од воздушни напади на два украински хеликоптери
An oil depot is on fire in #Belgorod, #Russia.
"The emergency services went to the place of fire, measures are being taken to eliminate it", said Gladkov, the governor of the region in his Telegram channel. pic.twitter.com/ey7rC5ChSz
— NEXTA (@nexta_tv) April 1, 2022
Градоначалникот на Киев и поранешен светски шампион во бокс Виталиј Кличко во интервју за „Скај њуз“ изјави дека бројот на луѓе во главниот град на Украина е драстично намален од почетокот на инвазијата
"Russians, go away."
Vitali Klitschko told Sky News' Beth #RigbyInterviews programme that the people of Ukraine are defending their children and "the future".
Read more here: https://t.co/sR0pe4wSaz pic.twitter.com/1sUYT1rYSZ
— Sky News (@SkyNews) March 31, 2022
08.30 Денеска продолжуваат преговорите – Русија отфрли важен украински предлог
Мировните преговори меѓу Русија и Украина треба да продолжат денеска. Предвидено е тие да се одржат онлајн
08.20 Ултиматумот на Путин за рускиот гас стапува на сила
Ултиматумот за гас на рускиот претседател Владимир Путин денеска стапи на сила. Според овој ултиматум, сите клиенти ќе треба да го платат рускиот гас во рубли, од посебни сметки во банка посредник. Во спротивно нивното снабдување со гас ќе биде прекинато
Russian President Vladimir Putin said that he had signed a decree saying foreign buyers must pay in roubles for Russian gas from April 1, and contracts would be halted if these payments were not made https://t.co/aC1EXEZKVs pic.twitter.com/C7inwz2c5W
— Reuters (@Reuters) March 31, 2022
08.10 Бела куќа: Руската инвазија е стратешка катастрофа за Русија
Директорката за комуникации на Белата куќа, Кејт Бедингфилд, рече дека САД имаат докази дека руската инвазија на Украина е „стратешка катастрофа“ за Русија.
08.00 Зеленски на двајцата генерали им ги одзеде чиновите нарекувајќи ги антихерои
Украинскиот претседател Володимир Зеленски изјави дека им го одзел воениот чин на двајца генерали поради прекршување на воената заклетва за верност кон украинскиот народ, истакнувајќи дека нешто ги спречило да одлучат каде е нивната татковина.
Zelensky: Two Ukrainian generals dismissed for being "traitors" https://t.co/C7XavaIapi pic.twitter.com/CtaI8ClPD3
— The Hill (@thehill) April 1, 2022
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Турција претстави ново оружје кое може да погоди цели на оддалеченост од над 100 километри
Турската одбранбена компанија „Рокетсан“ премиерно ја претстави својата нова високобрзинска, повеќенаменска муниција наречена „Ерен“ на Светскиот саем за одбрана во Ријад, главниот град на Саудиска Арабија, објави Анадолија.
„Рокетсан“, водечкиот производител на ракетни системи и муниција во Турција, изложува широк спектар на свои производи на саемот, кој се одржува од 8 до 12 февруари.
Новата муниција „Ерен“ е развиена од идеја до оперативен производ за помалку од една година, соопшти „Рокетсан“. Веќе е успешно тестирана на повеќенаменското борбено беспилотно летало „Bayraktar Akinci“, а се очекува сериското производство да започне оваа година.
Муницијата е дизајнирана да ги задоволи оперативните потреби на Турските вооружени сили, како и на партнерските и сојузничките земји. Може да се лансира од беспилотни летала, хеликоптери, копнени возила, копнени системи за лансирање и поморски платформи.
Наменета е за справување со бавно движечки воздушни цели и оклопни и неоклопни копнени цели. „Ерен“ е опремен со напредни системи за наведување и има оперативен дострел од повеќе од 100 километри.
Европа
Британскиот премиер одбива да поднесе оставка
Британскиот премиер Кир Стармер ги отфрли повиците за оставка, дури и од неговиот партиски лидер во Шкотска, и рече дека ќе продолжи да се бори откако назначувањето на Питер Манделсон за амбасадор во Соединетите Држави ја втурна неговата влада во криза.
Под притисок поради назначувањето на човек чии врски со починатиот американски сексуален престапник Џефри Епстин се најдоа под лупа, Стармер се обидува да го промени наративот, но оставката на друг близок соработник и барањето за негово заминување покренаа дополнителни прашања за неговата проценка и способност за управување, објави Ројтерс.
Анас Сарвар, лидерот на шкотските лабуристи, стана највисокиот партиски функционер кој побара оставка од Стармер.
„Опструкцијата мора да заврши и раководството на Даунинг стрит мора да се промени“, изјави Сарвар на прес-конференција во Шкотска, каде што поддршката на лабуристите опадна од изборите во 2024 година. Кратко потоа, шефот за комуникации Тим Алан поднесе оставка, второ високо рангирано заминување за два дена.
