Спорт
Серхио Рамос сака со Шпанија да игра на мундијалот во Катар
Шпанскиот ветеран Серхио Рамос би сакал да се наметне за настап во репрезентацијата на Шпанија на Светското првенство. Иако поголем дел од сезоната ја пропушти поради повреди, Рамос сега се врати во тимот на ПСЖ и истакна дека посакува да биде дел од „црвената фурија“ на мундијалот. Тој беше долгогодишен капитен на националниот тим.
Рамос летово дојде во ПСЖ по неколкумесечна сага и истекување на договорот со Реал Мадрид, но повредите го спречија да ја оправда својата репутација на еден од најдобрите стопери во историјата на фудбалот.
„Се радувам на минутажата. Потпишав договор на две години, а се надевам дека ќе останам три. Клубот има право на тоа бидејќи бев повреден во поголемиот дел од сезоната“, вели Серхио Рамос.
И покрај тоа то влезе во втората половина од четвртата деценија, шпанецот верува дека може да игра уште неколку години на врвно ниво, а не крие дека има голема желба да добие покана од шпанската репрезентација за настап на Светското првенство во Катар на крајот на годината.
„Имам големи чувства за Шпанија. Можам да им помогнам на патот до светската титула. Тоа чувство е уникатно“, истакна Рамос.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Најемотивниот момент од збогувањето на Крос
Тони Крос го одигра својот последен натпревар во клупската кариера. Германската икона на Реал Мадрид доби овации од „Сантијаго Бернабеу“ во емотивна вечер од последното коло во шпанското првенство. Реал ремизираше со Бетис без голови.
Брилијантниот играч за врска мина низ шпалирот што го направија соиграчите пред почетокот на натпреварот, во тие моменти ја гледаше кореографијата што ја подготвија навивачите за неговото збогување, играе до 86. минута, потоа му ја предаде капитенската лента на Лука Модриќ и се упати кон клупата за резерви.
Ќе биде забележано дека од 2014 година до синоќа одигра 464 натпревари за Реал, постигна 28 гола и забележа 98 асистенции, а со клубот освои 22 трофеи. Сето тоа го понесе Крос на вчерашниот натпревар кој го заврши со овации од трибините и овации од соиграчите.
По натпреварот и самиот призна дека добро се справувал со емоциите во тие моменти, а потоа откри што го расплакало.
„Бев доста силен. Се додека не ги видов моите деца. Тоа ме скрши”, призна инаку „ладниот” Германец по испраќањето од теренот, за кое „Марка“, пишува дека било најголемо за еден играч на Реал.
„Тоа беше убав како неговата кариера, возбудлив како неговиот фудбал и огромен како неговата легенда“.
I'll never recover 🥹💔pic.twitter.com/0gEIh0XcEi
— Ele (@EleModric) May 25, 2024
Спорт
Навивачи на ПАО и Олимпијакос се тепаа во Берлин, 12 повредени, еден е во критична состојба
Жестока тепачка се случила доцна синоќа во Берлин, меѓу навивачи на Олимпијакос и Панатинаикос. Како што јавија грчките и германските медиуми, има повредени, а полицијата морала да ги повика пожарникарите на помош.
Официјално пријавени се 12 повредени, од кои двајца се тешко, а едно лице е во критична состојба, јавува „Баскет њуз“.
Во пресрет на фајналфорот на Евролигата, навивачите на две грчки екипи се судрија на неколку локации во Берлин, но најсериозниот судир се случи околу 23 часот во Пренцлауер Берг, во близина на метро-станицата.
Како што пишуваат медиумите, не требало многу време за вербалниот конфликт да прерасне во физичка пресметка која полицијата едвај ја ставила под контрола. И тоа дури кога на помош пристигнала противпожарната бригада. На лице место биле и неколку возила на Итната медицинска помош.
Како што се наведува во официјалното соопштение на пожарникарите, повредени се 12 лица, од кои две потешко, додека едно лице е во критична состојба.
Во тепачката учествувале околу 60 луѓе. Полицијата констатирала и дека некои од нив користеле бејзбол палки.
Грчките медиуми јавуваат дека во недела во Берлин ќе дојдат околу 5.000 навивачи.
„Ќе ги има 10.000, ќе ја претворат Убер Арена во ОАКА“, рече Ергин Атаман тренерот на Панатинаикос.
Во исто време, во Берлин се уште има голем број навивачи на Олимпијакос и покрај поразот од нивниот тим во полуфиналето.
Од 17:00 часот на програмата е натпреварот за третото место меѓу Олимпијакос и Фенербахче. Финалето на фајнл-форот е закажано за 20 часот и во него ќе се сретнат Панатинаикос и Реал Мадрид.
Спорт
(Видео) Бостон од -18 до победа над Индијана – Холидеј е херојот на Селтикс
Бостон Селтикс ја победи Индијана со 114:111 во третиот натпревар од финалната плејоф серија на Источната конференција. Селтикс водат со 3-0 во серијата, една победа ги дели од пласман во големото НБА финале.
Бостон го слави Џру Холидеј, го фали целата кошаркарска јавност, поради дефанзивниот потег со кој го реши мечот на четири секунди до крајот – кога Пејсерси го започнаа последниот напад, за победа.
При водство на гостите со 112:111, Нембард се упати кон рекетот на Селтикс, на него цело време беше Холидеј, ја чекаше вистинската прилика и искористувајќи го моментот на деконцентрација на ривалот, со одлична реакција му одзеде чиста топка. Тргна во контра беше фаулиран од Сијакам и потоа ги реализираше двете слободни фрлања со кои стави точка на победата.
Џру мечот го заврши со 14 поени, не се прослави во шутот (1/6 за три), но ретко кој ќе го памети неговиот офанзивен настап, поради брилијантнатадефанзивна реакција.
Jrue holiday with the STEAL OF THE YEAR 🔥 pic.twitter.com/rIEoBMDN99
— NBACentel (@TheNBACentel) May 26, 2024
Во победничкиот тим уште еднаш брилјираше Џејсон Тејтум, овојпат со 36 поени, Џејлен Браун постигна 24, а можеби клучен играч на играта заедно со Холидеј беше Ал Харфрод кој постигна седум тројки од 12 обиди и мечот го заврши со 23 поени.
Овој квартет беше најзаслужен за големиот пресврт на Бостон кој се случи откако Пејсерси дојдоа до водство од 84:66 на средината на третата четвртина. Во поразениот тим убедливо најдобар беше Нембард со 32 поени, а Сијакам и Тарнер постигнаа по 22.