Црна хроника
Пронајдена дрога при контроли во скопски локали, седуммина приведени

Единицата за недозволена трговија со дрога и Единицата за интервентна полиција при СВР Скопје во периодот од 23 часот на 8. април до 03.30 часот утрово извршиле контроли во повеќе угостителски објекти и прегледи на повеќе лица и патнички возила.ж
Како што информираат од МВР, кај 7 лица од Скопје биле пронајдени марихуана и кокаин.
„Кај В.З.(34) била пронајдена бела прашеста материја, кај Б.Ј.(28) била пронајдена бела прашеста материја, кај М.З.(37) била пронајдена бела прашеста материја и марихуана, кај А.Б.(25) била пронајдена марихуана, кај Н.Ќ.(23) марихуана, кај М.П.(42) кокаин и кај Т.Д.(20) била пронајдена марихуана.
Лицата биле лишени од слобода и по целосно документирање на случаите против нив ќе бидат поднесени соодветни пријави“, посочуваат од ресорното министерство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Црна хроника
Тепачка во соблекувалната на Градскиот стадион во Виница, нападнат фудбалер на „Карбинци“

Две лица физички нападнале фудбалер од клубот „Карбинци“ во соблекувалната на Градскиот стадион во Виница.
Според информациите на МВР, поднесена е кривична пријава против Д.М.(44) и Н.К.(40), двајцата од Виница, поради постоење основи на сомнение за сторено кривично дело „насилство“.
На 04 јуни во соблекувална на Градскиот стадион во Виница, пред започнување на фудбалски натпревар помеѓу екипите на ФК „Слога“ од Виница и ОФК „Карбинци“, пријавените физички го нападнале М.Д., фудбалер на екипата на ОФК „Карбинци“.
Црна хроника
Девојка пронајдена почината во казино во Центар

Дваесет и четиригодишна девојка е пронајдена почината во казино во Центар, Скопје.
Според информациите на МВР, вчера околу 19.42 часот во СВР Скопје било пријавено дека во казино во хотел на подрачјето на Центар во Скопје била пронајдена почината 24-годишната Г.Ј. од Охрид, вработена во казиното.
Лекар од Итна медицинска помош констатирал смрт без видливи траги на насилство, а по наредба на јавен обвинител телото на починатата било дадено на обдукција.
Црна хроника
Украдени бисти со ликови на починати лица од гробиштата во Бутел

Крадци украле бисти со ликови на починати лица од гробиштата во Бутел.
Според информациите на МВР, В.С.(73) и Љ.Г.(66), двајцата од Скопје, пријавиле дека во периодот од 01.02.2025 до 09.06.2025 од две различни гробни места на Градските гробишта Бутел, со употреба на физичка сила и погоден алат биле одземени две бисти со лик на починати лица.
Се преземаат мерки за расчистување на случајот.