Заминувањето на Алан следеше по заминувањето во недела на најблискиот помошник на Стармер, Морган МекСвини, кој рече дека ја презема одговорноста за советување за назначувањето на Манделсон на највисоката дипломатска функција на Велика Британија во Соединетите Држави.
И покрај интервенцијата на Сарвар, Стармер подоцна доби пораки за поддршка од неговите клучни министри и некои потенцијални ривали за водство на партијата, а позитивниот прием на состанокот на пратениците од Лабуристичката партија сугерира дека засега нема да има обид да се собори.
„Откако се борев напорно за можноста да ја променам нашата земја, нема да се откажам од мојот мандат и мојата одговорност кон народот, ниту ќе нè турнам во хаос како што направија другите“, рече Стармер на состанокот, нагласувајќи дека неговиот фокус е на спречување на популистичката Реформска партија, предводена од ветеранот од Брегзит, Најџел Фараж, да дојде на власт.
„Ова е мојата борба, нашата борба и ние сме во неа заедно“. Портпарол на Даунинг стрит рече дека Стармер има „јасен петгодишен мандат од британскиот народ да спроведе промени, што тој ќе го стори“.
Неговиот заменик Дејвид Лами, министерката за финансии Рејчел Ривс и министерката за надворешни работи Ивет Купер, меѓу другите, ја дадоа својата поддршка. Неговата поранешна заменик Анџела Рејнер, која се смета за еден од главните кандидати за негов наследник, му ја понуди својата „целосна поддршка“.
„Ги повикувам сите колеги да се обединат, да се сетат на нашите вредности и да ги применат во пракса како тим. Премиерот ја има мојата целосна поддршка да нè води кон таа цел“, објави таа на социјалната мрежа Икс. Стармер беше пречекана со аплауз од пратениците на лабуристичката партија, од кои еден за Ројтерс изјави: „Засега е безбеден“.
Европа
(Видео) Нови детали за филмскиот напад во Италија: Разбојниците се преправале дека се полицајци
Организиран и вооружен напад врз возило за трансфер на пари беше извршен вчера утрото на автопатот SS613 што ги поврзува Бриндизи и Лече во јужна Италија. Инцидентот се случил во близина на градот Тутурано, а за време на операцијата дошло до размена на оган со карабињерите. Две лица се уапсени, додека по другите се трага.
Внимателно испланиран напад
Според италијанските медиуми, напаѓачите користеле неколку возила, вклучувајќи возила со сини ротирачки светла како оние што ги користат полициските автомобили. Наводно, тие го искористиле ова за да се преправат дека имаат полициска интервенција со цел полесно да го запрат сообраќајот и да го изолираат блиндираното комбе за трансфер на пари, кое подоцна ќе го дигнат во воздух.
ITALY: An armed gang carried out a daylight assault on an armored cash in transit van in southern Italy this morning. The attack targeted a BTV armored vehicle on the SS 613 highway between Lecce and Brindisi, near the Tuturano exit in the Puglia region.
According to Italian… pic.twitter.com/Bqu03Dy4rx
— Open Source Intel (@Osint613) February 9, 2026
Групата прво го блокирала патот понатаму со тоа што поставила возило преку патот и го запалила. Некои извештаи укажуваат дека најмалку две возила биле запалени за целосно да се блокира патот и да се спречи поминување на други возила.
Нападнатото возило било возило на БТВ Батистоли. Напаѓачите биле вооружени, а италијанските медиуми објавија дека користеле автоматско оружје, вклучително и пушки Калашников. Исто така, се споменува употреба на експлозиви во обид да се отвори оклопното возило.
Судири со полицијата и потрага по напаѓачите
Карабињерите пристигнале на местото на настанот кратко потоа, по што избувнала престрелка. Според досега достапните информации, ниту еден од карабињерите, вработените во возилото за трансфер на пари или цивили не е повреден, иако едно полициско возило било погодено од куршум.
Во голема полициска операција, уапсени се две лица осомничени за учество во нападот. Според италијанските медиуми, некои од напаѓачите се обиделе да избегаат по судирот, а потрагата по преостанатите членови на групата сè уште е во тек.
Поради инцидентот, делницата SS613 помеѓу приближно 8 и 13 километри, во областа Сан Пјетро Вернотика, била затворена во двата правци.
Сообраќајот бил пренасочен кон алтернативни патишта, додека пожарникарите и полицијата ги отстранувале запалените возила и спровеле истрага.
Сè уште не е официјално потврдено дали напаѓачите успеале да ги земат парите од блиндираното возило. Истрагата е во тек, а италијанските власти продолжуваат да го утврдуваат точниот број на учесници и целокупната динамика на нападот.
