Свет
(Од минута во минута) Дел Понте: Уапсете го Путин, Папата Франциск сака да оди во Украина
Нов ден на руската инвазија на Украина.
Клучни податоци:
Дел Понте повика да се уапси Путин
Русија бара да се укинат санкциите за да продолжи вселенската соработка
Норвешка ги предупреди граѓаните да се подготват за нуклеарна катастрофа во Украина
Папата размислува да го посети Киев
Москва објави дека уништиле складиштата за нафта во Кременчук
Гранатирани два града во централна Украина, а неколку градови во Донбас, велат Украинците
САД и нивните сојузници испраќаат советски тенкови во Украина, изјави американски претставник
Кина му порача на Западот да не ги саботира намерно санкциите кон Русија
Русите се повлекоа од аеродромот кај Киев
Зеленски се заканува, од Западот бара ракети и авиони
Од минута во минута:
21.55 Русите го срамнија градот Буча – 300 луѓе во масовна гробница, тела лежат на улица
Украинците оваа недела го ослободија Буча, град во близина на Киев, а на социјалните мрежи се појавија снимки од разурнатиот град
21.30 Украина: Владимир Зеленски и Владимир Путин најверојатно ќе се сретнат во Турција
Местото на средба меѓу рускиот претседател Владимир Путин и украинскиот претседател Владимир Зеленски најверојатно ќе биде Турција, изјави денеска украинскиот преговарач Дејвид Арахамија.
20.45 Песков откри детали од првите преговори меѓу Киев и Москва
Украина не сакаше да преговара со Руската Федерација во Белорусија, преговорите таму се водеа со големи тешкотии, изјави портпаролот на Кремљ, Дмитриј Песков.
20.35 Украина: Ја презедовме контролата врз целиот регион на Киев
Украинските сили повторно презедоа контрола врз целата територија на Киевската област, изјави денеска заменик-министерката за одбрана на Украина, Хана Малијар.
20.30 Зеленски: Руските сили ги напуштаат минираните области
Украинскиот претседател Володимир Зеленски ги обвини руските трупи за намерно бомбардирање на области во северна Украина додека украинските сили се повлекуваат или ги потиснуваат
18.50 Украина: Киднапиран заменик – градоначалникот на регионот Суми
Руските војници го киднапираа заменик-градоначалникот на регионот Суми во северна Украина, изјави за Би-Би-Си шефот на регионот Дмитро Живицки.
На 1 април американскиот весник „Волстрит журнал“ објави опширен напис за причините за украинската криза, што покажува дека Владимир Зеленски имал шанса да избегне воен конфликт
17.40 Tурција нуди евакуација од Мариупол со чамци, се чека одговор од Москва
Турција понуди да ги евакуира луѓето со бродови од украинскиот град Мариупол, кој е под блокада на руските сили, соопшти денеска министерот за одбрана Хулуси Акар
17.30 Убиен украинскиот фоторепортер Максим Левин – го убиле руските сили во близина на Киев
Украинскиот фоторепортер Максим Левин, кој работел за голем број големи западни вести, вклучувајќи ги Ројтерс и Би-Би-Си, бил убиен од руските сили во близина на Киев, соопшти денеска украинското обвинителство
It’s official now. Maks Levin is dead. One of ?? best journalists, with both talent & integrity. Will never forget his piece about autistic children in #Ukraine. That’s how I met him back in 2012.
He was killed by #Russians near Kyiv.#StandWithUkraine #PutinsWar #PutinHitler pic.twitter.com/E5kEH6bkN8
— olexander scherba?? (@olex_scherba) April 2, 2022
17.00 Владимир Путин: Западниот притисок ја зајакнува интеграцијата на Москва и Минск
Рускиот претседател Владимир Путин оцени дека Русија и Белорусија се соочуваат со невиден надворешен притисок и посочи дека најдобар одговор на, како што наведе, „непријателските дејствија“ треба да биде зајакнување на интеграцијата
16.00 Подољак: Русите брзо се повлекуваат од Киев и Чернихив
Советникот на украинскиот претседател Михаил Подољак изјави дека руските сили брзо се повлекуваат од северните украински региони Киев и Чернихив и дека нивната цел е да се консолидираат на истокот и југот на земјата
15:04 Кадиров: Украинските нацисти имаат само два избори
Чеченскиот лидер Рамзан Кадиров изјави денеска дека украинските нацисти биле заглавени во Мариупол.
Тој додава дека имаат само два очигледни избори – доброволно да го положат оружјето или „да загинат без чест“.
