Заврши телефонскиот разговор меѓу Доналд Трамп и Владимир Путин, објавија руските државни медиуми.

Двајцата лидери разговарале повеќе од два часа, а Путин го опишал разговорот како „информативен, искрен и многу корисен“, пренесува РИА Новости.

Наскоро повеќе информации на темата.

Шпанскиот премиер, Педро Санчез, денеска повика Израел да биде исклучен од меѓународните културни настани како што е Изборот за песна на Евровизија поради воената кампања во Газа, исто како што на Русија и беше забрането тоа да го прави по инвазијата на Украина.

„Не можеме да дозволиме двојни стандарди, дури и во културата“, рече Санчез, социјалист и долгогодишен критичар на политиката на Израел на окупираната палестинска територија.

„Верувам дека никој не беше шокиран пред три години кога Русија беше исклучена од меѓународни натпревари како што е Изборот за песна на Евровизија, откако ја нападна Украина. Затоа, ниту Израел не треба да учествува“, рече тој.

Санчез ги повика уметниците да застанат во одбрана на вредностите како демократијата и мирот, критикувајќи ги оние кои го бранат, како што вели тој, благ и тивок културен сектор. Израелското Министерство за надворешни работи не одговори веднаш на барањето на Ројтерс за коментар за изјавите на Санчез.

Белата куќа потврди дека телефонскиот разговор меѓу Доналд Трамп и Владимир Путин е започнат.

Пред разговорот, Белата куќа соопшти дека Трамп се фрустрирал од Владимир Путин и Володимир Зеленски.

Самиот американски претседател изрази надеж дека денот ќе биде продуктивен.