Европа
(Од минута во минута) Русија се огласи за масакрот во Буча, Зеленски обвини за геноцид
Специјалната операција на руската армија во Украина денеска влезе во 39. ден
Клучни настани:
- Тела на цивили биле пронајдени на улица во ослободениот град Буча. Украина тврди дека имало закопано тела и во масовни гробници, а меѓу убиените има и деца.
- Москва негира
- Зеленски обвини за геноцид
- Осуда за настаните во Буча стигна од НАТО и ЕУ
- Ќе има многу судења за руските злосторства во Буча и Ирпин, но и во Харков и Мариупол, изјави украинскиот министер за одбрана.
- Украинските обвинители соопштија дека пронашле 410 тела во градовите во близина на Киев, откако руската армија се повлече од регионот
- Во Одеса се слушнале силни експлозии. Русија потврди дека го ракетирала пристанишниот град
- Украина прогласи голема победа: Го ослободивме целиот регион на Киев
- Украина објави дека по повлекувањето на Русија повторно освоила 30 населби во близина на Киев
- Беа гранатирани два града во централна Украина, а неколку градови во Донбас, велат Украинците
- Соединетите држави и нивните сојузници испраќаат советски тенкови во Украина, изјави американски претставник
- Кремљ најави дека нема веднаш да ја прекине испораката на гас за земјите кои не плаќаат во рубљи
Од минута во минута:
22:00 Генералниот секретар на ОН: Длабоко сум шокиран од сликите на загинатите цивили
Генералниот секретар на Обединетите Нации вели дека е длабоко шокиран од сликите на загинатите цивили во украинскиот град Буча.
На „Твитер“, Антонио Гутереш повика на „независна истрага која ќе доведе до ефективно утврдување на одговорноста“.
Според последните информации на украинските власти, по повлекувањето на Русија во близина на Киев се пронајдени тела на повеќе од 400 луѓе, главно цивили.
21:00 Украинците тврдат дека собориле руски борбен авион во областа Харков
20:45 Црвениот крст се уште не успеал да стигне до Мариупол
Трет ден по ред тим од девет вработени и три возила на Меѓународниот Црвен крст, кои се надеваа дека денеска ќе стигнат до Мариупол за да помогнат во евакуацијата на жителите на опколениот град, не успеаја да стигнат таму.
Украинските власти соопштија дека Русија пред неколку дена се согласила да дозволи безбедно поминување од градот, кој е изложен на најголеми напади речиси месец и половина, но коридорот и овој пат не поминал без проблеми. Околу 700 луѓе вчера беа евакуирани од Мариупол.
20:30 Џонсон: Ќе направам се што е во моја моќ да ја оневозможам воената машинерија на Путин
Британскиот премиер Борис Џонсон изјави дека „одвратните напади на Русија врз невините цивили во Ирпин и Буча се уште еден доказ дека Путин и неговата војска вршат воени злосторства во Украина“.
Тој вети дека ќе стори се што е во негова моќ за да ја „оневозможи воената машинерија на Путин“.
„Ниту едно демантирање или дезинформација од Кремљ не може да го скрие она што сите знаеме дека е вистина – Путин е очаен, неговата инвазија пропаѓа, а решителноста на Украина никогаш не била посилна“, рече тој.
Џонсон додаде дека Велика Британија е на чело на оние кои ја поддржуваат истрагата на Меѓународниот кривичен суд за злосторствата извршени во Украина.
19:50 Повеќе од половина милион луѓе се вратија во Украина
Повеќе од половина милион луѓе се вратиле во Украина од почетокот на руската инвазија, соопшти украинското Министерство за внатрешни работи.
„Минатата недела 144.000 луѓе ја напуштија Украина, а дојдоа 88.000. Вкупно (…) околу 537.000 наши сонародници се вратија во Украина“, соопшти Министерството, повикувајќи се на податоци од Државната гранична служба.
19:10 – 410 тела се пронајдени во градовите во близина на Киев по повлекувањето на руската армија
Украинските обвинители кои ги истражуваат можните воени злосторства на Русија во Украина соопштија дека пронашле 410 тела во градовите во близина на Киев, откако руската армија се повлече од регионот.
Главниот обвинител Ирина Вендиткова рече дека 140 од тие тела биле идентификувани.
18:45 (Видео) Собир за поддршка на Русија во Берлин
?Moscow
We note the “Save us Vladimir Putin” protests currently taking place there at the neighbours in Germany ??