14:59 Медведев: Влезот во ЕУ е само преку НАТО
Нашиот став им е познат на Украинците: ако постои таква желба, придружете се, би било чест да ни биде понудено членство. Се чини дека и Европејците сега навистина ја сакаат Украина“, рече заменик-претседателот на Советот за безбедност на Руската Федерација.
„ Има само еден проблем: искуството од последните години со Црна Гора и Северна Македонија покажува дека влезот во ЕУ се случува само преку НАТО“, рече Медведев.
Тој потсети дека станува збор за меѓузависни организации, но „во европски рамки, политички коректни, партнери“.
14:30 Папата Франциск за прв пат го критикуваше Путин
Папата Франциск денеска изјави дека „моќникот поттикнува конфликти на националистички интереси“, со што имплицитно го критикуваше рускиот претседател Владимир Путин за првпат од инвазијата на Украина.
Тој ја отфрли руската терминологија дека се работи за специјална воена операција, нарекувајќи ја војна.
14:12 На украинска граница фатен генерал кој со лажни документи сакал да избега во Унгарија
Се испоставило дека се работи за генерал на украинската тајна служба СБУ, кој всушност и покажал на полицијата фалсификувани документи и воопшто не бил изземен од мобилизација. Заради бегство, неименуваниот генерал си го лишил чинот генерал и се преправал дека е обичен војник со потврда за воена неспособност.
14:08 Дел Понте: Уапсете го Путин
Поранешната главна обвинителка на Хашкиот трибунал Карла Дел Понте го повика Меѓународниот кривичен суд да издаде налог за апсење на рускиот претседател Владимир Путин, пренесува АФП.
„ Путин е воен злосторник“, рече Дел Понте, која ги истражуваше воените злосторства и во Руанда и во поранешна Југославија, во интервју за францускиот дневен весник „Le Temps“.
13:26 Русија бара да се укинат санкциите за да продолжи вселенската соработка
Шефот на руската вселенска агенција изјави дека обновувањето на нормалните односи меѓу партнерите на Меѓународната вселенска станица (МВС) и другите заеднички вселенски проекти ќе биде можно кога Западот ќе ги укине санкциите кон Москва.
Шефот на Роскосмос, Дмитриј Рогозин, на социјалните мрежи објави дека целта на санкциите е „да се убие руската економија и да се турне рускиот народ во очај и глад, да се фрли Русија на колена“.
13:20 Норвешка ги предупреди граѓаните: Подгответе се за нуклеарна катастрофа во Украина
Норвешкиот министер за одбрана Одд Роџер Еноксен им порача на граѓаните дека во случај на нуклеарна катастрофа во Украина, радиоактивни материјали може да прелетаат над Норвешка поради ветерот, пишува „Тајмс“.
Извори блиски до државната одбрана велат дека министерот им рекол на граѓаните дека ќе добие предупредување 72 часа однапред за да го подготви прифатилиштето.
12:49 (Видео) Ова остана од руската војска по повлекување кај Киев
Објавено е видео кое покажува што останало од руските тенкови, оружје и возила по повлекувањето кај Киев.
Видеото е снимено од репортер на германски „Билд“.
We are just outside Kyiv. Thats what happened with the russian army when they were fighting for the capital. pic.twitter.com/lXFDeb31sA
— Paul Ronzheimer (@ronzheimer) April 2, 2022
12:29 Украина: Русија би можела да користи војници во Молдавија за акции и провокации долж границата
Русија има стационирани војници на спорната територија, која се отцепи од Молдавија по кратката граѓанска војна во раните 1990-ти и која повеќето земји не ја признаваат. Се проценува дека таму остануваат околу 1.500 руски војници.
12:12 Папата размислува да го посети Киев
Папата Франциск откри дека размислува да го посети украинскиот главен град Киев.
По пристигнувањето на Малта, новинарите го прашале дали ќе ја разгледа поканата на украинските политички и верски власти, на што тој одговорил потврдно.
12:09 Загина сопругот на потпретседателката на украинската Влада
„ Богдан Стефанишин беше убиен пред два дена за време на руско гранатирање додека се обидуваше да евакуира цивили од Чернихив“, објави „Скај њуз“.
12:05 Москва: Ги уништивме складиштата за нафта во Кременчук
Руската армија со помош на прецизно оружје со долг дострел уништи складишта на бензин и дизел гориво во нафтената рафинерија во Кременчук, од каде се снабдуваше украинската армија, изјави денеска портпаролот на Министерството за одбрана на Русија, Игор Конашенков.
