Европа
Нова мапа на руската инвазија – северот е ослободен, фокусот е префрлен на исток
Руското Министерство за одбрана неодамна објави дека ќе ги пренасочи борбените активности во Украина на истокот од таа земја, а таа промена на фокусот е јасно видлива кога ќе ги погледнете новите мапи на движењето на руските сили.
Оваа недела британското Министерство за одбрана објави нова мапа на руските напади во Украина, на која се гледа дека практично е ослободен целиот север, но и регионот на Чернобил. Битките на север сѐ уште се водат само во две области околу границата со Белорусија.
Областите околу Киев беа означени како ослободени откога Украинците во текот на викендот објавија дека ослободиле големи области северно, североисточно и северозападно од главниот град.
Мапата го забележува и огромното ослободување на територијата од Киев на исток.
Црвените стрелки ги означуваат насоките на нападот, а испрекинатите црвени стрелки ги означуваат потенцијалните насоки на нападот доколку руските трупи постигнат напредок.
Областа под контрола на Русите е означена во црвено.
The illegal and unprovoked invasion of Ukraine is continuing.
The map below is the latest Defence Intelligence update on the situation in Ukraine – 10 March 2022
Find out more about the UK government's response: https://t.co/sxVhBRiORN
?? #StandWithUkraine ?? pic.twitter.com/LDvFIy4UEA
— Ministry of Defence ?? (@DefenceHQ) March 10, 2022
Кога ќе ја видите мапата објавена од британското Министерство за одбрана на 10 март, можете да видите голема промена. Пред само еден месец најголемата борбена активност беше концентрирана околу Киев.
Руската армија целосно се повлече од северот на Украина кон Белорусија и Русија, соопштија вчера британските воени разузнавачки служби.
Британското Министерство за одбрана на „Твитер“ објави дека барем некои од руските сили, кои се повлекле, ќе бидат префрлени на истокот на Украина за да се борат во Донбас.
Во соопштението од Министерството се наведува дека ќе биде потребно дополнување на единиците пред да се пресели на исток, а најверојатно ќе бидат потребни најмалку седум дена за да се пресели повеќе.
The illegal and unprovoked invasion of Ukraine is continuing.
The map below is the latest Defence Intelligence update on the situation in Ukraine – 07 April 2022
Find out more about the UK government's response: https://t.co/VM4d6oMAF2
?? #StandWithUkraine ?? pic.twitter.com/rp62XIBVE9
— Ministry of Defence ?? (@DefenceHQ) April 7, 2022
Според Министерството, руските сили напредувале појужно од градот Изиум, кој останува под нивна контрола. „Ројтерс“ не можеше да добие независна потврда за извештајот.
Украинските власти во средата повикаа на евакуација во три провинции во близина на границата со Русија поради новите знаци дека трупите на рускиот претседател Владимир Путин ги зајакнуваат нападите врз источните и јужните градови по неуспешниот обид да го заземат Киев.
Локалните власти објавија уште едно руско гранатирање на источниот регион Донецк, при што загинаа најмалку пет лица. Дури 10 високи станбени згради беа цел на напад во Северодонецк, во соседната област Луганск.
Американските аналитичари велат дека Москва почнала постепено да го префрла фокусот на своите воени операции кон источните погранични провинции по повлекувањето на илјадниците војници, кои претходно го опколиле главниот град, објави „Вашингтон пост“.
Претставници на Пентагон во средата потврдија дека Русија во вторникот ја завршила евакуацијата на сите сили од околината на Киев.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.