Регион
Руска честитка по изборите: „Браво Србија! Браво Унгарија! Браво за вистинската и суверена Европа“
Изборите во Србија и Унгарија го потврдија суверенитетот на тие земји, изјави потпретседателот на Советот на Руската Федерација, Константин Косачев. Тој на „Телеграм“ напиша дека вистинските суверени држави во Европа може да се избројат на една рака.
„Покрај Русија, тоа се Белорусија, Ерменија, Турција и како што јасно потврдија вчерашните избори, Србија и Унгарија“, напиша Косачев на „Телеграм“, а пренесува „Танјуг“.
Според него, на другата страна се Германија, Франција и Италија. Косачев смета дека тоа е резултат на деструктивната повоена политика на САД.
„Браво Србија! Браво Унгарија! Браво за вистиснката и суверена Европа“, напиша Косачев.
На претседателските избори одржани вчера во Србија, врз основа на резултатите од 90,71 избирачки места обработени од Републичката изборна комисија, најмногу гласови има Александар Вучиќ – 59,55 отсто, а врз основа на 91,02 отсто од обработените избирачки места најмногу, на парламентарните избори, има коалицијата собрана околу СНС „Заедно можеме сè“ – 43,45 отсто, што е околу 122 пратенички места.
Унгарскиот премиер Виктор Орбан синоќа прогласи победа на парламентарните избори, откако партијата „Фидес“, чиј лидер е тој, освои повеќе од половина од гласовите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.
Регион
Убиство и самоубиство во Бјеловар, Хрватска
Во Бјеловар, Хрватска во семејна куќа се пронајдени две починати и едно тешко повредено лице, кое е префрлено во болница. Најверојатно се работи за насилна смрт, а според неофицијални информации, мажот ја убил мајката на неговата жена, а се обидел да ја убие и сопругата која е тешко повредена.
Напаѓачот, според првичните инфрормации се самоубил.
Хрватската полиција засега не ги потврдува неофицијалните информации дека се работи за убиство и самоубиство.
Полицијата дојавата ја добила околу 10 часот, а на местото се врши увид.
Регион
Пленковиќ, хрватскиот премиер кој доби трет мандат најави прва седница за понеделник
Откако хрватскиот Сабор вчера ја поддржа 16. Влада на Република Хрватска, а третата предводена од лидерот на Хрватската демократска заедница (ХДЗ) Андреј Пленковиќ, тој во изјава за медиумите рече дека првата седница на новата Влада ќе биде во понеделник и најави продолжување на посветената работа во интерес на хрватскиот народ.
„Благодарам на мнозинството во хрватскиот Сабор што ни ја укажа довербата да станеме Влада на Република Хрватска по трет пат и ние, како што правевме претходните осум години, посветено ќе работиме во интерес на хрватскиот народ, сите наши сограѓани, економијата, врската меѓу татковината и иселениците Хрвати и да спроведеме програма врз основа на која ја добивме довербата на хрватските гласачи“, рече Пленковиќ откако Собранието гласаше за неговата трета Влада
Тој им се заблагодари на сите партнери кои ја поддржаа Владата.
Пратениците во хрватскиот Сабор вчера гласаа за доверба на новата влада на премиерот Андреј Пленковиќ.
За доверба на Владата гласаа 79 пратеници, против беа 61 пратеник, а еден беше воздржан.