11:19 САД и сојузниците ќе испратат тенкови од советско производство во Украина
САД ќе соработуваат со сојузниците за да и обезбедат на Украина тенкови од советско производство за зајакнување на нејзината одбрана во регионот на Донбас, објави „Њујорк Тајмс“, цитирајќи американски официјален претставник.
11:02 За денеска договорени седум хуманитарни коридори во Украина
Црвениот крст соопшти дека неговиот тим утрово се движел од Запорожје кон Мариупол.
10:50 Германија размислува да купи израелски или американски систем за противракетна одбрана
Главниот воен командант на Германија, генерал Еберхард Зорн, изјави за неделникот „Велт ам Зонтаг“ дека ракетите „Искандер“ можат да стигнат до речиси цела Западна Европа и дека нема ракетен штит за заштита од заканата.
10:24 Нов извештај на британското разузнавање: Руските сили се повлекоа од аеродромот Хостомел
Руските сили наводно се повлекле од аеродромот Хостомел во близина на Киев, соопшти британското Министерство за одбрана во новиот разузнавачки извештај за ситуацијата во Украина.
Хостомел е во фокусот на Русија од почетокот на војната, а од првиот ден таму се водат тешки борби, бидејќи заземањето на тој аеродром значеше полесен пристап за Русија до главниот град Киев.
10:20 Руски ракети погодија два града во централна Украина, објави регионалниот лидер
Руски ракети рано утрото погодија два града во централна Украина, оштетувајќи ја инфраструктурата и станбените згради, изјави лидерот на регионот Полтава, пренесува „Ројтерс“.
10:14 Зеленски: Русите додека се повлекуваат минираат се – куќи и тела на загинати
Тие ја минираат целата територија. Минираат куќи, ја минираат опремата, дури и телата на убиените. Поставија многу жици и оставија зад себе многу други опасности“, рече Зеленски.
10:06 САД испраќаат опрема за одбрана од хемиски напад во Украина
САД испраќаат лична заштитна опрема во Украина на барање на Киев, земјата да се подготви за секој потенцијален напад со хемиско оружје за време на војната.
Портпаролот на Советот за национална безбедност на претседателот Џо Бајден потврди за „Политико“ дека „се распоредени опрема и материјали за спасување животи“.
10:04 Досега во Украина загинале 158 деца, а 254 се ранети
Повеќе од 412 деца се повредени во Украина од почетокот на војната.
Податоците не се конечни, бидејќи се утврдуваат на местата на активни воени дејствија и на териториите привремено окупирани од непријателот. Поточно, во градот Мариупол, во некои области на Киев, Чернихив и Луганск.
09:54 Зеленски: На Путин му расте апетитот се повеќе, дајте ни ракети и авиони
Украинскиот претседател Володимир Зеленски, коментирајќи ја војната во Украина, рече дека само победа би била прифатлива за неговата земја.
„ Победата на вистината значи победа на Украина и на Украинците. Прашањето е кога ќе заврши. Тоа е длабоко прашање. Тоа е болно прашање. Освен победа, украинскиот народ нема да прифати никаков исход“ рече Зеленски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Мерц: Германија ќе издвои 29 милиони евра за Газа
Германскиот канцелар Фридрих Мерц денес изјави дека Германија ќе обезбеди 29 милиони евра (34 милиони долари) итна хуманитарна помош за Газа, откако Израел го ратификуваше прекинот на огнот со палестинската милитантна група Хамас.
„Обезбедуваме 29 милиони евра за хуманитарна помош. Заедно со Египет, ќе организираме конференција за реконструкција на Газа“, напиша Мерц на платформата X.
Тој оцени дека примирјето во Газа по повеќе од две години конфликт е „добра вест за луѓето на Блискиот Исток и пошироко“.
„Нè води јасен компас: Германија се залага за постоењето и безбедноста на Израел. Веруваме дека решението со две држави нуди најдобра шанса Израелците и Палестинците да живеат заедно во мир и безбедност“, рече канцеларот, пренесува Танјуг.
Дополнително, додаде тој, Берлин е подготвен да учествува во работата на новиот Мировен совет, предложен од американскиот претседател Доналд Трамп.
