Македонија
АУЕ – ФОН и приватниот универзитет за економија и бизнис ВУЗФ од Софија со заеднички европски дипломи и нови докторски студии
Американскиот универзитет на Европа – ФОН со нови регионални можности за докторски, магистерски и додипломски студии од областа на економијата, бизнисот и претприемништвото во соработка со приватниот универзитет ВУЗФ од Софија, Република Бугарија. Ова е договорено во рамките на денешната работна средба помеѓу ректорот на АУЕ – ФОН, проф. д-р Билјана Пулеска Јанушева и ректорот на приватниот универзитет ВУЗФ, проф. д-р Борис Велчев.
На средбата беше потпишан и меморандум за соработка меѓу АУЕ – ФОН и ВУЗФ, со што се создава основа за развивање заеднички студиски програми, преку кои студентите од Македонија и Бугарија ќе имаат можност да се стекнат со двојни дипломи од двата универзитета.
Во таа насока, новите студенти, постоечките, како и алумните од АУЕ – ФОН кои студираат или студирале деловна економија, бизнис-менаџмент, финансиски и банкарски менаџмент, маркетинг и спортски менаџмент, ќе можат преку полагање на диференцијални предмети да се стeкнат со дополнителна диплома од областа на претприемништвото, сметководството, осигурување, меѓународна економија или други студиски програми коишто ги овозможува ВУЗФ универзитетот.
Меморандумот за соработка истовремено овозможува да се имплементира праксата на мобилност на студентите за студирање во странство, размена на научни материјали, публикации и информации, како и мобилност на академскиот кадар, посета и меѓусебна размена.
Дополнително, согласно Меморандумот се воспоставува основа за истражувачка соработка за двата универзитета и за студентите, како и можност за организирање меѓународни конференции и аплицирање за финансирање на заеднички едукативни проекти и програми. Договорено е и признавање на академските курсеви и издавање двојни дипломи, коишто ќе бидат валидни и признаени од двете страни, но и во меѓународни рамки.
Со денешното потпишувањето на меморандумот со универзитетот ВУЗФ од Софија, продолжуваат заложбите на АУЕ – ФОН за континуирано проширување на меѓународната соработката со универзитети и партнери од регионот, со кои заеднички ќе дејствуваат во насока на унапредување на образовниот процес преку размена на искуства и примена на иновациски пристап на работа, којшто одговара на современите барања на пазарот и потребите на идните студенти, како и кариерниот развој на академскиот кадар.
(ПР текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„ДКСК да покрене постапка против Битиќи, бара од фирмите на кои им исплаќал државна помош да гласаат за него“, вели ВМРО-ДПМНЕ
„ДКСК да покрене постапка против Битиќи, бара од фирмите на кои им исплаќал државна помош да гласаат за него, им сугерира и број на гласачко ливче. По објавениот документ од кој се гледа како Битиќи бара од компании да го поддржат затоа што им исплаќал државна помош тој требаше да се повлече од политиката“, велат од ВМРО-ДПМНЕ.
„Фактот што Битиќи не само што не се повлече, туку и не се извини, говори како СДС и ДУИ ја заробија државата и како 100тина функционери управуваат со државата како да е нивен личен имот.
ДКСК не смее да чека, да отвори случај и да се отвори постапка и пред другите институции.
Злоупотребите на институциите мора да запрат. По 8ми мај ќе се стави крај ма ваквите практики, а таквите како Битиќи ќе се соочат со одговорност“, соопшти ВМРО-ДПМНЕ.
Македонија
Променливо облачно и нестабилно со пороен дожд и грмежи
Времето денеска ќе биде променливо облачно и нестабилно со пороен дожд и грмежи, особено во источните делови. Локално процесите ќе бидат во форма на краткотрајно невреме со засилен ветер и услови за изолирана појава на град. Минималната температура ќе биде во интервал од 7 до 12, а максималната ќе достигне од 14 до 22 степени.
Во Скопје променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град. Минималната температура ќе се спушти до 10, а максималната ќе достигне до 21 степен.
Продолжува периодот на променливо облачно време со повремени локални врнежи од дожд, освен во недела кога ќе биде претежно стабилно и потопло. Во сабота ќе дува засилен северен ветер.
Македонија
Нема подолги задржувања за влез и излез од државата
Сообраќајот на државните патишта се одвива непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.