Свет
Украински функционер предупредува: Русите акумулираат сили, големата офанзива веќе почна
Руската офанзива во Донбас веќе почна, изјави утрово висок украински функционер додавајќи дека Русија продолжува да собира сили во источниот регион на Украина.
„Од моја гледна точка, големата офанзива (во источна Украина) веќе почна“, изјави на јавната телевизија Вадим Денисенко, советник на украинскиот министер за внатрешни работи.
„Мораме да разбереме дека ова нема да биде повторување на 24 февруари кога почнаа првите воздушни напади и експлозии и кога рековме војната почна. Големата офанзива де факто веќе почна“, додаде тој.
Украинските и западните официјални лица велат дека значајни маневри на руските сили кон Донбас се забележани во последните денови откако Русија не успеа да го преземе Киев.
„Русите акумулираат сили и опрема во Донецк и Луганск. Сè уште нема големи битки за кои толку многу се зборуваше последниве денови, но, генерално, можеме да кажеме дека офанзивата веќе почна“, рече Денисенко.
Советникот на украинскиот министер изјави дека синоќа одекнале експлозии во областа Днепропетровск и додаде дека продолжува гранатирањето на Харков, вториот по големина украински град.
Шефот на воената администрација во Луганск, Сергеј Гајдаи, изјави дека украинските власти организираат забрзана евакуација од Донбас додавајќи дека на 11 април се закажани уште возови за евакуација од Луганск и Донецк.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Потона брод во близина на брегот на Црното Море, се трага по исчезнатите членови на екипажот
Романските спасувачки тимови денеска трагаа по тројца исчезнати членови на екипажот на товарен брод што потона во близина на брегот на Црното Море, соопштија поморските власти.
Информациите кои ги добиле се дека рано утрината дека бродот „Мохамад З“ под знаме на Танзанија потонал на 26 наутички милји од дунавското село Сфанту Џорџ.
Во потрагата и спасувањето биле вклучени Морнаричкиот центар за координација на спасување (МРЦЦ), граничната полиција и два блиски комерцијални брода.
Засега не се познати причините поради кои бродот потонал.
Европа
Шолц ја откажа изборната кампања и ги посети поплавените региони во Германија
Германскиот канцелар Олаф Шолц денеска ги посети поплавените региони во западната германска сојузна покраина Сарланд, каде обилните дождови предизвикаа поплави и лизгање на земјиштето, а неколку згради беа евакуирани.
Шолц ја откажа својата изборна кампања во Сар, на границата со Франција, и наместо тоа, го обиколи делумно поплавениот пат во селото Клајнблитерсдорф заедно со регионалниот гувернер Анке Релингер.
Тој ја потврди солидарноста на сојузната влада со Сарланд.
„За жал, не е првпат да треба да се справиме со голема природна катастрофа, па ќе разгледаме што треба да се направи овде и што е неопходно“, им рече Шолц на новинарите.
Службите за итни случаи одговорија на илјадници повици за помош во главниот град на покраината, Сарбрикен.
Регион
Во Будва уловена сина ајкула тешка 200 килограми
Сина ајкула долга повеќе од три метри и тешка 200 килограми е уловена во Будва.
Уловите на сина ајкула од минатите години покажуваат дека овој вид ајкула најчесто се среќава во Јадранското Море на пролет.
Рајко Бојановиќ, член на спортскиот риболов клуб „Ширун“, улови ајкула и рече дека ќе биде препарирана во Природонаучниот музеј на Црна Гора, а изложбата е планирана за септември.