Свет
Немири поради недостиг на храна и бензин во Шри Ланка – воведен е полициски час
Во Шри Ланка денеска е воведен полициски час откако претседателот Готабаја Раџапакса вчера воведе вонредна состојба.
– Врз основа на добиените овластувања од претседателот, низ целата држава воведен е полициски час од 18:00 часот до понеделник, 4 април, во 06:00 часот – се наведува во соопштението на Министерството за информации.
Шри Ланка се бори со криза на девизниот пазар, што доведе до девалвација, што влијаеше на плаќањата за увоз на критични стоки, како што се храна, лекови и гориво.
Во Шри Ланка има недостиг на гориво, цените на храната постојано растат, а имаше и протести додека администрацијата се подготвува за разговори со Меѓународниот монетарен фонд бидејќи се загрижени за способноста на државата да ги отплати меѓународните долгови.
Индија минатиот месец се согласи да и додели заем од милијарда долари на Шри Ланка за да го намали недостигот на основни производи, вклучително гориво, храна и лекови.
Раџапакса вчера прогласи вонредна состојба по протестите проследени со насилство поради најтешката економска криза во изминатите неколку децении.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Зеленски: Поблиску сме до крајот на војната отколку што мислиме
Се поблиску сме до крајот на војната, поблиску отколку што мислиме, изјави претседателот на Украина, Володимир Зеленски во интервју за „ABC News“.
И во оваа прилика Зеленски уште еднаш ги повика Вашингтон и другите партнери да продолжат да ја поддржуваат Украина, бидејќи како што рече првиот човек на Украина, „само силната позиција на Украина може да го охрабри рускиот претседател Путин да ја прекине војната“.
Зеленски во моментов престојува во Соединетите Американски Држави, каде што ќе учествува на седницата на Генералното собрание на Обединетите нации.
Украинскиот претседател ќе ја искористи оваа можност за бројни средби со светските лидери, а ќе разговара и со актуелните американски кандидати за нов претседател Камала Харис и Доналд Трамп.
„Уште еднаш ги повикувам сите наши сојузници да ни помогнат да постигнеме заедничка победа за вистински праведен мир“, рече Зеленски, по што се осврна на операцијата Курск.
„Путин многу се плаши од таа операција бидејќи неговите луѓе од неа видоа дека тој не може да ја брани целата своја територија“, заклучи Зеленски.
Европа
Човек ненадејно почина на лет од Бугарија: авионот принудно слета во Келн
Авион на Jet2 од Бугарија за Велика Британија ненадејно бил пренасочен кон Келн, откако еден патник починал за време на летот.
Летот LS3214 полета од Бургас, Бугарија за Ливерпул во понеделникот околу 13 часот по локално време, пред екипажот да прогласи вонредна состојба два часа подоцна.
Авионот бил пренасочен кон Келн, а по слетувањето на оддалечената писта на аеродромот околу 15 часот и 32 минути, кон авионот веднаш се упатила брзата помош.
Мажот, наводно, добил срцев удар и бил прогласен за мртов, и покрај огромните напори на патниците и екипажот да го реанимираат, пишува Мирор.
По неколку часа поминати на аеродромот, авионот конечно повторно полета за Ливерпул во 21.17 часот и слета во Велика Британија во 22.27 часот.
Регион
Дојава за бомба во Подгорица, судот итно евакуиран
Зградата во која се сместени Вишиот суд и Врховниот суд во Подгорица е евакуирана поради дојава за поставена бомба.
На електронската пошта на Врховниот суд е испратена закана за бомба.
Специјалната полициска единица моментално врши проверка на просториите, а вработените ја напуштиле зградата, јавуваат подгоричките медиуми.