Спорт
Јанис броеше до 44, Бакс победи во Бруклин – Дерозан со 50 поени им пресуди на Клиперси
Пет натпревари се одиграа изминатата ноќ во НБА-лигата. Во два натпревара се играа продолженија. Ноќта ја обележа рекордот на Јанис Адетокумбо и новиот пораз на ЛА Лејкерс.
Актуелниот шампион, Милвоки Бакс, во продолжението забележа победа во Бруклин. Бакс славеше со 120:119. Јанис Адетокумбо натпреварот го заврши со 44 поени, 14 скока и шест асистенции. Грчкиот репрезентативец на овој меч стана најдобриот стрелец во историјата на франшизата. На првото место на вечната луста тој го мина легендарниот Карим Абдул-Џабар.
Милвоки е втор на Истокот, има победа и натпревар помалку од Мајами Хит. Бруклин заедно со Шарлот и Атланта ја дели осмата позиција, трите тима имаат скор 40-37.
Атлната против Кливленд ја забележа 40. победа во сезоната. Хокс го декласира противникот со 131:107.
Чикаго и ЛА Клиперси играа продолженија. Булс победи со 135:130. Блескаше Демар Дерозан со 50 поени. Тој е 14. играч од почетокот на сезоната што успеал да постигне 50 или повеќе поени на еден натпревар. Никола Вучевиќ забележа дабл-дабл од 22 поени и 14 скока, а Зек Лавин уфрли 21 поен. Клиперси ги предводеше Реџи Џексон со 34 поени.
Јута немаше проблем со ЛА Лејкерси. Поразот од 122:109 е четврти за Лејекрис на последните пет натпревари. Извесно е дека ЛА Лејкерс нема да игра во плејофот оваа сезона. „Езерџиите“ се наоѓаат на 11. место на Западот.
Од почетокот на февруари Лејекрси имаат скор од четири победи и 14 порзи.
Јута до победата ја предводеа Донован Мичел со 29 и Руди Гобер со 27 поени и 17 скока.
Филделфија се откажа од борбата за првото место на Истокот кога неочекувано загуби кај претпоследниот тим во својата конференција, Детроит Пистонс. Детроит славеше против Филаделфија со 102:94.
Садик Беј 10 од своите 20 поени постигна во последните пет минути и заедно со Кејд Канингем (27 поени) беше најзаслужен за победата на Детроит.
Кај Филаделфија се истакна Џоел Ембидд со 37 поени 15 скока.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Себаљос го напушта Реал, се договорил со Атлетико
Дани Себаљос по завршувањето на сезоната ќе го напушти Реал Мадрид. Шпанските медиуми тврдат дека тој карирата ќе ја продолжи во Атлетико, градскиот ривал на Реал.
Себаљос, во Реал пристигна во 2017 година, како МВП на Европското првенство за фудбалери до 21 година. Но, во конкуренцијата каква што владее во Реал, во редт за врска, не успеа да се избори за место во тимот.
Реал го испраќање на позајмици, најпродуктивен беше во Арсенал, но „тобџиите“ сепак не го откупија неговиот договор.
Оваа сезона, тренерот Карло Анчелоти воопшто не смета на него. Минатиот петок го започна натпреварот против Реал Сосиедад, откако претходно во целата сезона одигра само пет минути во првенството.
Незадоволен од статусот и по разговорот со Анчелоти, добил дозовола да го напушти клубот.
Шпанските медиуми тврдат дека тој веќе се договорил со Атлетико. Сега челниците на „јорганџиите“ ќе треба да се договорат со реал околу обесштетувањето. Се шпекулира дека сумата би требала да биде помеѓу 8 и 10.000.000 евра.
Низ историјата ретки се трансферите на реалција Реал-Атлетико и обратно. Последен таков трансфер се случи во 2019 година, кога Маркос Љоренте за 30.000.000 милиони евра од Реал се пресели во Атлетико.
Спорт
Шок во Минхен, Рагник не сака да биде тренер на Баерн
Ралф Рагник сепак нема да биде тренер на Баерн Минхен. Кристијан Фалк, веројатно најпознатиот инсајдер кога станува збор за она што се случува во германскиот великан, тврди дека 65-годишниот стратег решил да се заблагодари на понудата и да ја продолжи работата како селектор на Австрија.
Баерн Минхен по завршувањето на сезоната ќе остане без Томас Тухел. Резултатите му пресудија на тренерот и тој ќе го напушти клубот, дури и да ја освои Лигата на шампионите.
Баварците, од јануари, се бво потрага по нов тренер. Најпрвин ги одби Чаби Алонсо, а потоа и Јулијан Нагелсман. Алонсо реши да остане во Баер Леверкузен, а Нагелсман го продолжи договорот со Фудбалскиот сојуз на Германија.
„Скај Спортс Германија“, вчера објави дека Рагник е во завршни преговори со Баерн.
„Рангник е извонреден познавач на фудбалската сцена. Тој има исклучителни вештини за развој на играчи и тимови. Сè што слушнав за австриската репрезентација под негово водство е многу, многу позитивно. Разговорите со него одат во вистинска насока. Ако дојде, тоа ќе биде многу добро решение за нас“, изјави вчера претседателот Херберт Хајнер.
Преговорите со Рагник сепак не завршија поволно за Баерн. Тренерот решил да ја одбие понудата и да остане селектор на Австрија. Со Фудбалскиот сојуз на оваа земја тој има договор до 2026 година.
Спорт
Ванкувер ќе потроши 442 милиони долари за организација на Мундијалот
Проценетите трошоци за одржување на Светското првенство во 2026 година на „Би Си Плејс“ стадионот во Ванкувер, дупло се зголемиле во последните две години, изнесуваат 422 милиони долари.
Во март 2022 година беше најавено дека во Ванкувер ќе се одиграат пет натпревари на Мундијалот чии домаќини ќе бидат Канада, Мексико и САД. Во меѓувреме Меѓународната фудбалска федерација (ФИФА) го зголеми бројот на натпревари на седум.
Документот се наведени торошоците на градот и покраината, заедно со работите на стадионот. Во ажурираните проценки влегуваат и факторите за сместување, работењето и барањата по посетата на ФИФА, зголемените претпоставки за инфлација и трошоците за основните услуги во јавниот сектор.
„Се разбира, ќе има повеќе трошоци и повеќе приходи, но ако се прошири на долг рок, придобивките се огромни и тие повеќе од сигурно ќе го исплатат тој дефицит“, рече градоначалникот на Ванкувер, Кен Сим.
Владата на Британска Колумбија соопшти дека натпреварите ќе привлечат околу 350.000 фанови во покраината и ќе генерира повеќе од една милијарда канадски долари, околу 727 милиони долари во туризмот во петте години по турнирот.
За реновирање на стадионот „Би Си Плејс“ е планирана инвестиција од 142 милиони американски долари.