Владата најави вонредни контроли на фирмите за медицински канабис
Владата на 149-тата седница одлучи да ги задолжи надлежните институции да спроведат вонредни контроли на сите фирми што имаат одобрение за...
(Видео) Мицкоски и Тошковски ги покажаа 40 тони запленета марихуана: „Никој не е над законот“
Министерот за внатрешни работи, Панче Тошковски, и премиерот, Христијан Мицкоски, дадоа изјава пред просториите во МВР во кои се сместени...
Превентивно повлечени одредени серии „Аптамил“ формули за доенчиња, соопшти АХВ
Агенцијата за храна и ветеринарство информира дека, врз основа на информации добиени преку европскиот Систем за брзо предупредување за храна...
(Видео) Филипче: СДСМ повторно го поднесе законот за 600 евра минимална плата
Денеска пратеничката група на Социјалдемократскиот сојуз на Македонија и коалицијата повторно ќе го поднесе Законот за измена на Законот за...
Мицкоски: Не би се изненадил ако дојдеме и до 100 тони запленета марихуана
Премиерот, Христијан Мицкоски, денеска одговарајќи на новинарско прашање во однос на случајот со запленетата марихуана, дали ќе има некакви одлуки...
Најнов извештај: Во Македонија нема суштински напредок во борбата против корупцијата
Република Северна Македонија и годинава бележи 40 поени на Индексот за перцепција на корупцијата, што значи дека нема суштински напредок...
Левица: Усвоен предлог – законот со кој се укинува дискреционото право на директорите за вработувања во болниците
На денешната седница, Собранието на Република Македонија, во прва фаза, го усвои Предлог-законот поднесен од Левица со кој се укинува...
Блокадата на ССМ не ги принуди пратениците да дојдат пеш на работа, но Трендафилов вели дека нема да дозволи да наплатат трошоци како да трошат керозин
Добро утро на сите, освен на пратениците, поздрави претседателот на Сојузот на синдикати на Македонија, Слободан Трендафилов, пред почетокот на...
Лавров: Долг е патот до мир во Украина
Рускиот министер за надворешни работи, Сергеј Лавров, изјави дека нема причина да се биде ентузијастичен за притисокот на американскиот претседател...
„Инјекција“ од 112 милиони евра од Владата за општините во годината на локалните избори, соопшти Центарот за граѓански комуникации
Денеска, Центарот за граѓански комуникации го објави извештајот од следењето на доделувањето пари од Владата за инфраструктурни проекти во општините...
Засилени контроли во Центар, 50 евра глоба за непрописно паркирање, порача Герасимовски
Комуналните инспектори и редари на општина Центар спроведуваат засилени контроли на возила кои се непрописно паркирани на јавни и зелени...
ЈО да ја испита улогата на Заев и Филипче во случајот со запленетата марихуана, велат од ВМРО-ДПМНЕ
Нема скандал а во тоа да не се замешани кланот Заеви и Венко Филипче. И во последниот случај со заплената...
Вознемирувачки епизоди и морничави детали од новите документи за Епстин
Јавноста во голема мера се фокусираше на откритијата за Доналд Трамп, Бил Гејтс, Илон Маск и други познати личности во...
(Видео) Објавена снимка од пронаоѓањето на телото на Џефри Епстин
Британскиот „Телеграф“ објави досега невидени снимки од надзорни камери кои го прикажуваат моментот кога затворските чувари го пронашле телото на...
Американски конгресмен: Аферата Епстин може да биде крај на монархијата
Член на американскиот конгресен комитет што ја истражува аферата Епстин изјави дека скандалот би можел да означи „крај на монархијата“....
(Видео) Насилни протести во Сиднеј: Демонстрантите се судрија со полицијата
Триесет лица се уапсени, а десетици демонстранти побарале медицинска помош во Сиднеј откако избувнаа судири со полицијата поради посетата на...
(Видео) Нови детали за филмскиот напад во Италија: Разбојниците се преправале дека се полицајци
Организиран и вооружен напад врз возило за трансфер на пари беше извршен вчера утрото на автопатот SS613 што ги поврзува...
Мета и Гугл обвинети за намерно предизвикување зависност кај млади корисници
Судењето против Мета и Гугл започна во понеделник во граѓанскиот суд во Лос Анџелес, а адвокатите на тужителите ги обвинија...
(Видео) Американската војска нападна уште еден брод во Пацификот, двајца мртви
Американската војска објави на социјалната мрежа X дека извршила напад врз брод во источниот Пацифик ноќеска по централноевропско време, при...
ВМРО-ДПМНЕ избра нови претседатели на повеќе партиски комисии
На првата редовна седница на новиот состав на Извршниот комитет на ВМРО-ДПМНЕ, донесени се одлуки за кадровски освежувања и распишување...