Фото: принтскрин
Свет
Бунт во Салцбург: Милијардер гради приватен тунел од неговата вила до центарот на градот, луѓето се бесни
Во Салцбург, градот на Моцарт и богатата историја, плановите на автомобилскиот магнат Волфганг Порше предизвикаа вистински бунт. Порше има намера да ископа приватен тунел под ридот Капуцинерберг за директно да го поврзе центарот на градот со неговата вила. Проектот предизвика петиција и обвинувања за фаворизирање на супербогатите, пишува „Кориере“.
Вилата позната како „Paschinger Schlössl“ на ридот Капуцинерберг станала сопственост на австрискиот писател Стефан Цвајг во 1917 година. Тој ја сакал затоа што била „романтична, недостапна“ и, најважно, „недостапна за автомобили“. Во тоа засолниште, до кое се стигнувало со искачување на повеќе од сто скали, тој ги напишал своите најпознати дела. Сепак, во 1934 година, под притисок на антисемитизмот, бил принуден да ја продаде куќата и да оди во егзил.
Визијата на Порше и гаража за осум тркачки автомобили
Еден век подоцна, новиот сопственик има сосема поинакви идеи. Волфганг Порше (82), шеф на автомобилската династија и сопственик на брендовите „Фолксваген“ и „Порше“, ја купил вилата во 2019 година за 9 милиони евра. Тој веднаш започнал радикално реновирање за да можат тој и неговата сопруга, принцезата Габриеле цу Лајнинген, да уживаат во својот нов дом. Како дел од реновирањето, изградена е подземна гаража за осум автомобили, што не е изненадувачки со оглед на тоа што магнатот е познат по својата страст за брзо возење по планински патишта.
Контроверзноста ескалираше кога Порше побара и доби дозвола од градот Салцбург да ископа приватен тунел што ќе ја поврзе гаражата на вилата директно со центарот на градот. Официјалната причина е „тежок пристап до вилата преку тесен пат, особено во зима“. Но, дури и за Салцбург, навикнат на богатите и славните, овој проект се покажа како последна капка.
Додека работите за ископување веќе беа започнати, 20 илјади жители потпишаа петиција со која се осудува „преференцијалниот третман за супербогатите, симбол на социјална неправда“. Потписниците на петицијата велат: „Не сакаме милијардерот Порше да пробива низ рид за да пристапи до својата приватна гаража користејќи јавен имот“.
Дополнително негодување предизвика фактот што тој платил само 48 илјади евра за користење на јавно земјиште во заштитено природно подрачје.
Политички игри и судир на интереси
Проектот првпат доби зелено светло на почетокот на 2024 година со гласовите на Социјалдемократите, Народната партија и Националните либерали, и покрај противењето на Зелените и Комунистичката партија, која е втора по големина партија во Салцбург. Темата за тунелот, исто така, го подели владејачкото мнозинство.
Пашингер Шлесл
Градоначалникот Бернхард Ауингер (SPÖ) се најде во незгодна позиција – пред својата политичка кариера, работел во Порше 27 години како синдикален претставник. Тој се брани тврдејќи дека не може ништо да направи против проектот што го наследил од претходната влада.
„Постојат огромни правни и технички прашања кои остануваат неодговорени до ден-денес. Но, ÖVP (Австриска народна партија, оп. а.), SPÖ (Социјалдемократите) и FPÖ (Партија на слободата) одбија да поканат експерти и отворено да разговараат за тоа. Од што се плашат?“, рече советникот на Комунистичката партија, Клаудиус Мај.
Проектот чека конечно одобрување од покраината Салцбург.
Свет
Безбедносните аналитичари не се оптимисти: договорот ќе биде тешко да се спроведе, Нетанјаху може да се откаже ако се загрози неговата позиција
Израел и Хамас постигнаа договор за првата фаза од мировниот план предложен од американскиот претседател Доналд Трамп. Прекинот на огнот, размената на заложници и затвореници и повлекувањето на израелската армија се првите чекори кон можен крај на разорната двегодишна војна во Газа. Велдин Кадиќ од Факултетот за политички науки, Оддел за студии за мир и безбедност, за N1 изјави дека ова е повеќе прекин на непријателствата, размена на затвореници и мало повлекување на Израелските одбранбени сили (ИДФ) до договорената граница, но не верува дека целиот договор ќе може да се спроведе.
Сепак, тој истакнува дека овој договор е важен затоа што имавме секојдневни страдања на луѓето во Газа кои, според мислењата на релевантните меѓународни организации, Меѓународниот суд на правдата и разни експерти за геноцид, ги имаа сите карактеристики на геноцид.
