Македонија
(Интервју) Илија Серов од руската амбасада: Потезите на вашата земја не се дипломатски, туку се насочени кон Русија во целина
![](https://makfax.com.mk/wp-content/uploads/2022/04/277967660_1340663096432079_4104091038665661766_n.jpg)
„Со засилување на русофобијата на Западот се искривува и перцепцијата за руската политика на Балканот. Има обвинувања за мешање на Русија во билатералните спорови на државите од регионот. Можам да кажам дека фантазијата на авторите на овие изјави нема граници“, вели руското аташе за медиуми во Амбасадата на Руската Федерација во Македонија во интервју за „Макфакс“.
За протерувањето на 5-темина руски дипломати од Македонија и за тоа каков ќе биде одговорот од руска страна, Серов вели: „Овој чекор нема да остане без одговор кој ќе биде адекватен и чувствителен. Кампањата со протерувањето на руски дипломати нема никаква врска со нормалната дипломатска практика. Таа не е насочена кон конкретни лица туку кон нашата земја во целина“.
Претставникот на руската амбасада во нашата земја смета дека Западот намерно сака да ја прекине комуникацијта со Русија.
„Очигледно не сака да ја слушне вистината за која зборуваме и која можеби е непријатна за некого. Вашата земја се придружи на оваа кампања. Руската страна е отворена за соработка, додека, за жал, Северна Македонија презеде неколку отворено непријателски чекори. Ние не бевме иницијатори на овие негативни трендови во нашите билатерални односи“, вели Серов.
Дали украинскиот конфликт би можел да се прелее и на Балканот? Дали и колку е реална заканата од употреба на нуклеарно оружје? За настаните во Буча и слично, во интервјуто за „Макфакс“ одговара аташето за медиуми во Амбасадата на Руската Федерација во Македонија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.
Македонија
Неисправни се двата полициски хеликоптери и двата ер-трактори, се чека дождот да го изгасне пожарот кај Мариово (ВИДЕО)
![](https://makfax.com.mk/wp-content/uploads/2024/09/pozar-mariovo-1.jpg)
Неисправни се двата полициски хеликоптери и тие не можат да учествуваат во големиот пожар во прилепскиот дел од Мариово чиј периметар се прошири на 110 километри, а е во должина од над 30 метри, се гасне од земја. Директорот на ЦУК, Стојанче Ангелов изјави дека пред неколку часа на помош на пожарникарите од Прилеп и од повеќе други градови, како и на војската и полицијата пристигна еден ер-трактор. Другите два ер-трактори кои ги има државата, за жал, се неисправни, изјави Ангелов. Директорот на ЦУК соопшти дека заврна дожд во Мариово и дополнително ќе извести дали пожарот е целосно изгаснат.
Ангелов изјави дека е тежок пожарот над викенд населбата во скопско Катланово. Тој нагласи дека пожарот создава голем чад и дека тешкотија претставува непристапниот терен. Како што рече, вчера гаснел еден армиски хеликоптер, а денеска пожарникарите од скопската бригада.
Во продолжение е видео-изјавата од Ангелов и за другите пожари во земјава.