Umbuzo usamile, benithembeni? pic.twitter.com/NxqarivwjK
— Sphithiphithi Evaluator (@_AfricanSoil) April 3, 2022
18:00 Зеленски: Ова во Буча е геноцид, сакаат да не’ истребат
„Мајките на руските војници треба да го видат ова. Погледнете какви гом*ари сте пораснале. Убијци, крадци, касапи“, напиша тој на Фејсбук.
17:20 Украина: Ракетен напад врз град во близина на Киев, погодена е регионалната управа
Локалните власти известија дека бил извршен ракетен напад врз градот Василкив во близина на Киев, а била погодена и регионалната управа.
Се наведува дека се повредени некои цивили, но деталите се’ уште не се познати.
Целиот регион Киев сега е под украинска контрола откако руските трупи почнаа да се повлекуваат. Но, некои области во регионот сè уште се изложени на ризик од гранатирање и воздушни напади.
17:15 Русија негира дека стотици цивили биле убиени од руските војници во Буча
Руското Министерство за одбрана ги отфрли тврдењата на Украина дека стотици цивили биле убиени од руските војници во Буча.
Бројните фотографии и видеа објавени од Украина беа наречени провокација, тврдејќи дека сите нејзини единици го напуштиле градот во средата.
Генералниот секретар на НАТО Јенс Столтенберг ја нарече неприфатлива смртта на цивили во градот Буча.
Говорејќи за Си-Ен-Ен, тој рече дека овие смртни случаи се бруталност врз цивили, каква што не сме виделе во Европа со децении и дека тоа „ја нагласува важноста дека оваа војна мора да заврши“.
17:00 Макрон: Сликите од Буча се неподносливи
Францускиот претседател Емануел Макрон ги опиша сликите од Буча како неподносливи.
Макрон го сподели своето сочувство со Украинците и жртвите, додавајќи: „Руските власти ќе мора да одговараат за овие злосторства“.
Les images qui nous parviennent de Boutcha, ville libérée près de Kiev, sont insoutenables. Dans les rues, des centaines de civils lâchement assassinés. Ma compassion pour les victimes, ma solidarité avec les Ukrainiens. Les autorités russes devront répondre de ces crimes.
— Emmanuel Macron (@EmmanuelMacron) April 3, 2022
16:30 Кремљ: Не можете целосно да ја изолирате Русија
Кремљ соопшти дека не е можно целосно да се изолира Русија, додека Западот продолжува да акумулира санкции против Москва поради нејзината воена операција во Украина, пренесува АФП.
„Не може да има целосен вакуум или изолација на Русија, тоа е технолошки невозможно во современиот свет“, изјави портпаролот на Кремљ, Дмитриј Песков, за руската државна телевизија.
16.00 Урсула фон дер Лаен: Сторителите на воените злосторства ќе одговараат
Претседателката на Европската комисија Урсула фон дер Лаен ги осуди „неописливите ужаси“ снимени во областите каде што Русија се повлече
Appalled by reports of unspeakable horrors in areas from which Russia is withdrawing.
An independent investigation is urgently needed.
Perpetrators of war crimes will be held accountable.
— Ursula von der Leyen (@vonderleyen) April 3, 2022
15.45 Блинкен: Русија мора да стави крај на оваа војна
Американскиот државен секретар Ентони Блинкен изјави за Си-Ен-Ен дека Соединетите Држави продолжуваат да и помагаат на Украина да се одбрани, но во исто време и кажуваат на Русија дека мора да стави крај на оваа војна
15.30 Кулеба: Русите убиваат од бес, полоши се од ИСИС
Русите сакаат да елиминираат што повеќе Украинци – напиша Кулеба на Твитер
Bucha massacre was deliberate. Russians aim to eliminate as many Ukrainians as they can. We must stop them and kick them out. I demand new devastating G7 sanctions NOW:
-Oil, gas, coal embargo
-Close all ports to Russian vessels and goods
-Disconnect all Russian banks from SWIFT pic.twitter.com/oZkCAETCQp— Dmytro Kuleba (@DmytroKuleba) April 3, 2022
15.00 Украинската армија ја врати контролата врз „градот на духови“ во близина на Чернобил
Украинските сили ја вратија контролата врз Припјат, град на духови во близина на нуклеарната централа Чернобил, објави во неделата Генералштабот на вооружените сили на Украина.
14.30 Песков: Путин никогаш не одбил средба со Зеленски, хипотетички е можна
Портпаролот на Кремљ Дмитриј Песков изјави дека рускиот претседател Владимир Путин никогаш не одбил да се сретне со неговиот украински колега Володимир Зеленски, што е хипотетички можно, но мора да се подготви конкретен документ.
