Македонија
Следно поглавје „Студирај на АУЕ – ФОН, плати како на државен“
![](https://makfax.com.mk/wp-content/uploads/2022/04/FON-univerzitet.jpg)
Доколку праксата за време на студирањето Ви е подеднакво важна колку и теоријата и сакате одговор од професорот на секое поставено прашање, во било кое време, ова е ШАНСА за секој матурант! Американскиот Универзитет на Европа – ФОН стартува со кампањата „СТУДИРАЈ НА АУЕ – ФОН, ПЛАТИ КАКО НА ДРЖАВЕН” за ранo пријавување на матуранти.
Кампањата е наменета за сите матуранти кои што се заинтересирани да студираат на некои од факултетите на АУЕ – ФОН, a целта е да се даде можност и олеснителност во студирањето.
АУЕ-ФОН со кампањата уште еднаш покажа дека безрезервно се залага за сите амбициозни млади, кои го разбираат квалитетот на образованието, па така следејќи ги светските стандарди, им дава можност на идните академски граѓани да заштедат финансии, а при тоа во текот на своето високо образование да добијат знаење и квалитетно образование од престижниот наставен кадар, кој зад себе има богата истражувачка дејност.
Заинтересираните матуранти ќе имаат можност преку апликацијата на веб страницата на АУЕ-ФОН да остават свои лични податоци, а пријавените ќе бидат контактирани во рок од 48 часа.
Со овој начин на аплицирање, АУЕ – ФОН го применува холистичкиот, односно индивидуалниот пристап за упис на кандидатите врз основа на однапред утврдени критериуми како што се на пример: остварен успех, лични способности, квалитети и останати вредности. По разгледување на сите критериуми заедно, студентите ќе бидат известени за поволностите и условите за студирање.
Слоганот за целокупната уписна кампања на Американскиот универзитет на Европа – ФОН за оваа академска година е „NEXT CHAPTER”.
Поволностите од кампањата за рано пријавување на матуранти „СТУДИРАЈ НА АУЕ – ФОН, ПЛАТИ КАКО НА ДРЖАВЕН” може да се искористат само во месец април.
Ова е одлична можност за студентите да го променат своето гледиште на студирањето, кое не треба да биде само потреба, туку уживање, а придобивките што ќе ги добијат на АУЕ-ФОН се индивидуален пристап и комуникација со наставниот кадар, практична настава, работа за време на студиите и уште многу позитивни аспекти кои го издвојуваат овој универзитет од останатите во нашата земја.
Пријавете се и станете дел од големото семејство на АУЕ-ФОН!
Повеќе информации за кампањата која трае од 01 до 30 април, може да се добијат на телефонскиот број 076/22 55 44 или на fon.edu.mk
ПР
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Средба Муцунски – Аксинте: Интегрирањето на земјите од Западен Балкан во ЕУ тема на разговорите
![](https://makfax.com.mk/wp-content/uploads/2024/07/1.jpeg)
Министерот за надворешни работи и надворешна трговија, Тимчо Муцунски денеска се сретна со амбасадорката на Романија, Адела Моника Аксинте.
Како што соопшти МНР, на средбата биле потврдени традиционалните и пријателски односи меѓу двете држави кои и во иднина ќе се унапредуваат и продлабочуваат, со посебен фокус на економската соработка. Воедно, се истакна и динамиката на билатералната соработка, почнувајќи од политичкиот дијалог, секторската соработка и нашата тесна соработка во регионалните иницијативи.
Тема на разговорите беше и интегрирањето на земјите од Западен Балкан во ЕУ, при што соговорниците се согласија дека понатамошното проширување на Европската Унија не е само поттик за земјите од регионот, туку и суштински интерес за земјите членки.
Министерот Муцунски изрази благодарност за континуираната и безрезервна поддршка од Романија за нашето членство во Европската Унија, како и за нивната подготвеност да понудат помош во конкретни области кои се од наш интерес. Соговорниците се осврнаа и на сојузништвото во рамки на НАТО, и потребата од зајакнување на соработката во контекст на безбедносните предизвици пред кои сме исправени, се наведува во соопштението на Министерството за надворешни работи и надворешна трговија.
Македонија
Министерот Мисајловски во посета на припадниците на баталјонот за специјални сили – „Волци“: Вие сте инспирација и херои на нашата нација
![](https://makfax.com.mk/wp-content/uploads/2024/07/Misajlovski-vo-poseta-na-bss-2.jpg)
Министерот за одбрана, Владо Мисајловски, заедно со началникот на Генералштабот, генерал-потполковник Васко Ѓурчиновски, денеска ги посети припадниците на баталјонот за специјални сили – „Волци“ во касарната „Илинден“ во Скопје.
За време на посетата министерот Мисајловски беше брифиран за историјатот на единицата, мисиите и задачите што ги остварува, учеството во мировните операциите, како и операциите за заштита на источното крило на алијансата, мисијата eVA.
Министерот Мисајловски во разговор со припадниците на единицата упати искрена благодарност за нивната служба и непоколеблива посветеност.
„Вие сте инспирација и херои на нашата нација. Чест и привилегија ми е да застанам пред вас, припадници на најелитната единица на Армијата. Наши чувари на мирот, олицетворение на храброст и посветеност во службата значајни за Армијата и за граѓаните“, рече министерот Мисајловски и додаде дека ќе направи сè за оваа, но и за другите единици на Армијата, да бидат на уште повисоко ниво на подготвеност и опременост.
При посетата министерот Мисајловски имаше можност да се запознае со дел од опремата што ја користат припадниците на единицата и да ги посети објектите на баталјонот за специјални сили.
Македонија
Претседателката Силјановска-Давкова го прими австралискиот амбасадор Даниел Емери
![](https://makfax.com.mk/wp-content/uploads/2024/07/Foto-1-1.jpg)
Претседателката Гордана Силјановска-Давкова денеска го прими амбасадорот на Австралија, Даниел Емери.
На средбата беше разговарано за севкупните билатерални односи меѓу двете држави, кои се пријателски, и в година ќе се одбележат 30 години од воспоставувањето на дипломатските односи. Претседателката Силјановска-Давкова ја изрази посветеноста од македонска страна за натамошно проширување на соработката на разчни полиња и изрази очекување дека Австралија ќе продолжи да биде наш партнер и сојузник во остварувањето на стратешките цели и аспирации.
Во таа насока претседателката Силјановска-Давкова го реафирмира интересот од македонска страна за отворање резидентна амбасада на Австралија во Скопје.
Како важна врска меѓу двете држави беше посочена многубројната македонска заедница во Австралија, која дава важен придонес во општествениот живот на Австралија и придонесува за австралискиот економски развој.
Претседателката Силјановска-Давкова на средбата истакна дека нивото на економска соработка не ги рефлектира одличните политички односи меѓу двете пријателски земји и дека постои огромен неискористен потенцијал во насока на развој на економската соработка и зголемување на трговската размена.