„Ова суспендирање на борбата што сега ја имаме на сила е важно, без оглед на фактот што верувам дека договорот не може да се спроведе, бидејќи во добра мера потсетува на договорот што беше договорен, мислам, во јануари оваа година, односно кој многу брзо пропадна, а кој делумно беше поддржан од администрацијата на Трамп. Но, договорот одеднаш пропадна во еден момент“, рече Кадиќ.
„САД се гарант на договорот, но се пристрасни – тоа е проблемот“
Иако сите со нетрпение го очекуваа крајот на војната, Газа повторно беше бомбардирана синоќа. Останува прашањето за каков договор станува збор, ако се крши примирјето.
„Значи, истото беше и во првата фаза, во првиот мировен договор од јануари. Значи, беше склучено примирје, кое веднаш почна да се крши. А сега има еден проблем, односно со целиот овој процес, кој е клучен на некој начин – гарант на овој договор се Соединетите Американски Држави, кои се многу пристрасни кон Израел. Ова е она што медијаторот никогаш не треба да го прави во мировниот процес. Единствената сила што врши влијание врз Израел се САД. Тие делумно го користат и го принудуваат, може да се каже, на некој начин, за овој мировен договор. Меѓутоа, ако има какви било провокации, без оглед на тоа кој е виновен, јасно е на чија страна ќе бидат САД. На пример, утрово ги прочитав вестите дека името на палестински затвореник, кој е многу важен за Хамас, е отстрането од списокот на луѓе што треба да бидат ослободени, уште од самиот почеток, за што САД се пристрасни до тој степен што можам да најдам некаков изговор за тоа, обвинувањето на Хамас, дека не направил нешто, дека не ослободиле доволно“, изјави тој.
„Тешко е да им се верува на САД“
Тој рече дека Хамас е доста внимателен со ослободувањето на преостанатите израелски затвореници што ги има, а побарале и одредени безбедносни гаранции од САД.
„Во текстот што го прочитав, се наведува дека Хамас се согласил на ова затоа што добил американски безбедносни гаранции врз основа на кои верува дека Израел би можел да се држи до договорот. Сепак, упорно велам во овој процес, проблемот е затоа што клучниот посредник е држава која е многу пристрасна кон Израел, која го етикетира Хамас како терористичка организација, и тешко е Хамас да им верува на САД во такви околности“, рече безбедносниот аналитичар.
„Ако Нетанјаху процени дека договорот ја загрозува неговата политичка моќ – ќе го напушти“
Сепак, прашањето е колку може да му се верува на Бенјамин Нетанјаху, со оглед на тоа што го прекршил во минатото. Кадиќ рече дека сега Хамас и Нетанјаху процениле дека некаков вид примирје е подобар за нив отколку продолжувањето на кризата.
„Намерно го користам зборот Нетанјаху, а не Израел, бидејќи постои голем отпор во рамките на израелската влада кон овој договор. Значи, тој е создаден во околности кога Хамас е ослабен, но далеку од поразен, а од друга страна имате зголемени меѓународни критики кон Израел, иако постигнувањето на нивните цели сè уште не е видливо на хоризонтот. Сега, во такви околности, ми се чини дека обете страни процениле дека некаков вид одмор или прекин на огнот е добра опција за обете страни. Сепак, политичките противници на Нетанјаху го критикуваа за овој минат договор, дека тој многу често знае како да го предаде договорот ако процени дека тој го загрозува неговиот политички опстанок. Израел се соочува со избори следната година, и дури сега владата е на доста несигурни колена, па ако Нетанјаху процени дека во одреден момент договорот ја загрозува неговата политичка моќ, сосема е јасно дека ќе се откаже од него бидејќи неговиот опстанок на власт е сигурно поважен за него од прекинот на огнот за кој зборуваат сега“, нагласи тој.
Фото: принтскрин
Поликлиника во Расадник со пари од унгарскиот кредит најавија Ѓорѓиевски и Стаменкоска-Трајкоска
По триесет години празни ветувања, поликлиниката во Расадник станува реалност, кажаа денес актуелниот градоначалник на Кисела Вода и кандидат за...
Нобеловата награда за мир ѝ е доделена на Марија Корина Мачадо од Венецуела
Нобеловата награда за мир ѝ е доделена на Марија Корина Мачадо од Венецуела. Норвешкиот Нобелов комитет соопшти дека таа ја...
(Фото) Општина Центар испрати протестна нота до австриската амбасада поради паркирано возило во пешачка зона
Општина Центар – Скопје испрати протестна нота до Амбасадата на Република Австрија поради непрописно паркирање и загрозување на безбедноста на...