14.20 Претседателот на Европскиот совет најави нови санкции за Русија
Претседателот на Европскиот совет, Шарл Мишел изјави дека е „потресен од застрашувачките слики од злосторствата извршени од руската армија во Буча, ослободен регион во регионот на Киев“
Shocked by haunting images of atrocities committed by Russian army in Kyiv liberated region #BuchaMassacre
EU is assisting #Ukraine & NGO’s in gathering of necessary evidence for pursuit in international courts.
Further EU sanctions & support are on their way.
Слава Україні!
— Charles Michel (@eucopresident) April 3, 2022
14.10 Руски војници починале откако јаделе храна која им ја дале украински цивили
Двајца руски војници загинаа во близина на Харков, откако украински цивили ги хранеле со отруени пити, соопшти Украинската одбранбена разузнавачка агенција
14.00 Руски проектили го погодија Николаев
Неколку руски проектили го погодија украинското црноморско пристаниште Николаев, изјави во неделата помошникот на Министерството за внатрешни работи на земјата, Антон Герашченко
13.20 Борел им честиташе на Украинците за ослободувањето на регионот Киев
Министерот за надворешни работи на ЕУ, Јосеп Борељ, денеска и честиташе на Украина за ослободувањето на поголемиот дел од регионот на Киев и повтори дека ЕУ ќе инсистира на казнување, како што тврди, воените злосторства на руската армија
12.30 Портпаролот на Зеленски: Руските акции во Украина изгледаат како воени злосторства
Портпаролот на украинскиот претседател Володимир Зеленски тврди дека властите во Украина пронашле нешто што „изгледа како воени злосторства“, вклучително и тела на егзекутирани цивили и масовни гробници, откако Русите се повлекле од областа каде што се воделе борбите
11.30 Си-Ен-Ен: Руските сили погодиле складиште за гориво во Одеса
Рано утрово на социјалните мрежи се појавија снимки од нападот во украинска Одеса
A cidade portuária de Odessa, na Ucrânia, terá sido palco de mais um ataque russo esta manhã, registando-se fortes explosões e colunas de fumo numa área onde se armazena combustível. Uma refinaria de petróleo terá sido atingida por um míssil … https://t.co/Fsy8Un4L86
— CNN Portugal (@cnnportugal) April 3, 2022
10.35 Борис Џонсон инсистира на вооружување на Украина
Британскиот премиер Борис Џонсон инсистира на потребата од снабдување на Украина со противбродски ракети со цел да се заштити брегот од гранатирање од морето, пишува Тајмс, повикувајќи се на британските власти.
10.20 Страшни обвинувања на сведоци од Украина: Русите земаат деца како заложници
Украина ја обвини Русија дека ги користи децата како „човечки штит“ при прегрупирање на своите сили, покажуваат првите ужасни сведоштва на сведоците од новоослободениот град Буча во близина на Киев.
09.25 Песков: Главната цел на руската операција е да се спасат републиките Доњецк и Луганск
Русија се надева дека за време на воената акција во Украина ќе биде исполнета една од нејзините главни задачи за спас на самопрогласените Народни републики Доњецк и Луганск (ДНР и ЛНР) и враќање на нивната државност, изјави портпаролот на Кремљ, Дмитриј Песков
09.20 Русија: Преговори утре, нема услови за средба на лидерите
Русија соопшти дека мировните преговори со Украина ќе продолжат утре, но дека не постигнале доволно напредок за средбата на двајцата претседатели, а ставот на Москва за статусот на Крим и Донбас останува непроменет.
09.15 Шефот на украинскиот преговарачки тим: Русија усно се согласи со нашите барања
Шефот на украинската преговарачка делегација изјави дека Русија усно се согласила со предлозите на Украина дадени за време на преговорите на делегациите во Истанбул.
