Унгарскиот премиер Виктор Орбан упати порака со поддршка до српскиот претседател Александар Вучиќ во која порача дека српските патриоти можат да сметаат на унгарските патриоти.

„Почитуван Александар! Почитувани српски патриоти! Поздрав од Будимпешта. Со месеци следиме што се случува во Србија. Странските сили се обидуваат да се мешаат во животот на Србите. Тоа се случува и овде. Странските сили сакаат да им кажат на Србите како треба да живеат. Истото го прават и овде“, рече Орбан во видео пораката.

🇷🇸🇭🇺 @PM_ViktorOrban: Стране силе хоће да кажу Србима како да живе!

„Драги Александре! Драге српске патриоте! Поздрављам вас из Будимпеште. Већ месецима пратимо шта се дешава у Србији. Стране силе покушавају да се умешају у животе Срба. Ово се дешава и код нас. Стране силе хоће… pic.twitter.com/3ibEl8uNMh

— Народни непријатељ 🇷🇸 (@PrijateljNaroda) April 10, 2025

Тој додаде дека странските сили постојано ги напаѓаат оние кои се залагаат за суверенитетот на Србија, јавуваат белградските медиуми.

„И за тоа не напаѓаат. Гледаме дека не се откажувате, гледаме дека се борите храбро, бидејќи сакате суверена Србија. Не сте сами – вашата борба е наша борба. Српските патриоти можат да сметаат на унгарските патриоти. Да живее претседателот Вучиќ, да живее Србија“, рече Орбан.

Попладневното патување на семејство шпански туристи над замаглениот брег на Менхетен се претвори во трагедија кога хеликоптерот во кој се наоѓаа падна во река кај брегот на Њу Џерси, при што загина целото семејство и пилотот.

Сведоци на несреќата биле случајни минувачи кои виделе како хеликоптерот паѓа од небо и удирајќи во водата се превртува наопаку, додека делови од леталото паднале во реката.

Градоначалникот на Њујорк Ерик Адамс изјави дека семејството е од Шпанија. Агустин Ескобар, неговата сопруга Мерс Кампруби Монтал и нивните деца, на возраст од 4, 5 и 11 години, се идентификувани како жртви на несреќата, заедно со 36-годишниот пилот, потврдија полициски извори за Еј-би-си Њуз.

Агустин Ескобар беше претседател и извршен директор на Сименс Шпанија.

Според полицискиот комесар на Њујорк, Џесика Тиш, службите за итна помош примиле повик во 15:17 часот. – пријавена е хеликоптерска несреќа во реката Хадсон во близина на паркот Пиер А во Хобокен, покрај брегот на Њу Џерси. По пристигнувањето, полицијата извлекла четири лица од водата, а пожарникарите извлекле уште две.

😱 Terrifying New Footage Emerges Of #HelicopterCrash In NYC

Agustín Escobar, President and CEO of Siemens Spain, lost his life alongside his wife and their three children in the crash over the Hudson River. (NYP)

The family had just arrived in Manhattan from Barcelona earlier… https://t.co/8rXZ7ZZrsw pic.twitter.com/88f7cTppvh

— RT_India (@RT_India_news) April 11, 2025

Четири лица се прогласени за мртви на местото на несреќата, а две се пренесени во болница, рече Тиш. Градоначалникот на Џерси Сити, Стивен Фулоп, изјави дека две деца биле пренесени во болница, но лекарите не можеле да ги спасат и тие исто така биле прогласени за мртви.

Актуелниот американски претседател Доналд Трамп го изрази своето сочувство преку Truth Social, велејќи: „Бог да ги благослови семејствата и пријателите на жртвите“.

„Сè што можам да ви кажам е дека сме уништени“, рече Мајкл Рот, директор на „Њујорк хеликоптер чартер“, кој е сопственик на хеликоптерот.

„Јас сум татко, дедо, а мојата сопруга плаче без престан од попладнево“, додаде тој.

На прашањето за техничката состојба на хеликоптерот, тој рече дека тоа е одговорност на директорот за одржување, кој одби да коментира.

Шпанскиот премиер Педро Санчез ја нарече несреќата „незамислива трагедија“ во објава на платформата Икс.

„Сите мои мисли се со семејството и пријателите на жртвите во овој момент“, напиша тој.

Кина објави дека „умерено“ ќе го намали бројот на американските филмови официјално прикажани на нејзина територија, што е една од контрамерките во трговската војна со САД.

За разлика од попомирувачкиот тон кон остатокот од светот, американскиот претседател Доналд Трамп во средата ги заостри царините за кинески стоки. Откако рече дека ќе му даде на остатокот од светот 90-дневна пауза за некои од неговите нови царини, Трамп ги зголеми тарифите за увоз од Кина на огромни 125 проценти.

Кинескиот министер за трговија вети дека Кина „ќе се бори до крај“ доколку Вашингтон продолжи со својата непријателска кампања за зголемување на царините и давачките.

„Лошите практики на американската влада кои вклучуваат злоупотреба на тарифите против Кина може само да ја намалат популарноста на американските филмови кај кинеската публика“, изјави портпаролот на Националното биро за филмска уметност (CFA).

„Ќе ги следиме пазарните правила, ќе го почитуваме изборот на публиката и умерено ќе го намалиме бројот на американски филмови увезени во Кина“, се вели во соопштението на CFA објавено на нејзината веб-страница. Како причина за најавата ги наведуваат американските царини од 125 отсто за кинески стоки, што го опишуваат како „погрешен потег“.

Кина увезува 34 странски филмови годишно за национална дистрибуција, од кои десет се американски, според претходно договорениот систем на квоти. Иако американските филмови веќе не се толку популарни во Кина – вториот по големина филмски пазар во светот – тие сè уште заработуваат значителни суми таму, со заработка од 585 милиони долари во 2024 година, или 3,5 отсто од кинескиот пазар, кој заработи 17,7 милијарди долари на бокс офисот.

Во 2024 година, најголемиот американски успех во Кина беше спектаклот „Godzilla x Kong: The New Kingdom“ кој заработи 132 милиони долари.

Иако увозот на американски филмови во Кина е ограничен, Кинезите имаат лесен пристап до странски филмови преку различни платформи за стриминг и пиратски сајтови.