Русија ѝ се заблагодарува на Србија за донацијата од речиси 6 милиони долари: „Посебна симболика“
Според соопштението на руското Министерство за надворешни работи, Србија обезбедила „финансиска хуманитарна помош во вредност од 472 милиони рубли (околу...
Филипче вика судството било професионално, а Марковски за криминал од 100 милиони добива само куќен притвор, велат од ВМРО-ДПМНЕ
Криминалот на СДС и договорените тендери со компанијата Марковски излегоа дека се вистинити. Фирмата Марковски која во период од 2...
(Видео) Силен земјотрес со јачина од 7,6 степени ги погоди Филипините, цунами се заканува и на Индонезија
Земјотрес со јачина од 7,6 степени ги погоди јужните Филипини, соопшти Филипинската сеизмолошка агенција, издавајќи предупредување за цунами кое беше...
(Видео) Руски ракети и беспилотни летала го погодија Киев, гореше облакодер во центарот на градот
Масивни руски напади запалија облакодер во центарот на Киев и ги таргетираа енергетските објекти, соопштија официјални лица. Украинската министерка за...
Судиите мора да судат според законот а не според партиски влијанија, време е за ресет на системот, порача Мицкоски
Христијан Мицкоски, претседателот на ВМРО-ДПМНЕ, имаше свое обраќање на денешниот народен митинг одржан во општина Илинден, во рамки на изборната...
(Видео) Трамп: Ја завршивме војната во Газа
Претседателот на САД, Доналд Трамп, на состанок на кабинетот во Белата куќа изјави дека синоќа на Блискиот Исток е постигнат...
Владата усвои измени: Се укинува ослободувањето од ДДВ за онлајн пратки во вредност до 22 евра
Со цел зајакнување на домашната економија, поддршка на локалните компании и создавање нови работни места, Владата усвои измени и дополнувања...
(Фото) Реализирано првото гаѓање со новата артилериска опрема ,,Боран’’ на АП Криволак
Денеска министерот за одбрана, Владо Мисајловски присуствуваше на армискиот полигон „Криволак“ каде беше извршено првото артилериското гаѓање со новите системи...
Нова истрага за злоупотреби во РЕК Битола против осум физички и едно правно лице
Основното јавно обвинителство Битола донесе Наредба за спроведување истражна постапка против осум физички и едно правно лице за продолжени кривични...
(Видео) „Избери време и место, избери и новинари, донеси и публика, излези да се соочиме, јас ќе дојдам сам“, му порача Максим Димитриевски на Филипче
Лидерот на Движењето ЗНАМ – за наша Македонија Максим Димитриевски денеска возврати на синоќешната изјава на лидерот на опозицијата Венко...
(Фото) Кривична пријава против две лица за криумчарење мобилни телефони „Ајфон“, случајот откриен на Ново Село
Поднесена кривична пријава против две лица за сторено кривично дело „криумчарење“ мобилни телефони „Ајфон“ во вредност од 355 илјади денари....
Ѓорѓиевски ја вети подземната кај „Лимак“ што ја ветуваа и Арсовска, Шилегов и Трајановски: Ќе ја смени сообраќајната иднина на градот
Проектот за подземната сообраќајница кај„Лимак“ не е само дел од мојата програма туку е вистински пресврт за централното градско подрачје,...
М-НАВ: Македонското небо не смее да се „затвори’“
Менаџерскиот тим на М-НАВ во денешното соопштение до јавноста реагира околу најавите за штрајк и „затворањето на небото“ на 20...
Искршен штаб на СДСМ во Градско, партијата бара Тошковски веднаш да постапи
Синоќа се искршени стаклата на изборниот штаб на СДСМ во Градско. Според партијата, овој насилнички и вандалски чин го покажува...
Едно лице избодено со нож пред стоковна куќа „Мост“ во Скопје, напаѓачот е уапсен
Едно лице е избодено со нож пред поранешната стоковна куќа „Мост“ во Скопје, а полицијата го уапси напаѓачот. Според информациите...
Трамп за договорот за војната во Газа: Неверојатно е, целиот свет се обедини
Претседателот на САД, Доналд Трамп, изјави дека Иран би можел да биде дел од поширок мировен договор на Блискиот Исток...
УНИЦЕФ: Светот ги изневери Палестинците, 20.000 деца се убиени
По објавувањето на првата фаза од прекинот на огнот меѓу Израел и Хамас, во Газа владееше огромно чувство на радост...