09.12 Москва отвори хуманитарен коридор од Мариупол на барање на Ердоган
Москва одлучи да отвори уште еден хуманитарен коридор за евакуација на цивили и странски државјани од градот Мариупол на барање на турскиот претседател Реџеп Таип Ердоган, соопшти руското Министерство за одбрана
09.10 Украинците на колена го пречекаа конвојот паднати војници
Украинскиот дипломат и поранешен амбасадор во Австрија, Олександер Шерба на својот Твитер профил објави видео од украинскиот народ како пречекува конвој возила со паднати војници
That’s how #Ukraine honors her fallen soldiers.#StandWithUkraine️ #UkraineWillWin #Terrorussia #PutinIsaWarCriminal #StopPutin #RussianUkrainianWar #RussiaGoHome #РоссияСмотри #нетвойне #PutinsWar pic.twitter.com/2Y5rRZRxGr
— olexander scherba?? (@olex_scherba) April 1, 2022
09.08 Одеса е нападната – силни експлозии одекнуваат во градот
Во последните неколку часа серија проектили беа истрелани кон украинскиот пристанишен град Одеса
Missile attack in #Odessa #Ukraine
Local residents report 6 to 8 rocket arrivals. According to preliminary data, the oil refinery is on fire due to a missile attack by the Russian army. pic.twitter.com/nWnTq01bSZ— JM Donis (@JMDon21696071) April 3, 2022
09.05 Украинците претставуваат значаен предизвик за руските воздушни и ракетни операции
Британците наведуваат дека Украина продолжува да нуди значителен отпор на руските воздушни и ракетни операции, иако се наведува дека има концентрација на руски воздушни активности кон југоисточниот дел на земјата
(1 of 3)
Over the last week, there has been a concentration of Russian air activity towards south eastern Ukraine, likely a result of Russia focusing its military operations in this area.
— Ministry of Defence ?? (@DefenceHQ) April 2, 2022
09.00 Зеленски: Русија има за цел да ги окупира истокот и југот на Украина
Украинскиот претседател Володимир Зеленски изјави дека руските сили имаат за цел да го окупираат истокот и југот на земјата и се пожали дека западните земји не му дале на Киев доволно противракетни системи
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Италијанец се преправал дека е слеп 50 години, ја измамил државата за повеќе од еден милион евра
76-годишен маж од областа Виченца во Италија се преправал дека е целосно слеп повеќе од 50 години за да добие надомест за инвалидитет измамувајќи ја државата за повеќе од еден милион евра. Измамата е откриена кога финансиската полиција го снимила како извршува секојдневни задачи без никакви проблеми, како што се градинарство и пазарување на пазарот, објавува „Кориере дел Венето“.
На снимката објавена од финансиската полиција човекот е снимен како внимателно избира овошје и зеленчук на пазарот. Дома е снимен како врши градинарски активности, вклучувајќи кастрење и полевање растенија. Сите овие задачи ги извршувал со целосна леснотија, иако официјално бил регистриран како 100 % инвалид поради слепило.
Жителот на Монтекио Маџоре е обвинет за сериозна измама против државата.
Според обвинението, човекот незаконски примал бенефиции и надоместоци наменети за слепи лица повеќе од педесет години, со што стекнал незаконска бенефиција од повеќе од еден милион евра. Истрагата е поведена по вкрстена проверка на податоците на корисниците на социјално осигурување, а членовите на финансиската полиција од Арзињано поминале повеќе од два месеца следејќи го. Утврдено е дека тој почнал да прима пензија и надомест за придружба уште во 1972 година по наводна несреќа на работа.
#GdiF #Vicenza Denunciato un falso invalido per truffa ai danni dello Stato, avendo percepito indebitamente, per più di 50 anni, indennità e sussidi per un importo superiore al milione di euro.#NoiconVoi pic.twitter.com/DvqBzrir2l
— Guardia di Finanza (@GDF) October 13, 2025
Старецот е снимен како извршува голем број секојдневни задачи, без ничија помош, вклучително и користење опасни алатки, како што се ножици за кастрење и тримери за жива ограда. Тој исто така редовно одел сам на градскиот пазар избирајќи продукти и плаќајќи во готово од сопствениот паричник.
Врз основа на цврсти докази, поткрепени со сведочење на експерти, судската власт во Виченца поднесе обвинение против лажно слепиот човек. Финансиската полиција ги извести надлежните институции сите бенефиции веднаш да му бидат суспендирани. Даночната ревизија утврди нелегален приход од над 200 илјади евра во последните пет години, период за кој може да се направи процена, и е предложено да се конфискува овој износ.
„Оваа операција сведочи за континуираната посветеност на Финансиската полиција во борбата против измамите во секторот за социјална помош и пензиско осигурување. Јавните средства наменети за поддршка на најранливите и навистина сиромашните социјални групи неправедно се одземаат“, соопшти Покраинската команда на Финансиската полиција во Виченца.
фото: принтскрин
Европа
Зеленски: Русија ја таргетира енергетската инфраструктура со 300 дрона и 37 ракети
Украинскиот претседател Володимир Зеленски денеска објави дека Русија употребила 300 беспилотни летала и 37 ракети за напад врз украинската инфраструктура во текот на ноќта.
„Оваа есен Русите го користат секој ден за да ја таргетираат нашата енергетска инфраструктура“, напиша тој на „Икс“.
Украинската приватна енергетска компанија ДТЕК претходно соопшти дека постројка за производство на гас во регионот Полтава е затворена по рускиот напад врз енергетската инфраструктура во текот на ноќта.
