Свет
Торнадо во Тексас – повредени над 20 лица
Десетици луѓе се повредени кога неколку торнада го погодија центарот на Тексас, соопштија официјални лица на таа американска сојузна држава.
Невремето беше најинтензивно во Салад, околу 80 километри северно од Остин, а окружниот судија во Бел, Дејвид Блекбурн, изјави дека 23 лица се повредени, од кои едно потешко, додека вкупно дванаесет лица се пренесени во болници.
Тој додаде дека разорното торнадо во вторникот урна и преврте големи дрвја, а зградите беа претворени во урнатини, додека далноводите и столбовите беа расфрлани насекаде.
Фотографиите на социјалните мрежи покажаа дека за време на тоа невреме паднал град со големина на грејпфрут, а во вторникот биле забележани торнада во Ајова и Небраска, каде силните ветрови собориле гранки од дрвјата и предизвикале штета на покривите, пренесува „Ројтерс“.
Центарот за предвидување бури денеска прогнозираше нови торнада во делови од американскиот среден запад и долината Мисисипи, а најлошо време би можело да биде во областите како Литл Рок, Арканзас и Тенеси, додека в четврток во поголемиот дел од западна и централна Северна Дакота, каде што има е силна снежна бура, очекува и до 60 сантиметри снег.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
Господине Трамп, најдете си живот – Бајден лут поради коментарите на експретседателот за ураганот на Флорида
Американскиот претседател, Џо Бајден, одржа брифинг за новинарите за ураганот Милтон.
Тој рече дека обновата на погодената област ќе чини неколку милијарди долари и ќе трае долго.
Американскиот претседател се осврна и на коментарите на експретседателот на САД, Доналд Трамп, кој рече дека погодените од ураганот ќе добијат само 750 долари помош, нарекувајќи ги „бизарни“.
Запрашан дали разговарал со Трамп, Бајден одговори: „Се шегуваш?“, а потоа му понуди совет на републиканскиот претседателски кандидат.
„Господине Трамп, најдете си живот за себе. Помогнете им на овие луѓе“, изјави Бајден од Вашингтон.
Свет
Расте бројот на мртви од ураганот на Флорида
Бројот на загинати во ураганот на Флорида, САД, се искачи на 11 лица, јавува „Ен-би-си њуз“.
Последната жртва е возач на автомобил врз којшто паднало дрво во округот Цитрус.
Претходно, два смртни случаи беа пријавени во округот Пинелас, три во округот Волузија и пет во округот Сент Луси, од кои четири беа предизвикани од торнада.
Регион
Вучиќ го пречека Ердоган на аеродромот: „Добредојдовте во Србија, драг пријателe“
Претседателот на Србија, Александар Вучиќ, вечерва на аеродромот Никола Тесла го пречека претседателот на Турција, Реџеп Таип Ердоган.
Според програмата на посетата, в петок во 11 часот ќе се одржи церемонија на пречек пред палатата „Србија“, по што ќе следи средба на двајцата претседатели, јавуваат српските медиуми.
Потоа ќе се одржи четвртата седница на Високиот совет за соработка меѓу Република Србија и Република Турција, предводена од двајцата претседатели.
„Добредојдевте во Србија драг пријателe. Вашата возвратна посета е уште една можност за дополнително зајакнување на нашите пријателски односи и соработка. Верувам дека за време на вашиот престој во Белград ќе работиме заедно на подобрување на економските, културните и политичките врски меѓу нашите земји“, му порача претседателот Вучиќ на турскиот колега по пристигнувањето во Белград.
View this post on Instagram
Вучиќ и Ердоган ќе присуствуваат и на бизнис форум.