Извори од индустријата за „Ројтерс“ изјавија дека руските напади предизвикале значајна штета на гасниот сектор на Украина.
Главниот извршен директор на украинската државна компанија „Нафтогас“ рече дека нападите го нарушиле работењето на неколку клучни постројки.
Тој нагласи дека тие имале директно влијание врз домашното производство на гас и дека Киев ќе мора да ги покрие загубите преку увоз.
фото: принтскрин
Европа
Путин почнува брутална зимска тактика против Украина
Русија ги засили нападите врз енергетската и гасната инфраструктура на Украина во последните денови, во кампања што потсетува на најлошите зимски удари во последниве години. За само неколку дена, десетици електрани низ целата земја беа погодени, оставајќи милиони без електрична енергија, вода и греење – бидејќи температурите штотуку почнуваат да паѓаат.
Украина вчера воведе итни прекини на електричната енергија во речиси сите региони. Националниот оператор Укренерго соопшти дека далноводите и трафостаниците се оштетени и дека се потребни ограничувања на потрошувачката за стабилизирање на системот. ДТЕК, најголемиот приватен производител и дистрибутер, соопшти дека ја вратил електричната енергија на речиси два милиони корисници за само неколку дена, главно во регионите Киев, Одеса и Дњепропетровск.
Во главниот град, прекините на електричната енергија, исто така, предизвикаа пад на притисокот на водата, додека делови од метрото работеа на резервна електрична енергија. Во неколку региони, вклучувајќи ги регионите Суми и Черкаси, властите воведоа ротирачки прекини на електричната енергија и ги повикаа граѓаните да штедат енергија.
Зеленски: „Путин се обидува да предизвика хаос пред зимата“
Украинскиот претседател Володимир Зеленски рече дека Русија го користи студот како оружје.
„Тие немаат што да покажат на бојното поле, па затоа се обидуваат да го уништат нашиот енергетски сектор. Нивната цел е да сеат хаос и страв пред зимата“, рече тој. Тој додаде дека руските сили лансирале повеќе од 150 беспилотни летала и десетици ракети за само неколку дена, насочени кон електрани, трафостаници и гасни постројки.
Министерот за енергетика Герман Галушченко рече дека нападите оваа недела ги погодиле и постројките на државната компанија Нафтогаз и неколку термоцентрали во централна Украина. „Нивната цел е да ги исцрпат нашите залихи на гас и да нè принудат да увезуваме во средината на зимата“, рече тој.
Повторување на бруталната тактика
Според проценките на воените и енергетските аналитичари објавени од Ројтерс и Блумберг, Русија ја повторува бруталната тактика што ја користеше во минатите зими – систематски напаѓајќи ги електроенергетските и гасните постројки за да ја намали отпорноста на Украина и да го ослаби моралот на населението.
Целта не е моментален прекин на електричната енергија, туку долгорочно осиромашување преку постојани поправки, преоптоварувања и недостиг на делови.
Нападите се темпирани да се совпаднат со промената на сезоната: како што паѓаат температурите, секоја штета има поголемо влијание, а работата на мрежата се забавува. Аналитичарите предупредуваат дека Москва користи тактика на „заситеност во одбраната“ – користејќи масивни бранови беспилотни летала и ракети за да ги истроши украинските ракети за воздушна одбрана, а потоа прецизно ги таргетира клучните точки на пренос.
МВР со детали: Поткопан е темелот на куќата на Владо Малески, против сторителот ќе биде поднесена кривична пријава
Се огласи полицијата по случајот со уривањето на дел од спомен-куќата на Владо Малески, авторот на текстот на македонската химна....
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
Хамас врати уште две тела на заложници, велат дека не може да ги пронајдат другите
Хамас вчера ги предаде останките на уште двајца заложници на Меѓународниот комитет на Црвениот крст, но соопшти дека во моментов...
Фон дер Лајен по посетата на Македонија: Топката е во Вашиот двор, ЕУ е подготвена
Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен...
Гаши – фон дер Лајен: Економска интеграција на единствениот европски пазар пред интеграција во ЕУ
Претседателот на Собранието, Африм Гаши, оствари средба со претседателката на Европската комисија, Урсула фон дер Лајен, која во рамките на...
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
Ѓорѓиевски вети бесплатен оброк за секој средношколец и наградни патувања во Европа за првенците на генерација
Кандидатот за градоначалник на Скопје од ВМРО-ДПМНЕ, Орце Ѓорѓиевски, денес ја претстави програмата за средношколците. Вети модерен, дигитален и еколошки...
